РФ Хисап палатасы җитәкчесе Алексей Кудрин «Иннополис» МИЗ булды
Бүген Иннополиска Россия Федерациясе Хисап палатасы Рәисе Алексей Кудрин җитәкчелегендәге делегация килде. Иннополиста делегацияне Татарстан Республикасы Премьер-министры урынбасары Роман Шәйхетдинов каршы алды. Чарада Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов катнашты.
Сәфәр кысаларында кунаклар Попов исемендәге технопаркта һәм Иннополис университетында ИТ-вузның робот техникасы чишелешләре белән таныштылар, шулай ук пилотсыз такси белән дә таныштылар.
Роман Шәйхетдинов делегациягә «Иннополис» махсус икътисадый зонасы үсеше, перспектив планнар һәм МИЗ территориясендә яңа технопарклар төзү турында сөйләде. Фикер алышуның төп темасы Иннополис университеты, тулаем Иннополис проекты булды. Алексей Кудрин, үз чиратында, Иннополис белән зур мәгълүматларны кулланып уртак проектларны гамәлгә ашыру өлешендә хезмәттәшлек итәргә теләвен белдерде.
Исегезгә төшерәбез, «Иннополис» махсус икътисадый зонасы икенче ел рәттән Россия Икътисадый үсеш министрлыгы тарафыннан техник-гамәлгә кертү тибындагы Россия МИЗлары арасында иң нәтиҗәле зона дип танылды. Бүгенге көндә «Иннополис» МИЗга 303 компания җәлеп ителгән, алар арасында 125 резидент, 48 партнер-компания һәм 130 стартап бар.
ТР Хөкүмәте сайты материаллары буенча