ЯҢАЛЫКЛАР
Бүген XXII Петербург халыкара икътисадый форумы кысаларында Татарстан һәм Үзбәкстанның Ташкент өлкәсе арасында Хезмәттәшлек турында килешүгә кул куелды. Документта Татарстан Президенты Рөстәм Миңнеханов һәм Ташкент өлкәсе хакиме Гуломҗан Ибраһимов имзаларын беркеттеләр.
Бүген Татарстан Президенты Рөстәм Миңнеханов һәм "Яңа проектларны алга этәрү буенча стратегик инициативалар агентлыгы" Автоном коммерциячел булмаган оешмасы генераль директоры Светлана Чупшева Татарстан Республикасы территориясендә "Төбәкләр өчен киләчәк кадрлары" стратегик инициативасын тормышка ашыру максатларында Хезмәттәшлек турында килешүгә кул куйдылар.
Бүген XXII Петербург халыкара икътисадый форумы кысаларында Татарстан Президенты Рөстәм Миңнехановның Санкт-Петербург губернаторы Георгий Полтавченко белән очрашуы узды.
Санкт-Петербург губернаторы төбәкләр арасында мөнәсәбәтләр шактый динамик рәвештә үсә, дип билгеләп үтте. Әйтик, 2016 елда товар әйләнеше 30 млрд сумнан артып китте.
"Интеллектуаль эшчәнлек нәтиҗәләрен коммерцияләштерү мәсьәләсе республиканың алга таба инновацион үсеше өчен бик мөһим шарт булып тора", - дип белдерде Фәрит Габделганиев башка төбәкләрдәге коллегалары белән әңгәмәсендә. Исегезгә төшерик, Татарстан делегациясе Питер форумы эшендә актив катнаша.
Кредит оешмаларын субсидияләүгә федераль бюджеттан өстәмә 805,3 миллион сум бирелде. Акчалар өстенлекле тармакларга караган проектларны гамәлгә ашыру өчен КУЭларга ташламалы ставкалар буенча бирелгән кредитлар буенча алынып бетмәгән керемнәрне каплауга бара. 2018 елга каралган бюджет ассигнованиеләренең беренчел суммасы 635,5 миллион сум күләмендә иде. Хәзерге вакытта гомуми сумма 1 440,8 миллион сумны тәшкил итә.
"Татарстан икътисады алдында торган төп бурычларның берсе - республика икътисады үсешенең озак срокка исәпләнгән чыганакларын формалаштыруга һәм импортны алыштыруга нигез булырлык югары технологияле секторны үстерү", - дип билгеләп үтте Татарстан икътисад министры Фәрит Габделганиев бүген Петербург халыкара икътисадый форумында. Татарстан Республикасы планлы рәвештә инновацияле үсеш һәм югары технологияләрне гамәлгә кертү юлыннан бара, дип басым ясады ул.
Россиядә социаль эшкуарлыкны үстерүгә һәм алга этәрүгә керткән өлеш өчен тапшырыла торган "Миһербанлылык импульсы" премиясенә дәгъва кылучылардан гаризалар кабул ителә. Премия лауреатларын бүләкләү тантанасы 2018 елның 4 октябрендә Мәскәүдә уздырыла.
Татарстан Россия субъектларының социаль-икътисадый торышы рейтингында дүртенче урынны алды (2016 елда - 5 нче урын). Беренче өч урынны Мәскәү, Санкт-Петербург, Ханты-Манси автоном округы - Югра били.
Иртәгә - 24 май көнне старт алачак Петербург халыкара икътисадый форумы-2018 ачылышына "Россия сегодня" МИА медиагруппасының "РИА Рейтинг" рейтинг агентлыгы Россия субъектларының социаль-икътисадый торышының чираттагы, исәп буенча сигезенче рейтингын әзерләде.
Татарстан Республикасы Икътисад министрлыгының эш тәҗрибәсен бүген Төньяк Осетия-Аланиянең икътисадый үсеш министры урынбасары Алета Цориева өйрәнде. ТР икътисад министрының беренче урынбасары Рөстәм Сибгатуллин коллегасына ведомство һәм ведомствога караган учреждениеләр эшчәнлегенең төп юнәлешләре турында сөйләде.
"Татарстан Республикасы Эшкуарлыкка ярдәм фонды" Коммерциячел булмаган микрокредит компаниясенең микрозаймнар портфеле 730 млн сумнан артып китте. Агымдагы елда 57,3 млн сумлык 25 микрозайм инде бирелгән.
Татарстан Республикасы кече һәм урта эшкуарлыгын үстерүгә һәм аңа ярдәм итүгә юнәлдерелгән займнар түбәндәге икътисадый эшчәнлек төрләре буенча бирелә: