ЯҢАЛЫКЛАР
Агымдагы атнада бюджет сатып алулары буенча дару препаратларының товар запаслары арттырылды һәм 2,6 айдан 5,2 айга кадәр 4,8 млрд сум тәшкил итте. Хәзерге вакытта даруханә челтәрләрендә кирәкле ассортимент медикаментлар бар. Бу хакта Хөкүмәт Йортында узган киңәшмә барышында ТР икътисад министры Мидхәт Шаһиәхмәтов сөйләде.
Татарстанда озак саклана торган азык-төлекне ваклап сату күләмнәре кими бара. Моңа яңа тәэмин итүчеләр белән килешүләр төзү, кайбер позицияләр буенча товар китерүләрне арттыру, бер кулга сатуны чикләү дә ярдәм итә. Бүлү үзәкләрендә төп товарлар күләме халыкның ихтыяҗларын канәгатьләндерү өчен җитәрлек. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы икътисад министры Мидхәт Шаһиәхмәтов хәбәр итте. Киңәшмәне Татарстан Премьер-министры Алексей Песошин уздырды.
Предприятиеләрнең, шул исәптән система барлыкка китерә торган оешмаларның өзлексез эшләвен тәэмин итү өчен, импортны алмаштыру мөһим мәсьәлә булып тора. Моңа ярдәм итү инструментларының берсе – Республика маркетинг үзәге. Бу хакта бүген ТР Хөкүмәте Йортында узган республика киңәшмәсендә ТР Премьер-министры урынбасары – ТР икътисад министры Мидхәт Шаһиәхмәтов хәбәр итте.
Россия Хөкүмәте сайтында санкцияләр шартларында кризиска каршы гамәлдәге барлык чаралар турында мәгълүмат булган бүлек барлыкка килде. Алар ярдәм чараларыннан файдаланучылар категорияләре буенча да, аерым тармаклар һәм эшчәнлек өлкәләре буенча да төркемләнгән.
Татарстан Республикасы Сәүдә-сәнәгать палатасында тышкы санкция басымы шартларында төбәкнең җиңел сәнәгать тармагының проблемалы мәсьәләләренә багышланган киңәшмә узды.
Татарстан Республикасы Икътисад министрлыгы карамагындагы Эшкуарлыкка ярдәм итү төбәк фонды Экспортка ярдәм итү үзәге Татарстан экспортерларыннан дус илләр территорияләрендә күргәзмә-ярминкә чараларында катнашуга гаризалар кабул итә башлый. Экспорт юнәлешле бизнес бу һәм башка ярдәм чараларына гаризаны МСП.РФ ның цифрлы платформасында онлайн бирә ала.
Чит ил товарларын илебездә эшләнгән шундый ук товарлар белән оператив рәвештә алмаштыру санкция басымы шартларында өстенлекле булып тора. Татарстан Республикасында бу максатлар өчен Төбәк маркетинг үзәге (РМЦ) базасында «Импортны алмаштыру үзәге» оештырылды, анда чит ил продукциясен җирле һәм Россия җитештерүчеләре тарафыннан уңышлы алмаштыру мисаллары бар инде.
Россия Федерациясе Хөкүмәте тарафыннан 2022 елның 25 мартында Социаль хезмәт күрсәтү һәм дәүләт социаль ярдәме, башка социаль гарантияләр һәм түләүләр кысаларында күрсәтелә торган социаль яклау (ярдәм), социаль хезмәт күрсәтү чараларыннан файдалану мөмкинлеге турында гражданга мәгълүмат бирү Кагыйдәләренә үзгәрешләр керткән 471 номерлы карар кабул ителде.
Татарстан Республикасы Икътисад министрлыгында Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов җитәкчелегендә республика икътисадының тотрыклы үсешен тәэмин итү буенча чираттагы эшче төркем утырышы узды.
Россиянең 45 төбәгенең инвесткомандасы, шул исәптән Татарстан Республикасы командасы Президент академиясендә укый башлады. РАНХиГС Дәүләт идарәсе югары мәктәбе Икътисади үсеш министрлыгы белән берлектә РФ субъектларының инвестицион командалары өчен «Идарә осталыгы – төбәк командаларын үстерү» белем бирү программасын башлап җибәрде.