«КУЭ» корпорациясе» АҖ һәм «Иннопрактика» компаниясе («НИР» фонды) технологик КУЭ субъектлары өчен бизнес-акселераторлыкка гаризалар кабул итүе турында игълан итә
2021 елның 1 мартында «КУЭ» корпорациясе» АҖ, «Иннопрактика» компаниясе («НИР» фонды) белән берлектә, «КУЭ: инновацияләр акселераторы» программасында катнашу өчен гаризалар кабул итә башлый. Бу – инновацияләр һәм икътисадның технологик тармаклары өлкәсендә тиз үсә торган компанияләр өчен программа, ул стратегик үсү, продуктны трансформацияләү, сату базарларын киңәйтү, үз бизнесыңны оптимальләштерү һәм масштаблаштыруны таләп итә.
Катнашу өчен гаризалар КУЭ компанияләреннән, үз эшчәнлекләрен дүрт елдан да ким булмаган өстенлекле тармакларның берсендә алып баручы, шулай ук баланста интеллектуаль эшчәнлек нәтиҗәләре булган компанияләрдән кабул ителә. Катнашучы компания табышының еллык уртача үсеш темпы 2016-2019 еллар (2017-2020 еллар) чорында кимендә 10% тәшкил итәргә тиеш. Шулай ук компания штатында ким дигәндә өч хезмәткәр
төп позициядә булырга тиеш.
Сайлап алу нәтиҗәләре буенча 100 гариза бирүче Преакселерация чараларында – укыту вебинарларында һәм онлайн-сайлап алуда катнаша ала. Питчинг нәтиҗәләре буенча иң яхшы 50 компания төп акселерация программасында катнашу мөмкинлегенә ия булачак, ул трекшн-сессияләрне үз эченә ала – трекерларның кураторлык итүче компанияләр белән шәхси очрашулары, вебинарлар һәм тармакның ментор-лидерлары белән консультацияләр алып барылачак. Акселерация программасының йомгаклау чарасы демо-көн булачак, аның кысаларында катнашучылар чакырылган экспертлар, потенциаль партнерлар алдында акселератордагы эш нәтиҗәләрен тәкъдим итә, шулай ук бизнесны үстерү стратегиясе белән уртаклаша алачак.
«Без эшчәнлекнең төп күрсәткечләрен комплекслы үстерүне тәэмин итү һәм үсеш стратегиясен яңадан карау өчен төрле тармаклардан КУЭ технологик компанияләреннән яңа белемнәр һәм компетенцияләр алу буенча сораулар булуын күрәбез. Акселерация программасын формалаштырганда без ярдәм итүнең аерым инструментларын түгел, ә бизнесның конкрет бурычлары өчен комплекслы чишелешләр әзерләдек һәм бизнесның интенсив үсешендә тәҗрибәле экспертларны җәлеп иттек. Бу – «КУЭ» корпорациясе» АҖ тармак акселераторлары циклында бизнес үсешенең төрле стадияләрендә эшкуарларга ярдәм итүче беренче программа. Программа тәмамланганнан соң, без катнашучылар белән бергә катнашучы компанияләрнең алга таба үсешенең җентекле «юл карталары»н формалаштырачакбыз, шул исәптән «КУЭ» корпорациясе» АҖ акселерация программаларын тәмамлаучыларга гына билгеле булачак махсус финанс продуктларын да тәкъдим итәчәк», – дип шәрехли «КУЭ» корпорациясе» АҖ генераль директоры Александр Исаевич.
«Әлеге акселерация программасы стартап стадиясен узган һәм тотрыклы үсеш этабында әһәмиятле потенциалга ия булган технологик КУЭ субъектларына юнәлдерелгән. Нәкъ менә шуңа күрә мондый программаның миссиясе – әлеге компанияләрне үз технологик өлешләрендә мөһим уенчылар сыйфатында аякка бастыруга этәргеч бирү», – дип шәрехли «Иннопрактика» («НИР» фонды) компаниясе генераль директорының беренче урынбасары һәм лидер-югары технологияле компанияләрнең хокукларын яклау өлкәсендә иҗтимагый омбудсмен Наталья Попова.
Гаризаны 23 мартка кадәр
«КУЭ» корпорациясе» АҖ сайтында http://www.corpmsp.ru/ яки http://www.msp2021.com/ сылтамасы буенча тапшырырга мөмкин. Акселерация программасында катнашу – бушлай.