ЯҢАЛЫКЛАР
2016 елның 15 июлендә Мәскәү шәһәрендә Россия Федерациясе икътисадый үсеш министры урынбасары – статс-секретарь Олег Фомичев рәислегендә төбәк министрлыклары, кластерларның махсуслаштырылган оешмалары һәм үсеш институтлары җитәкчеләре катнашлыгында киңәшмә үтте. Киңәшмә «Дөнья дәрәҗәсендәге инвестицияле җәлеп итүчәнлек лидерлары - инновацияле кластерлар үсеше» дип аталган яңа өстенлекле проектны гамәлгә ашыру буенча Россия Икътисадый үсеш министрлыгы тарафыннан уздырыла торган конкурста катнашу шартларын аңлату сорауларына багышланган иде.
2017 елның 1 гыйнварыннан «Дәүләт һәм муниципаль ихтыяҗларны һәм юридик затларның аерым төрләренең ихтыяҗларын тәэмин итү өчен товарлар, эшләр, хезмәт күрсәтүләрне сатып алу сораулары буенча Россия Федерациясенең аерым закон актларына үзгәрешләр кертү турында» 2016 елның 3 июлендәге 321-ФЗ номерлы Федераль закон үз көченә керә.
РФ Икътисадый үсеш министрлыгы Россия Элемтә министрлыгының «Франкироваль машиналарны куллану тәртибен раслау турында» (оешмалар тарафыннан күп сандагы корреспонденция юлланганда кулланыла, почта маркаларын алыштыра һәм почта ведомствосы белән исәп-хисапны җиңеләйтә торган франкотиплар һәм штемпельләр сугу аппараты) боерыгына карата ҖЙБ буенча тискәре бәяләмә бирде.
Татарстан Республикасы Икътисад министрлыгында лизинг алучылары ЛИЗИНГ-ГРАНТ 2016» программасы кысаларында субсидияләр бирү буенча конкурс сайлап алуында катнашырга теләгән лизинг компанияләрен аккредитацияләү бара.
Пермь шәһәрендә 2016 елның 8 июлендә Идел буе федераль округында җайлау йогынтысын бәяләү институтын камилләштерү буенча Пермь крае, Татарстан Республикасы, Ульяновск һәм Түбән Новгород өлкәләре икътисадый үсеш министрлыклары арасында төбәкара проектлы офис төзү турында килешүне имзалау тантанасы узды.
Татарстан Республикасы Экспортка ярдәм итү үзәге эшкуарларны Кытай Халык Республикасының Шеньчжень шәһәрендә 2016 елның 16-21 ноябре көннәрендә уздырылачак China Hi-Tech Fair 2016 Халыкара күргәзмәсендә катнашырга чакыра.
Күргәзмәдә Татарстан Республикасыннан бердәм экспозиция тәкъдим ителәчәк.
2016 елның беренче яртыеллыгында кече һәм урта эшкуарлык эшчәнлеген дәүләт җайлавының сыйфатын күтәрүгә һәм дәүләт ярдәме системасын камилләштерүгә юнәлдерелгән кайбер мөһим карарлар кабул ителде.
КУЭны үстерү өлкәсендә беренче мәртәбә озак вакытка исәпләнгән стратегик планлаштыру документы – 2030 елга кадәр Россия Федерациясендә кече һәм урта эшкуарлыкны үстерү стратегиясе расланды.
Татарстан Республикасы Экспортка ярдәм күрсәтү үзәге эшкуарларны 2016 елның 19-26 октябре көннәрендә Германиянең Дюссельдорф шәһәрендә узачак Халыкара полимер продукциясе К 2016 күргәзмәсендә катнашырга чакыра.
Полимер сәнәгате үсеше циклы 3 елны тәшкил итә. Дюссельдорфта нәкъ менә шундый ешлыкта тармакның иң эре һәм төп күргәзмәсе оештырыла да.
«Дистанцион сәүдә өчен чикләүләрне максималь дәрәҗәдә юкка чыгарырга кирәк», - дип белдерде РФ Икътисадый үсеш министрлыгының Кече һәм урта эшкуарлыкны һәм көндәшлекне үстерү департаменты директоры Максим Паршин Электрон сәүдә юлы белән экспортка ярдәм итү буенча ведомствоара эшче төркемнең чираттагы утырышында.
2016 елның I яртыеллыгы өчен «Юридик затларның аерым төрләре тарафыннан товарлар, эшләр, хезмәт күрсәтүләрне сатып алу турында» 2011 елның 18 июлендәге 223-ФЗ номерлы Федераль законны куллануны мониторинглау турындагы докладка караганда, югарыда аталган чорда 223-ФЗ номерлы Федераль законга ярашлы рәвештә игълан ителгән тәэминатчыны билгеләү процедурасының гомуми күләме, 2015 елның I яртыеллыгы белән чагыштырганда, 13% ка арткан һәм 8,7 трлн сумга җиткән.