Татарстанның система барлыкка китерә торган предприятиеләренә 39,4 млрд сумлык ташламалы кредитлар хупланды
Татарстанда система барлыкка китерә торган предприятиеләргә 39,4 млрд сумлык (ТР Авыл хуҗалыгы министрлыгы линиясе буенча – 18,7 млрд сум, ТР Сәнәгать һәм сәүдә министрлыгы линиясе буенча – 20,7 млрд сум) ташламалы кредит алу өчен гаризалар хупланды, дип хәбәр итте Министрлар Кабинетында Татарстан Республикасы Президенты Рөстәм Миңнеханов уздырган киңәшмәдә Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов.
Бер атна эчендә элек бирелгән гаризалар буенча система барлыкка китерә торган сәнәгать һәм агросәнәгать комплексы предприятиеләренә ташламалы кредитларга 3 млрд сум бирелгән, ә гаризалар 8,2 млрд сумлык бирелгән.
«Республика икътисады агымдагы шартларда федераль һәм республика дәрәҗәсендәге система барлыкка китерә торган предприятиеләрнең өзлексез эшләвенә бәйле», – дип ассызыклады Мидхәт Шаһиәхмәтов.
Ул искәрткәнчә, Татарстанда барлыгы 330 система барлыкка китерә торган предприятие, шул исәптән 59 ы федераль әһәмияткә ия – алар республика икътисадының яртысын формалаштыралар.
Мидхәт Шаһиәхмәтов федераль ярдәм чараларын максималь кулланырга чакырды.