ЯҢАЛЫКЛАР
Россия Банкы вакытны файдалы уздырып, финанс белемнәрен арттырырга чакыра, моның өчен махсус fincult.info сайты булдырылган. Сайтта экспертлар гади сүзләр белән катлаулы темаларны аңлата. Мәсәлән, анда түбәндәге сорауларга җавап табарга була:
2021 елның 1 сентябреннән социаль әһәмиятле проектларны гамәлгә ашыручы коммерциясез оешмаларга Татарстан Республикасы бюджетыннан субсидияләр рәвешендә грантлар бирү буенча конкурска гаризалар кабул ителә башлый.
Дәүләт ярдәмендә катнашу, инфраструктурага керү, белем бирү чаралары һәм ташламалы аренда – барысы да республика технопаркларында Татарстанның инновацияле, фәнни яки IT-компанияләре өчен.
Татарстан Республикасы Икътисад министрлыгына караган Татарстан Республикасы Кече һәм урта эшкуарлыкка ярдәм итү һәм аны үстерү программаларын гамәлгә ашыру үзәге республика үзмәшгульләренә үз эшчәнлекләрен гамәлгә ашыру өчен 100 мең сум күләмендә субсидия алу мөмкинлеге бирәчәк. Субсидия алуның мәҗбүри шарты булып, бизнесны грамоталы һәм нәтиҗәле алып бару, финанс грамоталылыгы буенча белем бирү программасын үтү тора. Гаризалар җыю 31 августка кадәр дәвам итәчәк.
Республикада яшәүчеләр бу сорауга «Татарстан Республикасы халкына финанс хезмәтләре күрсәтүнең һәркем өчен мөмкин булуы һәм сыйфаты» дигән сораштыру кысаларында җавап бирде, ул Россия Федерациясе Үзәк банкының Идел-Нократ баш идарәсенең Татарстан Республикасы буенча Милли банкы бүлеге инициативасы белән быелның июнь-июль айларында Татарстан Икътисад министрлыгы уздырылган иде.
Бөек Новгородта «Архипелаг 2121» интенсивының «Социаль проектлар» трегында эре бизнес вәкилләре һәм Стратегик инициативалар агентлыгы экспертлары бизнесның нәтиҗәле социаль багланышларында төп юнәлешләр турында фикер алышты.
Татарстан Республикасы икътисад министрының беренче урынбасары – Эшкуарлыкны һәм конкуренцияне үстерү департаменты җитәкчесе Рөстәм Сибгатуллин Татарстан Республикасы икътисадын тотрыклы үстерүне тәэмин итү буенча чаралар планын гамәлгә ашыру буенча эшче төркемнең гадәттәге утырышын уздырды. Утырышның көн тәртибендә – кече һәм урта эшкуарлыкка ярдәм итү буенча комплекслы чаралар, маркетплейсларны үстерү, дәүләт хезмәтләре күрсәтүне электрон рәвешкә күчерү.
Яр Чаллының «Кобра-тюнинг» бренды белән автозапчастьләр җитештерү предприятиесе илкүләм проектны гамәлгә ашыру кысаларында ТР Икътисад министрлыгының ведомство буйсынуындагы структураларының ярдәме белән Америка Кушма Штатлары базарына чыга.
19 август көнне Казанның Вахитов районының Николаев урамындагы 5 нче йортта дәүләт һәм сәясәт эшлеклесе Шакир Әхтәмов тууына 120 ел тулу уңаеннан мемориаль такта ачу тантанасы булды. Ул икенче, өченче, дүртенче чакырылыш ТАССР Югары Советы Президиумы Рәисе урынбасары, большевикларның Бөтенсоюз Коммунистлар партиясенең Буа һәм Апас район комитетларында беренче секретарь булып эшли, 1942 елда Зөя-Ульяновск участогында тимер юл төзелешен җитәкли.
Татарстан Республикасы Икътисад министрлыгына караган Татарстан Эшкуарлыкка ярдәм фонды 20 августта digital-маркетинг буенча белем бирү курсына чакыра. Онлайн-курста укытучыларның берсе – аналитик, маркетингта, клиентлар сервисында, бизнес-процессларны оештыруда эксперт һәм «Нәрсә? Кайда? Кайчан?» интеллектуаль уены магистры Максим Поташев. Эшкуарлар өчен катнашу «Кече һәм урта эшкуарлык һәм шәхси эшкуарлык инициативасына ярдәм» илкүләм проекты һәм ТР Икътисад министрлыгы ярдәмендә бушлай булачак.