Татарстан Якутиягә продукция сатуның яңа инструментын тәкъдим итте
Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов Саха (Якутия) Республикасы Хөкүмәте Рәисе урынбасары Михаил Никифоров җитәкчелегендәге Якутия делегациясе белән очрашты. Очрашу ике төбәктә социаль-икътисадый үсеш һәм дәүләт идарәсе тәҗрибәсе һәм уңышлы практикалары белән уртаклашу максатында узды.
Аерым алганда, эшлекле очрашу барышында катнашучылар продукция сатуга этәргеч бирү һәм ихтыяҗ формалаштыруның иң яхшы төбәк практикасы – Татарстан Республикасының Төбәк маркетинг үзәген карадылар. Төбәк маркетинг үзәге эчке һәм тышкы базарларда җирле җитештерүчеләр продукциясен алга этәрү һәм сатуның нәтиҗәле инструменты булып тора.
Үзәкнең функционалы Татарстан эшкуарлары продукциясен өзлексез сатуны тәэмин итүгә юнәлдерелгән. Ул, шулай ук, тотрыклы керем алучы партнерлар белән тигез шартларда сатып алуларга юл куеп, эшкуарларның мөмкин кадәр күбрәк керемен тәэмин итәргә мөмкинлек бирә торган конкурентлы мохит үсешенә дә ярдәм итә.
Бүгенге көндә 2 меңнән артык кече һәм урта эшкуарлык субъекты ресурс ярдәмендә беренче тапкыр 15,5 млрд. сумнан артык (2020-2021 еллар өчен) заказлар алган.
Исегезгә төшерәбез, цифрлы инструмент төбәк эчендә җитештерелә торган продукцияне алга этәрү системасын оештыру проектының бер өлеше буларак эшли башлады. Концепция нигезендә, Татарстандагы җирле җитештерүчеләрне продукцияне республикадан читтә җитештерә торган буш инвестиция урыннарына күчерү мөмкинлеге булдырылырга тиеш.
Үз чиратында, Якутиянең эшкуарлык, сәүдә һәм туризм министры Ирина Высоких Идел буе федераль округы төбәгенең төп өстенлекләре – зәркән җитештерү, азык-төлек продуктлары, ит деликатеслары, мех әйберләре, милли савыт-саба һәм төньяк балыгы турында сөйләде. Якутия җитештерүчеләре үз продукциясен үз төбәк маркетплейсы аша сата.
Республика маркетинг үзәгенең эш базасы булган Дәүләт заказы агентлыгы җитәкчесе Яков Геллер Якутия вәкилләренә Республика маркетинг үзәгендә якут продукциясе сатуның потенциаль юнәлешләрен киңәйтү һәм Саха Республикасыннан читтә яңа клиентлар эзләү өчен тәэминатчылар сыйфатында теркәлергә тәкъдим итте.
Ахырда яклар Якутиядә Республика маркетинг үзәген гамәлгә кертү мөмкинлеге турында фикер алыштылар.