ЯҢАЛЫКЛАР

ТР Икътисад министрлыгында Икътисадның тотрыклы үсешен тәэмин итү буенча чаралар планын гамәлгә ашыру буенча эшче төркем утырышы узды. Республиканың башкарма хакимият органнары һәм муниципаль берәмлекләре вәкилләреннән төзелгән эшче төркем әгъзалары эшсез гражданнарны эшкә урнаштырганда эш бирүчеләргә субсидия бирү һәм шикәр һәм көнбагыш маена бәяләрне тотрыклыландыру чаралары турында фикер алышты.

Россия Федерациясе Икътисадый үсеш министрлыгының Конкуренция, энергия нәтиҗәлелеге һәм экология департаменты директоры урынбасары рәислегендә Россия Федерациясе субъектларында конкуренцияне үстерү стандарты (алга таба – Стандарт) нигезләмәләрен гамәлгә ашыру мәсьәләләре буенча киңәшмә узды.

Аксубай муниципаль районы предприятиесе агростартапны гамәлгә ашыру өчен 485 млн. сум акча алган. 1,8% ставкасы буенча ташламалы финанс «Кече һәм урта эшкуарлык һәм шәхси эшкуарлык инициативасына ярдәм» илкүләм проекты кысаларында поручитель булган ТР Гарантия фонды ярдәме белән җәлеп ителгән. 

Бүген Эшкуар йортында 2020 ел нәтиҗәләре буенча Татарстанның иң яхшы экспортерларын бүләкләделәр. Кече һәм урта бизнес вәкилләре арасыннан 5 номинациядә җиңүчеләр ел саен үткәрелә торган «Ел экспортеры» конкурсы кысаларында билгеләнде.

Татарстан Республикасы икътисад министрының беренче урынбасары Рөстәм Сибгатуллин кече һәм урта эшкуарлыкны үстерүдә бизнесның һәм үзмәшгуль гражданнарның эре заказчылардан сатып алу турында хәбәрдарлыгын арттыруга, шулай ук дәүләт тарафыннан күрсәтелә торган ярдәм чаралары турында түләүсез белем бирү семинары кысаларында уртак нәтиҗәле эше өчен Кече һәм урта эшкуарлык корпорациясенә рәхмәт белдерде. 

ТР Икътисад министрлыгында икътисадның тотрыклы үсешен тәэмин итү буенча чаралар планын гамәлгә ашыру буенча эшче төркем утырышы узды. Республиканың муниципаль берәмлекләре һәм иҗтимагый советлары вәкилләреннән торган эшче төркем әгъзалары закон чыгару яңалыклары һәм бизнеска ярдәм итү инструментлары турында фикер алышты.

«Кече һәм урта эшкуарлык һәм шәхси эшкуарлык инициативасына ярдәм» илкүләм проекты кысаларында Татарстанда бизнеска ярдәм итү өчен уңайлы инфраструктура булдырылды – республиканың 44 муниципаль берәмлегендә һәм шәһәрләрендә даими нигездә ТР Икътисад министрлыгына караган Эшкуарлыкка ярдәм фонды карамагындагы «Минем бизнес» үзәгенең төбәк вәкилләре эшли.

18 мартта 12.05 сәгатьтә  «Эхо Москвы в Казани» радиосында туры эфир булачак, анда катнашучылар – Татарстандагы Росреестр идарәсе эксперты Александра Абдуллина һәм ТР Эшкуарлыкка ярдәм фонды бизнес-тренеры Михаил Унтура безнең төбәктә кече һәм урта бизнесны үстерү өчен нинди чаралар күрелүе турында сөйләячәк.  

Татарстан Республикасы Икътисад министрлыгы сайтында контроль-күзәтчелек чараларын үткәргәндә белдерелә торган зарури таләпләрнең җыелма исемлеге урнаштырылган.

2021 елның 1 мартында «КУЭ» корпорациясе» АҖ, «Иннопрактика» компаниясе («НИР» фонды) белән берлектә, «КУЭ: инновацияләр акселераторы» программасында катнашу өчен гаризалар кабул итә башлый. Бу – инновацияләр һәм икътисадның технологик тармаклары өлкәсендә тиз үсә торган компанияләр өчен программа, ул стратегик үсү, продуктны трансформацияләү, сату базарларын киңәйтү, үз бизнесыңны оптимальләштерү һәм масштаблаштыруны таләп итә.