ЯҢАЛЫКЛАР
2016 елның 30 мартында Алабуга шәһәрендә Татарстан Республикасы Алабуга, Тукай, Менделеевск һәм Әгерҗе районнарының социаль-икътисадый үсеше стратегияләрен эшләү буенча эксперт сессиясе оештырылды.
2016 елның 29 мартында Татарстан Республикасы икътисад министры урынбасары Айрат Шәмсиев «Студентларның антикоррупцион белем тәҗрибәсе һәм республика вузларында антикоррупцион белем программасын эшләү турында» дип аталган түгәрәк өстәлдә катнашты. Түгәрәк өстәлне Татарстан Республикасы Мәгариф һәм фән министрлыгы, Татарстан Республикасы Президентының Коррупциягә каршы сәясәт мәсьәләләре идарәсе белән берлектә, Казан университетында оештырды.
Татарстан Республикасы Икътисад министрлыгы тарафыннан 2016 елның гыйнвар-февраль айлары өчен Татарстан Республикасы муниципаль районнары һәм шәһәр округларының социаль-икътисадый үсешенең айлык рейтингы әзерләнде.
Россия Федерациясе Хөкүмәтенең Закон проектлары эшчәнлеге буенча комиссиясе тарафыннан 2016 елның 29 мартында нотариаль расланган ышаныч кәгазьләре турында мәгълүматларны «Интернет» челтәре аша алу мөмкинлеге турында закон проекты хупланды.
Татарстан Республикасы Икътисад министрлыгы тарафыннан 2015 ел өчен Татарстан Республикасы товар һәм хезмәт күрсәтүләр базарында көндәшлекле мохитнең торышы һәм үсеше турында еллык доклад әзерләнде.
Россия венчур компаниясе (РВК), Стратегик инициативалар агентлыгы (СИА) белән берлектә, Милли технологик инициативаның университет эшче төркеме составына керү өчен проект командаларыннан гаризалар кабул итә башлый.
2016 елның 26 мартындагы 14-ЗРТ номерлы Татарстан Республикасы Законы белән «Татарстан Республикасы норматив-хокукый актлары проектларына җайлау йогынтысын бәяләү һәм Татарстан Республикасы норматив-хокукый актларына экспертиза үткәрү тәртибе турында»гы Татарстан Республикасы Законына үзгәрешләр кертелде.
Татарстан Республикасында дәүләт һәм муниципаль хезмәтләр күрсәтүнең күпфункцияле үзәгенең (КФҮ) барлык филиалларында да хәзер он-лайн режимда пенсия күләме турында белешмә алырга була.
Россия Икътисадый үсеш министрлыгы Россия Федерациясенең Административ хокук бозулар турындагы кодексына төзәтмәләр эшләде. Әлеге төзәтмәләр кече һәм урта бизнес өчен штрафларны кисәтүгә алыштыруны күздә тота. Бу хакта статс-секретарь - Россия Федерациясе икътисадый үсеш министры урынбасары Фомичев Олег Россия сәнәгатьчеләре һәм эшкуарлары берлегенең «Россия бизнесы атналыгы - 2016» форумы барышында хәбәр итте.
Казан шәһәрендә «Татарстан Республикасында дәүләт һәм муниципаль хезмәтләр күрсәтүнең күпфункцияле үзәге» (КФҮ) Дәүләт бюджет учреждениесенең Идел буе филиалында, дәүләт һәм муниципаль хезмәт күрсәтүләрнең федераль һәм республика порталлары аша (gosuslugi.ru, uslugi.tatarstan.ru) электрон формада хезмәт күрсәтүләрне алу өчен, компьютерлар урнаштырылган.