Татарстан Республикасы Сәүдә-сәнәгать палатасында җиңел сәнәгать тармагы мәсьәләләре турында фикер алыштылар
Татарстан Республикасы Сәүдә-сәнәгать палатасында тышкы санкция басымы шартларында төбәкнең җиңел сәнәгать тармагының проблемалы мәсьәләләренә багышланган киңәшмә узды.
Бүген төбәк Сәүдә-сәнәгать палатасы санкцияләр белән бәйле туган агымдагы социаль-икътисади шартларда Татарстанда җиңел сәнәгатьнең алга таба үсешен тәэмин итү өчен кирәк булган беренче чираттагы гамәлләр турында фикер алышу мәйданчыгы белән чыгыш ясады.
Тармак, иҗтимагый һәм эшлекле оешмалар, бизнеска ярдәм итү институтлары вәкилләре һәм икътисад министрының беренче урынбасары – Эшкуарлыкны һәм көндәшлекне үстерү департаменты директоры Рөстәм Сибгатуллин катнашындагы әлеге чара республика икътисадының тотрыклы үсешен тәэмин итү буенча эшче төркем кысаларында узды.
Катнашучылар тукыма продукциясе, тукымалар, чыгым материаллары һәм җиһазлары импортын алмаштыру, яңа җитештерү чылбырларын формалаштыру, логистика юлларын эзләү мәсьәләләре турында сөйләштеләр, шулай ук кадрларга ихтыяҗ һәм тармакка ярдәм итү чаралары турында фикер алыштылар. Шуны да билгеләп үтәргә кирәк, әлеге мәсьәләләр Татарстан Республикасы Икътисад министрлыгында даими нигездә уза торган республика икътисадының тотрыклы үсешен тәэмин итү буенча эшче төркемнең көн саен контролендә тора.
Чара тармакның төп мәсьәләләрен аерып алырга һәм аларны хәл итүнең киләчәк адымнарын билгеләргә, предприятиеләрнең федераль һәм республика программаларында катнашуының мөһимлеген тагын бер кат билгеләргә, шулай ук, беренче чиратта, сәнәгатьнең әлеге өлкәсен үстерүгә һәм Россия предприятиеләренең потенциалын ачарга ярдәм итә торган чараларны алга таба формалаштыру өчен ике яклы элемтәгә керергә мөмкинлек бирде.