ЯҢАЛЫКЛАР

Булат Хаҗиәхмәтов  Татарстан Республикасында  «Эйдос-Медицина» ҖЧҖ һәм  DNAFORM (венчур RIKEN) япон компаниясе белән уртак төзелгән «Медицина фәне үзәге» медицина симуляторлары инжиниринг үзәге эшен яктыртуга тәфсилләбрәк тукталды. 

2015 елның 16 октябрендә Россия Федерациясе  Федераль Җыены Дәүләт Думасы тарафыннан «Россия Федерациясе Административ хокук бозулар кодексына үзгәрешләр кертү турында» федераль закон проекты беренче укылышта кабул ителде. Үзгәрешләр контрактны планлаштыру һәм үтәү стадияләрендә сатып алулар өлкәсендә контракт системасы турындагы закон нигезләмәләренең заказчы тарафыннан бозылуына юл куймау максатында кертелә.

«Татарстан  Республикасы кече һәм урта эшкуарлыгына ярдәм күрсәтү һәм үстерү программаларын тормышка ашыру үзәге»  Дәүләт казна учреждениесе  2015 елның 26 октябреннән 2015 елның 16 ноябренә кадәр конкурс сайлап алуында катнашу өчен гаризалар кабул итә. Гаризалар дүшәмбедән пәнҗешәмбегә кадәр - 9.00 дән 18.00 гә кадәр, җомга көнне 9.00 дән 16.45 кә кадәр түбәндәге адрес буенча кабул ителә: Казан ш., Мәскәү ур., 55, 125нче кабинет. 

Татарстан Республикасы Икътисад министрлыгына Россия Икътисадый үсеш министрлыгының Җайлау йогынтысын бәяләү департаментыннан  Россия Төзелеш министрлыгының  «Капиталь төзелеш объектының проект документациясен эшләү өчен махсус техник шартларны эшләү һәм килештерү тәртибе турында»гы боерык проектына карата җайлау йогынтысын бәяләүне үткәрү үтенече белән мөрәҗәгать итте.

2015 елның 19 октябрендә социаль юнәлешле коммерциячел булмаган оешмаларга (алга таба – СЮ КБО) мөлкәти ярдәм күрсәтү  үзәгендә СЮ КБОларга бушлай нигездә  мөлкәти ярдәм күрсәтү буенча Республика конкурсы (алга таба – Конкурс)  комиссиясенең чираттагы  утырышы узды. Конкурс Татарстан Республикасы Министрлар Кабинетының 2015 елның 18 февралендәге 99нчы карары нигезендә Татарстан Республикасы Иҗтимагый палатасы тарафыннан оештырыла. 

Татарстан Республикасының социаль-икътисадый  мониторингы комитеты  2015 елның беренче яртыеллыгы өчен кара һәм төсле металл калдыкларының барлыкка килүенә һәм кулланылышына йомгак ясады.

Форумның беренче көнендә Татарстан Республикасы икътисад министры урынбасары Олег Пелевин ике «түгәрәк өстәл»дә чыгыш ясады.  «Стратегик планлаштыру һәм өстенлекле сәнәгать проектлары: комплекслы карарлар һәм Россия төбәкләренең махсуслашуы» «түгәрәк өстәле» кысаларында сәнәгать һәм инновацияләр сәясәтендәге өстенлекләрне гамәлгә ашыру максатында уртак планлаштыру практикасын үстерү сораулары тикшерелде. 

«Татнефтехиминвест-холдинг»  ААҖ бинасында 2015 елның 19 октябрендә пластиклар өчен буяу матдәләре һәм өстәмәләр җитештерә торган Yapraksan компаниясе (Төркия) вәкилләре белән эшлекле сөйләшүләр уздырылды. Очрашу «Кама инновацияле территориаль-җитештерү кластеры» Коммерциячел булмаган партнерлыгы»  Ассоциациясенең  Польшага бизнес-миссиясе һәм Татарстан делегациясенең EPLA 2015 күргәзмәсендә катнашуы йомгаклары буенча оештырылды.

Закон проектында 2016 елга пенсиягә федераль социаль өстәмә күләмен билгеләү өчен Татарстан Республикасында пенсионерның яшәү минимумы күләмен 7 526  сум итеп расларга тәкъдим ителде, бу сан закон тарафыннан 2015 елга билгеләнгән пенсионерның яшәү минимумы күләменнән (6 310 сум) 1216 сумга, яки 19,3%ка зуррак. 

Чараның төп максаты – катнашучыларның киң составына импортны алыштыру өлкәсенә караган проектларга дәүләт ярдәме күрсәтүнең гамәлдәге һәм эшләнелә торган чаралары турында мәгълүматны җиткерү, импортны алыштыруның тармак планнарын һәм төбәк программаларын тормышка ашыру гамәлиятен тикшерү.