ЯҢАЛЫКЛАР
Татарстан Республикасы икътисад министры урынбасары итеп Роман Әмирханов билгеләде. Татарстан Республикасы Премьер-министры Алексей Песошин тиешле күрсәтмәне имзалаган.
2021 елның 27 маенда Россия Монополиягә каршы федераль хезмәтнең Укыту-методика үзәгендә Россия МКФХ Татарстан идарәсенең контроль-күзәтчелек эшчәнлеге нәтиҗәләре буенча ачык фикер алышулар узды.
Татарстан Республикасы икътисадының тотрыклы үсешен тәэмин итүдә чаралар планын гамәлгә ашыру буенча эшче төркемнең атналык утырышы кысаларында конкуренцияне үстерү турында фикер алыштылар.
Россия Федерациясенең цифрлы үсеш, элемтә һәм массакүләм коммуникацияләр министры Максут Шадаев 2021 елның 11 маенда кабул ителгән 438 номерлы «Контроль (күзәтчелек) эшчәнлеген автоматлаштыру буенча типлаштырылган болытлы чишелеш» дәүләт мәгълүмат системасын гамәлгә кертү буенча ведомствоара эшче төркем төзү турында»гы боерыкны имзалаган.
Татарстан Республикасындагы микро һәм кече бизнес елына 6% башлап 8% кадәрге ставкалар буенча ташламалы финанс арендасы (лизинг) шартларында яңа җиһазлар сатып алырга мөмкин. Ташламалы җиһазлар лизингы программасы региональ лизинг компанияләре аша Кече һәм урта эшкуарлык корпорациясе тарафыннан гамәлгә ашырыла. Чара «Кече һәм урта эшкуарлык һәм шәхси эшкуарлык инициативасына ярдәм» илкүләм проекты максатларына ирешүгә юнәлдерелгән.
Бүген «Алабуга» махсус икътисадый зонасы территориясендә (Татарстан Республикасы Алабуга муниципаль районы) Aurus Senat автомобильләрен серияле җитештерүгә башлангыч бирү тантанасы булды.
Татарстан Республикасы Икътисад министрлыгында хәбәр итүләренчә, «Мәгариф» илкүләм проектына кертелгән «Заманча мәктәп» төбәк проектында авылларда «Үсеш ноктасы» булдыру каралган, аны гамәлгә ашыру өчен Татарстанда 179 млн сум акча юнәлдереләчәк. Проект «Мәгариф» илкүләм проект составына кертелгән. Бүлеп бирелгән акчаларга матди-техник базаны яңарту, заманча югары технологияле җиһазлар сатып алу планлаштырыла, бу авыл мәктәпләрендә уку дәресләренең тәэмин ителү дәрәҗәсен һәм укыту сыйфатын да арттырачак.
Татарстан Республикасының Яр Чаллы шәһәреннән «Хайер Индастри РУС» компаниясе Моношәһәрләрне үстерү фондыннан (ВЭБ.РФ төркеме) телевизорлар җитештерүне оештыруга һәм әзер продукция складын төзүгә 250 млн сум күләмендә займ алачак. Инвестиция проектын гамәлгә ашыру нәтиҗәләре буенча компания елына 700 мең телевизор чыгарачак.
Декреттагы яшь әни – Эльвира Сәлимова үзмәшгуль буларак бер елдан да азрак чорда теркәлгән. Декрет ялында булгач, ул үз тормышын тулысынча үзгәртергә, найм эшеннән китәргә һәм үз эшен ачарга – балалар киемнәре тегү буенча мини-эшчәнлек башлап җибәрергә карар кылган. Бала артыннан карау эшен тегү машинасы белән берлектә алып барган. Үзенең «Юниш» бренды хуҗасы үзенең уңышы тарихы турында сөйләде.
Россия эшкуарлыгы көненә багышланган һәм ТР Икътисад министрлыгы оештырган республика бизнес-бергәлеге белән очрашуда #Мойбизнеспомогает хәйрия акциясенә старт бирелде.