ЯҢАЛЫКЛАР
Бүген, 2022 елның 21 гыйнварында, Татарстан Республикасы Сәүдә-сәнәгать палатасы мәйданчыгында Татарстан Республикасы икътисад министры урынбасары Динар Шакиров җитәкчелегендә түгәрәк утырышы булып өстәл узды, анда Татарстан Республикасының эшлекле бергәлекләре вәкилләре Региональ инвестиция стандарты элементлары белән таныштылар.
Бүген Татарстан Республикасы Хөкүмәте Йортында «Татарстан Республикасы агломерацияләрен социаль-икътисадый үстерү проблемалары һәм перспективалары» стратегик сессиясе узды. Чарада РФ Хисап палатасы Рәисе Алексей Кудрин, ТР Президенты Рөстәм Миңнеханов, ТР Премьер-министры Алексей Песошин, ТР Премьер-министры урынбасары – ТР икътисад министры Мидхәт Шаһиәхмәтов, республика министрлыклары һәм ведомстволары вәкилләре, Россия галимнәре һәм белгечләре катнашты.
Бүген Татарстан Республикасы Президенты Рөстәм Миңнеханов Россия Федерациясе Хисап палатасы Рәисе Алексей Кудрин белән очрашты. Очрашу Татарстан Республикасы Хөкүмәте Йортында узды. Анда Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов катнашты.
2021 елда Татарстан Республикасы Икътисад министрлыгына караган Эшкуарлыкка ярдәм фондының Экспортка ярдәм үзәге ярдәме белән 70 кече һәм урта эшкуарлык субъекты 32 млн. доллар күләмендә экспорт контрактлары төзегән. Экспорт күләме буенча үсеш узган ел белән чагыштырганда 252% тәшкил итә.
Бүген Иннополиска Россия Федерациясе Хисап палатасы Рәисе Алексей Кудрин җитәкчелегендәге делегация килде. Иннополиста делегацияне Татарстан Республикасы Премьер-министры урынбасары Роман Шәйхетдинов каршы алды. Чарада Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов катнашты.
Бүген, 2022 елның 20 гыйнварында, Татарстан Республикасы Икътисад министрлыгында Татарстан Республикасында контрольлек (күзәтчелек) эшчәнлеген үзгәртеп кору буенча ведомствоара эшче төркем утырышы кысаларында Татарстан Республикасында контрольлек (күзәтчелек) эшчәнлеген үзгәртеп коруны алга таба гамәлгә ашыру мәсьәләләре буенча фикер алыштылар.
Эшкуар йортында дәүләт ярдәме белән сәнәгать паркларының инженерлык инфраструктурасын төзү мәсьәләсенә багышланган стратегик сессия узды. Чараны Татарстан Республикасы Икътисад министрлыгы оештырды.
Яңа коронавирус йогышы таралуга бәйле хәл начарлана барган шартларда Татарстан Республикасы икътисадының тотрыклы үсешен тәэмин итү буенча чаралар планын гамәлгә ашыру буенча эш төркеме үз эшен дәвам иттерә. Бу атнада эшче төркем утырышы булды, ул видеоконференцэлемтә режимында узды.
17 гыйнвар 2022 ел. Россия Икътисадый үсеш министрлыгы тарафыннан видеоконференция режимында, Zoom программасын кулланып, региональ эшче төркемнәр җитәкчеләре белән Россия Федерациясе субъектлары башкарма хакимияте органнарының, җирле үзидарә органнарының «Россия Федерациясендә дәүләт контроле (күзәтчелеге) һәм муниципаль контроль турында» 2020 елның 31 июлендәге 248-ФЗ номерлы федераль законны гамәлгә ашыру өчен кирәкле норматив хокукый актларын эшләү статусы мәсьәләсе буенча киңәшмә оештырылды.
Татарстан Республикасы Икътисад министрлыгына караган Татарстан Республикасы Гарантия фонды 2021 елда кече һәм урта бизнеска 400 дән артык поручительство биргән, бу 2020 елда бирелгәннәр күләменнән 18% артып киткән. Бирелгән поручительлекләрнең гомуми суммасы 1,8 млрд.сум тәшкил иткән, поручительлеккә җәлеп ителгән кредитлар күләме 8,2 млрд.сумнан артып китә.