ЯҢАЛЫКЛАР

Бүген «Корстон-Казан»  Кунакханә-сәүдә-күңел ачу комплексында Социаль юнәлешле коммерциячел булмаган оешмаларның (СЮ КБО)  III Республика форумы үз эшен Татарстан Республикасы Президенты вазыйфаларын вакытлыча башкаручы Рөстәм Миңнеханов катнашлыгында дәвам итте. Исегезгә төшерик, Форум «Республика үсеше стратегиясе-2030ны тормышка ашыруда КБОның роле һәм урыны» девизы астында үтә. Форум эше кысаларында берничә көн дәвамында секцияләр буенча эш оештырылды, СЮ КБОның  иң яхшы тәҗрибәләрен күрсәткән күргәзмә эшләде, җыентык басылды.

2015 елның 18 августында «Үтә каты һәм яңа углерод материаллары технологик институты» Федераль дәүләт бюджет фәнни учреждениесендә  (Троицк ш.)  инновацияле территориаль кластерларны үстерү чараларын сайлап алу буенча конкурс комиссиясенең Россия Федерациясе Хөкүмәте Рәисе урынбасары Аркадий Дворкович катнашлыгындагы икенче утырышы узды.

2015 елның 18 августында Татарстан Республикасы Фәннәр академиясендә Социаль юнәлешле коммерциячел булмаган оешмаларның  (СЮ КБО)  III Республика форумы кысаларында   «Киләчәк турында күпкырлы диалог: социаль юнәлешле коммерциячел булмаган оешмаларның «Стратегия 2030»ны тормышка ашыруга керткән өлеше» дип аталган секция эше оештырылды.  Секция эше модераторлары сыйфатында Татарстан Республикасы Иҗтимагый палатасының икътисадый үсеш комиссиясе рәисе Тимур Халиков һәм Татарстан Республикасы икътисад министры урынбасары Олег Пелевин чыгыш ясадылар. 

2015 елның 17 августыннан,  Россия Федерациясе Президентының 2015 елның  1 апрелендәге  79-рп номерлы күрсәтмәсенә ярашлы рәвештә,  гражданлык җәмгыяте институтларын үстерүдә катнашучы һәм социаль әһәмияткә ия проектларны, гражданин һәм кеше ирекләрен һәм хокукларын яклау өлкәсенә караган проектларны гамәлгә ашыручы коммерциячел һәм хөкүмәтнеке булмаган оешмалар арасында Президент грантларын алу буенча икенче конкурста катнашу өчен гаризалар кабул ителә башлады.

2015 елның 17-29 августы көннәрендә  «Иннокам эшчәнлеге кысаларында муниципаль районнарны стратегик таныту» белем бирү программасы кысаларында  Татарстан Республикасы Кама инновацияле-территориаль җитештерү кластерына кергән Түбән Кама, Алабуга, Зәй һәм Тукай муниципаль районнары үсешенең төп юнәлешләрен тикшерү буенча стратегик сессияләр оештырыла.

Исегезгә төшерәбез, КФҮнең Лаеш филиалында гражданнар «бер тәрәзә» принцибы буенча түбәндәге органнарның дәүләт хезмәте күрсәтүен сорап гариза һәм документлар тапшыра, консультация ала алалар: Росреестр һәм Кадастр палатасы, Пенсия фонды, Социаль иминиятләштерү фонды, Роспотребнадзор, Суд приставларының Федераль хезмәте, ЭЭМ, ЗАГС Идарәсе.Һәм шулай ук бирегә җир һәм мөлкәт мөнәсәбәтләре, архитектура, архив һәм опека һ.б. өлкәләргә караган сораулар буенча да мөрәҗәгать итәргә була.

Хөрмәтле эшкуарлар, Россия-Кытай дуслык, тынычлык һәм үсеш комитеты белән инде гамәлгә ашырыла торган проектларга ярдәм күрсәтү кысаларында да, яңа проектлар төзү кысаларында да хезмәттәшлек итү мөмкинлеге булуы турында исегезгә төшерәбез.

Комитет Россия-Кытай проектларына һәм инициативаларына булышлык итә.

 Татарстан  Республикасы Хөкүмәте Казан шәһәрендә «Евразия икътисадый интеграциясе» Өченче форумын (алга таба – Форум)  үткәрүне  планлаштыра. Программа Форум эшен ике көн дәвамында уздыруны күздә тота.

Алабуга шәһәрендә  офис тибындагы бизнес-инкубатор эшли. Ул Татарстан Республикасында кече һәм урта эшкуарлыкны нәтиҗәле үстерүне тәэмин итү өчен төзелгән. Бизнес-инкубатор резидентлары бушлай белем алуга, үз эшчәнлекләре төрләре өчен актуаль булган семинарларда һәм тренингларда, Россиянең әйдәп баручы бизнес-тренерлары уздырган мастер-классларда катнашырга хокуклы, аларның шулай ук үз бизнеслары өчен базар  конъюнктураларын өйрәнү мөмкинлеге бар, резидентлар үзләренең төп эшчәнлек төрләре буенча да, Россия Федерациясендә кече һәм урта эшкуарлыкны үстерү сораулары буенча да төбәк форумнарында катнаша алалар.

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Мәскәү өлкәсе губернаторы Андрей Воробьев белән очрашты. Очрашу Казан Кремлендә узды.

Чарада шулай ук Татарстан Республикасы Премьер-министры Илдар Халиков, Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов, Татарстан Республикасы вице-премьеры – Татарстан Республикасы мәгълүматлаштыру һәм элемтә министры Роман Шәйхетдинов, Татарстан Республикасы Президентының халыкара мәсьәләләр буенча киңәшчесе Радик Гыйматдинов, республика министрлыклары һәм ведомстволары җитәкчеләре катнашты.

Очрашу алдыннан Рөстәм Миңнеханов һәм Андрей Воробьев Татарстан Республикасы белән Мәскәү өлкәсе арасында сәүдә-икътисадый, фәнни-техник, социаль һәм мәдәни хезмәттәшлек турындагы килешү имзаладылар.

Кунакларны сәламләп, Рөстәм Миңнеханов билгеләп үткәнчә, Татарстан күп юнәлешләр буенча Мәскәү өлкәсе белән хезмәттәшлек итәргә тели. Шул исәптән фәнни-мәгариф һәм спорт өлкәләрендә дә, дип ассызыклады Татарстан Республикасы Президенты вазыйфаларын вакытлыча башкаручы.

«Татарстан – нефть сәнәгате, нефть химиясе, машина төзелеше белән шөгыльләнүче регион. Бүген Татарстан белән Мәскәү өлкәсе арасындагы товар әйләнеше 30дан алып 35 млрд. сумга кадәр. Товар чыгару һәм товар кертү чагыштырмасы бертөрлерәк. Без йөк автомобильләре җибәрсәк, сез безгә җиңел автомобильләр җибәрәсез. Безнеңчә, күп кенә юнәлешләрдә хезмәттәшлегебезне үстерер чама бар», - диде Рөстәм Миңнеханов.

Регионнар арасында тәҗрибә алмашу – бик кызыклы, дип саный Татарстан Республикасы Президенты вазыйфаларын вакытлыча башкаручы, инновацион үсеш мәсьәләләре буенча да, уңайлы инвестицион тирәлек тудыру мәсьәләләре буенча да. Ул билгеләп үткәнчә, Татарстанның махсус икътисадый зоналар, индустриаль парклар булдыру һәм ИТ өлкәсендә тәҗрибәсе бар. Мәскәү өлкәсе - Россиянең тарихи яктан танылган фәнни-мәгариф үзәге, диде Татарстан Республикасы Президенты вазыйфаларын вакытлыча башкаручы.

Алга таба Рөстәм Миңнеханов губернаторга республиканың сәнәгать секторын үстерү турында сөйләде. «Татарстанның төп нокталары – нефть химиясе һәм нефть эшкәртү. Без пластмассалар һәм синтетик каучуклар җитештерәбез. Параллель рәвештә машина төзелешен, авиа төзелешне, суднолар төзелешен һәм компрессорлар җитештерүне алып барабыз», - диде ул.

Татарстан Республикасы Президенты вазыйфаларын вакытлыча башкаручы белдергәнчә, Татарстан Республикасында агросәнәгать комплексы үсеш ала. «Без шәхси ярдәмче хуҗалыклар үсешенә, шулай ук эре авыл хуҗалыгы җитештерүчеләренә дә йөз тотабыз», - дип билгеләп үтте ул.

Рөстәм Миңнеханов хәбәр иткәнчә, берничә көн элек Сан-Паулуда (Бразилия) Казан 2019 елда һөнәр осталыгы буенча World Skills дөнья чемпионатын уздыру хокукын отты.