ЯҢАЛЫКЛАР
Социаль челтәрләрне алып бару, контекст аша таныту, таргет рекламасы урнаштыру, товарлар һәм хезмәтләр күрсәтү өчен визуаль чишелешләр булдыру — болар барысы да ТР Икътисад министрлыгына караган Эшкуарлыкка ярдәм фондының «Минем бизнес» үзәгенең ярдәм итү программасы кысаларында мөмкин хәл.
Татарстан Республикасы Икътисад министрлыгына караган Татарстан Республикасы Эшкуарлыкка ярдәм фонды «Минем бизнес» төбәк үзәгендә 30 сентябрьдә финанс белемнәре нигезләре буенча үзмәшгульләр өчен белем бирү чарасы оештыра. ТР Икътисад министрлыгы «Үзмәшгульләр өчен финанслар яки үз эшеңне башлаганда нәрсәне саный белергә кирәк» дигән бушлай мастер-класска чакыра.
Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов Саба муниципаль районында эш сәфәрендә булды. Анда ул «Саба» сәнәгать паркын карады, предприятиеләр эшчәнлеге белән танышты һәм бизнес вәкилләре белән очрашты. Аны муниципаль район башлыгы Рәис Миңнеханов озатып йөрде.
Татарстан Республикасы Икътисад министрлыгына караган «Минем бизнес» үзәге эшкуарларга җитештерелә торган продукциянең туры килү-килмәве сертификатын алырга ярдәм итәчәк. Үзәк рөхсәт документларын, декларацияләрне яки КУЭ субъектлары өчен таныклыкларны рәсмиләштерүне финанслый. Әлеге хезмәт «Кече һәм урта эшкуарлык һәм шәхси эшкуарлык инициативасына ярдәм» илкүләм проекты ярдәмендә бушлай күрсәтелә.
Татарстан Республикасы Икътисад министрлыгына караган Татарстан Республикасы Эшкуарлыкка ярдәм фонды «Минем Бизнес» төбәк үзәгендә 23 сентябрьдә интернет-маркетинг буенча үзмәшгульләр өчен укулар уздырачак. ТР Икътисад министрлыгы «SMM-2021: базарга, төп мәйданчыкларга һәм инструментларга күзәтү» дигән бушлай мастер-класска чакыра.
18 сентябрьдә Татарстан Республикасы Икътисад министрлыгы командасы «Милләтләр кроссы-2021» Бөтенроссия йөгерү көнендә актив катнашты. Массакүләм йөгереш «Урам» экстрим-паркы һәм Казансу елгасы яр буе территориясендә узды.
Бүген Казанда цифрлы интеллектуаль технологияләрне үстерүгә юнәлдерелгән Kazan Digital Week — 2021 халыкара форумы эшли башлады. Чара «Казан Экспо» халыкара күргәзмәләр үзәгендә онлайн һәм офлайн форматларында уза. Форум кысаларында Татарстан Республикасы Икътисад министрлыгына караган Гарантия фонды белгечләре күргәзмә стендында бизнеска гарантияле ярдәм күрсәтү программаларын тәкъдир итә.
Татарстан Республикасы Премьер-министры Алексей Песошин республика Вице-премьеры — Татарстан Республикасы икътисад министры Мидхәт Шаһиәхмәтовны төбәкнең Министрлар Кабинеты исеменнән яңа инвестиция проектларын гамәлгә ашыру ниятләре турындагы килешүләрне имзалауга вәкаләтле вәкил итеп билгеләде. Тиешле Карар тексты белән хокукый мәгълүмат порталында танышырга мөмкин.
2021 елның 22 сентябрендә Эшкуар йортында «Экспорт форсажы» акселерация программасының потенциаль катнашучылары өчен мәгълүмати чара узачак.
Татарстанда яшәүчеләрнең партнерлык (ислам) финанслары турында мәгълүматлылык дәрәҗәсен, моңа аларның ихтыяҗы булу-булмавын һәм гражданнарның әлеге юнәлешне инвестицияләүдә катнашырга әзерлек дәрәҗәсен өйрәнү максатында 2021 елның августында Татарстан Республикасы Икътисад министрлыгының Социаль-икътисадый мониторинг департаменты тарафыннан «Татарстан Республикасы халкы тарафыннан партнерлык (ислам) финанс хезмәтләренә ихтыяҗ» дигән социологик сораштыру үткәрелде. Сораштыруда республиканың 45 муниципаль районыннан 2,6 мең татарстанлы катнашкан.