ЯҢАЛЫКЛАР

ТР Икътисад министрлыгы мәгълүматларына караганда, «Экология» илкүләм проекты кысаларында Татарстан Республикасында Идел елгасына куркыныч тудыра торган әйләнә-тирә мохиткә салынган зыян объектларын бетерү буенча чараларны тормышка ашыруга өстәмә финанслау бүлеп биреләчәк.

Татарстаннан полипропилен торбалар, фитинглар, стрейч-пленкалар һәм җылыткычлар җитештерә торган «Симпл» ҖЧҖ Республика Икътисад министрлыгыннан иң аз процент – 0,1 % белән микрозайм алды.

Федерация Советының Икътисадый сәясәт комитеты рәисе Андрей Кутепов «РФ субъектларында инвестиция климаты торышының Милли рейтингы һәм төбәк икътисадлары үсешендә аның роле» темасына парламент тыңлаулары уздырды. Татарстан Республикасыннан утырышта төбәк икътисад министры урынбасары Динар Шакиров катнашты.

Россия хөкүмәте Россия Дәүләт Думасына барлык категория затлар өчен административ җаваплылыкка тарту кагыйдәләрен йомшарту турында, шул исәптән китерелгән зыянны каплаганда минималь штраф билгеләү һәм инспекция вакытында беренче тапкыр ачыкланган хокук бозу өчен штрафны кисәтү белән алыштыру мөмкинлеге турында закон проектын кертте.

26 нчы майдан 29 нчы майга кадәр Татарстан Республикасында Россия эшкуарлары көнен бәйрәм итүгә багышланган чаралар комплексы планлаштырылган. Башкала халкы һәм кунаклары шәһәр урамнарында узачак бәйрәм программасына кушыла, мастер-классларда катнаша, опен-маркетта җирле җитештерүчеләр продукциясен сатып ала, татар кухнясы ризыкларыннан авыз итә һәм күңел ачу программасын карый алачак. Республика эшкуарларын һөнәри бәйрәмнәре белән Татарстан Республикасы Президенты Рөстәм Нургали улы Миңнеханов котлый.

2021 ел нәтиҗәләре буенча Татарстан бизнеска административ басым индексында Россия төбәкләре бишлегенә керде. Бу хакта РФ бизнес-омбудсмены Борис Титовның дәүләт башлыгы Владимир Путинга еллык доклады кысаларында формалаштырылган дүртенче индекс материалларында әйтелә.

Татарстанда система барлыкка китерә торган предприятиеләргә 39,4 млрд сумлык (ТР Авыл хуҗалыгы министрлыгы линиясе буенча – 18,7 млрд сум, ТР Сәнәгать һәм сәүдә министрлыгы линиясе буенча – 20,7 млрд сум) ташламалы кредит алу өчен гаризалар хупланды, дип хәбәр итте Министрлар Кабинетында Татарстан Республикасы Президенты Рөстәм Миңнеханов уздырган киңәшмәдә Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов.

Агымдагы елның беренче кварталы нәтиҗәләре буенча Татарстанда төп капиталга инвестицияләр күләме 123,1 млрд сум дәрәҗәсендә бәяләнә, дип хәбәр итте Министрлар Кабинетында Татарстан Республикасы Президенты Рөстәм Миңнеханов уздырган киңәшмәдә Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов.

Бу атнада Татарстанның 150 меңнән артык предприятиесе һәм оешмасы, шул исәптән 80 мең шәхси эшкукарга икенче квартал өчен иминият кертемнәрен түләүне кичектереп тору тәкъдим ителде. Бу хакта Министрлар Кабинетында Татарстан Республикасы Президенты Рөстәм Миңнеханов уздырган киңәшмәдә Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов хәбәр итте.

Татарстан Республикасы премьер-министры урынбасары – икътисад министры Мидхәт Шаһиәхмәтов Kazansummit-2022 кысаларында Төркия Кече һәм урта эшкуарлыкны үстерү оешмасы (KOSGEB) җитәкчелеге белән эшлекле очрашу уздырды, яклар эшкуарлыкны үстерү һәм аңа ярдәм итү мәсьәләләре буенча фикер алыштылар һәм хезмәттәшлекне алга таба ныгыту буенча адымнарны билгеләделәр.