ЯҢАЛЫКЛАР

Кече һәм урта бизнес 2023 елның беренче кварталында Милли гарантия системасы (операторы – КУЭ Корпорациясе) кораллары ярдәмендә 240,8 млрд сум җәлеп итте. Президент башлап җибәргән һәм беренче вице-премьер Андрей Белоусов җитәкчелегендәге «Кече һәм урта эшкуарлык» илкүләм проекты кысаларында 10 меңнән артык предприятие поручительлек гарантияләре алучылар булды. Татарстан күрсәтелгән ярдәм күләме буенча лидер төбәкләр арасында.

2022 ел нәтиҗәләре буенча Татарстан бизнеска административ басым индексында 2 урынны алды. Мондый мәгълүматлар Мәскәүдә эшкуарлар хокукларын яклау буенча вәкаләтлеләрнең Бөтенроссия конференциясендә ачыкланды.

Узган атнада Россия Федерациясе халык хуҗалыгы оешмалары өчен идарәче кадрлар әзерләү программасы кысаларында гамәлгә ашырыла торган 2022/2023 уку елының «Менеджмент» программасының уку планы нигезендә Казан (Идел буе) федераль университеты тыңлаучылары өчен «Казаноргсинтез» ААҖ предприятиесендә стажировка оештырылды.

Казанда, Татарстан Республикасы Милли китапханәсендә, «Кече һәм урта эшкуарлык һәм шәхси эшкуарлык инициативасына ярдәм» илкүләм проекты кысаларында гамәлгә ашырылган «Мәктәп бизнес-старты» республика программасы командаларының финал слеты узды. Проектның финалистлары булган 12 мәктәп компаниясе иң яхшылар исеме өчен көрәштеләр.

2023 елның I кварталында ташламалы инвестиция кредитлавы күләме буенча ТОП-3 төбәкне программа буенча Новосибирск өлкәсе, Татарстан Республикасы һәм Мәскәү җитәкли. Бу төбәкләрдә КУЭ 2,55 млрд, 1,79 млрд һәм 1,75 млрд сумлык финанс ярдәме алган.

30 майда Татарстанда эш башлаучы эшкуарлар һәм үзмәшгульләр өчен Wildberries маркетплейсында эшләү буенча бизнес-мәктәпкә старт биреләчәк. Чара «Кече һәм урта эшкуарлык» милли проектын тормышка ашыру кысаларында ТР Икътисад министрлыгы карамагындагы Эшкуарлыкка ярдәм итү төбәк фондының «Минем бизнес» үзәге ярдәме белән узачак.

Экспортка ярдәм итү үзәге Татарстан Республикасы Икътисад министрлыгы ярдәмендә 31 майда, «Экспорт профессионаллары» экспорт эшчәнлеген гамәлгә ашыру өчен, B2B-хезмәтләр маркетплейсына багышланган түгәрәк өстәл үткәрәчәк. Чара «Кече һәм урта эшкуарлык» илкүләм проектын тормышка ашыру кысаларында узачак.

Галиәскар Камал театры янындагы мәйданчыкта уза торган «Минем бизнес» үзәге оештырган ярминкәдә ике көн эчендә 200 дән артык үзмәшгуль катнашачак. Алар кибетләрдә сатып алып булмый торган үзенчәлекле продукция тәкъдим итәчәк: алар арасында балта осталары остаханәләре эшләнмәләреннән алып, өй эчен бизәү әйберләре һәм фермер продуктларына кадәр бар. Күргәзмәнең үзенчәлеге милли колоритлы эшләнмәләр – бижутерия, сумкалар, кием-салым һәм тәм-томнар иде.

Бүген Казанда Галиәскар Камал театры янындагы мәйданчыкта «Кече һәм урта эшкуарлык» милли проекты буенча «Мин – Татарстан инде ул» исеме  астында үзмәшгульләр өчен «Минем бизнес» үзәге оештырган ярминкә узды, анда Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов эшкуарларны һөнәри бәйрәмнәре белән котлады. Министр билгеләп үткәнчә, Россия эшкуарлыгы көне инде гадәти рәвештә республикабызның эшкуарларын һәм үзмәшгульләрен берләштерүче бәйрәмгә әверелде.

Эшкуарлар һәрвакыт халыкның актив һәм инициативалы өлеше булды һәм булып калалар Бу хакта бүген Татарстан Республикасы Рәисе Рөстәм Миңнеханов республиканың бизнес җәмәгатьчелеге белән очрашуда белдерде. Очрашу Казанда Эшкуар йортында узды.