ЯҢАЛЫКЛАР

«ТрансТехСервис» (алга таба - ТТС)  Компанияләр төркеменең Яр Чаллы шәһәрендәге баш офисында 2016 елның 20 маенда ТТС һәм «Камский ЦКР» АКБОның ИТ-кластерында катнашучыларның («Смартпетрол» ҖЧҖ һәм «В пути на Каме» ҖЧҖ) уртак проектын тәҗрибә рәвешендә эшләтеп җибәрү буенча эшче киңәшмә уздырылды.

Россия Федерациясе Президентының  «2016 елда кеше һәм гражданинның хокукларын һәм ирекләрен яклау сферасына караган проектларны һәм социаль мөһим проектларны гамәлгә ашыручы һәм граждан җәмгыяте институтларын үстерүдә катнашучы коммерциячел булмаган хөкүмәтнеке булмаган оешмаларга дәүләт ярдәмен тәэмин итү турында» 2016 елның 5 апрелендәге 68-рп номерлы күрсәтмәсенә ярашлы рәвештә, коммерциячел булмаган хөкүмәтнеке булмаган оешмаларга грантлар бирү буенча ачык конкурсның ИКЕНЧЕ этабында катнашу өчен гаризалар кабул ителә башлады.

Татарстан Республикасы Экспортка ярдәм итү үзәгенең «Татарстан Республикасы Эшкуарлыкка ярдәм күрсәтү фонды» Коммерциячел булмаган оешмасы, Татарстан Республикасы Сәүдә-сәнәгать палатасы  һәм «Татарстан Республикасы Экспорт корпорациясе» ААҖ белән берлектә, «Экспорт – яңа базарлар» темасына түгәрәк өстәл оештырды һәм үткәрде. Чара «Россия - Ислам дөньясы: KazanSummit 2016» VIII Халыкара икътисадый саммиты кысаларында 2016 елның 20 маенда «Корстон» Кунакханә сәүдә-күңел ачу комплексында узды.

«Идея»  технопаркында 2016 елның  20 маенда  Республика робот техникасы фестивале уздырылды. Ярышларда Татарстанның 14 шәһәре һәм районыннан килгән 100 мәктәп укучысы катнашты.

2016 елның 16-21 май көннәрендә Кластерлар һәм технопарклар  ассоциациясе, Россия Сәнәгать һәм сәүдә министрлыгы һәм  «Югары икътисад мәктәбе» Милли-тикшеренү университеты белән берлектә, РФ субъектлары дәүләт хакимиятенең башкарма органнары вәкилләре өчен Германия һәм Франция сәнәгать мәйданчыкларына эшлекле миссия оештырды.

РФ Хөкүмәте рәисе Дмитрий Медведев Россия Икътисадый үсеш министрлыгы тарафыннан әзерләнгән Контроль-күзәтчелек эшчәнлегенең нәтиҗәлелеген бәяләү системасын эшләү һәм гамәлгә кертүнең төп юнәлешләре турындагы күрсәтмәгә кул куйды.

РФ Икътисадый үсеш министрлыгы Табигать ресурслары һәм экология министрлыгының «I-V класслы куркыныч калдыкларны куркынычлыкның конкрет классына кертүне раслау тәртибен раслау турында» боерыгы проектына карата  җайлау йогынтысын бәяләүнең тискәре бәяләмәсен бастырды.

2016 елның 16-20 мае көннәрендә «2013-2023 елларга Татарстан Республикасында газ-мотор ягулыгы базарының үсеше» дәүләт программасы кысаларында  Татарстан  Республикасы кече һәм урта эшкуарлыгына ярдәм күрсәтү һәм үстерү программаларын тормышка ашыру үзәге тарафыннан 1 405 080 сум акча бүлеп бирелде. Әлеге акчалар транспорт чараларын газ-мотор ягулыгына (метанга) күчерүне җиһазлауга киткән акчаларның 30%ын капларга тотылды.

23-27 май көннәрендә  Мәскәү янындагы Красногорск шәһәрендә  Крокус-Экспо мәйданчыгында «Яшь профессионаллар» (WorldSkills Rusia) милли чемпионаты финалы уза.

Татарстан Республикасы Хөкүмәте, Яр Чаллы шәһәре һәм Россия Саклык банкы хезмәттәшлек турында килешү төзеделәр. Документны Татарстан Республикасы  Премьер-министры Илдар Халиков, Яр Чаллы шәһәре мэры Наил Мәһдиев һәм “Саклык банкы” ГАҖ Идарәсе рәисенең беренче урынбасары Максим Полетаев имзаладылар.