ЯҢАЛЫКЛАР

7 нче сентябрьдә Казанда Россия икътисади үсеш министры Алексей Улюкаевка Татарстанның инновацион инфраструктурасы үсеше һәм Россия Инновацион төбәкләре ассоциациясенең РФ Икътисади үсеш министрлыгы һәм РФ Финанслар министрлыгы белән багланыш мәсьәләләре буенча киңәшмәдә берничә инновацион проектны тәкъдим иттеләр.
Киңәшмә Казан IT-паркының конференц-залында үтте. Киңәшмә эшендә ТР Президенты Рөстәм Миңнеханов, ТР мәгълүматлаштыру һәм элемтә министры Роман Шәйхетдинов, ТР икътисад министры Мидхәт Шаһиәхмәтов, ТР мәгариф һәм фән министры Энгель Фәттахов, ТР министрлыклары һәм ведомстволары вәкилләре һәм ТРның зур предприятиеләре җитәкчеләре катнашты.
Иннополис шәһәре төзелеше турында Роман Шәйхетдинов сөйләде. Әлеге IT-проект төбәк, ил икътисады үсешенең яңа ноктасы, диде ул.

Тулырак мәгълүматны түбәндәге телефон аша ала аласыз: (843)5-24-90-52

ТР Икътисад министрының беренче урынбасары Сәрия Сираҗиева коммерцияле булмаган оешмаларның әһәмиятен әнә шулай бәя­ли.
Татарстан Иҗтимагый палатасы рәисе Анатолий Фо­мин сүзләренә караганда, бу суммага РФ Президенты, рес­публиканың Хез­мәт, эш белән тәэ­мин итү һәм социаль як­лау, Икътисад министрлык­ла­ры­ның грантлары да кер­телгән.
Бүген унсигез проект Россия Президенты грантын откан инде. Аларга федераль бюджеттан 26 миллион сум акча бүлеп биреләчәк. Сәрия Сираҗиева быел әлеге грантны отуда катнашучы проектлар санының артуын да билгеләп үтте. “Моннан ике ел элек кенә әлеге проектлар Рос­сиянең барлык төбәк­лә­рендә дә тормышка ашырылмый иде. Шуңа күрә 2011 елда үткәрелгән бәйгедә илнең егерме төбәге генә катнашты. Быелгы конкурс исә катнашучыларны Россиянең барлык төбәкләреннән җый­ды”, – ди икътисад министры урынбасары. Нәтиҗәдә федераль бюджеттан бирелгән 630 миллион сумны илнең 49 төбәге үзара бүлешә. 

Бүген "Интерра-2013" Новосибирск инновацион форумында "Регионнарның инновацион инфраструктураларын үстерү һәм нәтиҗәлекләрен арттыру" эспертлар сессиясендә Татарстан Республикасы Президенты Рөстәм Миңнеханов инновацион инфраструктураны үстерүдә Татарстан Республикасының тәҗрибәсе турында сөйләде. Рөстәм Миңнеханов моназараның модераторы булды, сессиядә Новосибирск өлкәсе губернаторы Василий Юрченко, Томск өлкәсе губернаторы Сергей Жвачкин, Россия Инновацион регионнары ассоциациясе әгъзалары регионнарының вәкилләре катнашты. Анда шулай ук Татарстан Республикасы икътисад министры Мидхәт Шаһиәхмәтов һәм Татарстан Республикасының икътисад министры урынбасары Артем Здунов катнаштылар.

Татарстан Президенты кереш сүзендә республикада оештырылган инновацион инфраструктура турында хәбәр итте. "Без икътисадыбызның алга таба үсешен күрәбез, шул исәптән булдырылган инфраструктура нигезендә дә", - дип ассызыклады Рөстәм Миңнеханов.

Татарстан Республикасы Президенты - Россия Инновацион регионнар ассоциациясе Советы Рәисе Рөстәм Миңнеханов Новосибирскка эш визиты кысаларында Россия Инновацион регионнары ассоциациясе комитетлары җитәкчеләренең чираттан тыш җыелышын уздырды. Утырышта шулай ук Татарстан Республикасы икътисад министры Мидхәт Шаһиәхмәтов һәм Татарстан Республикасының икътисад министры урынбасары Артем Здунов катнаштылар.
Утырышны ачып, Рөстәм Миңнеханов хәбәр иткәнчә, РИРА составына яңа, 13 нче регион - Алтай крае өстәлгән. Ассоциация башкарма директоры вазыйфасына Иван Бортник яңадан сайланды, РИРАның ВЭБ белән хезмәттәшлеге турында килешүгә имза салынды. Татарстан Республикасы Президенты сүзләренчә, комитетлар җитди эш башкарган. Федераль контакт системасы турындагы законны гамәлгә кертү өчен “сынау” регионнары итеп сайлап алынган 7 регион арасында 6 регион РИРАдан.

Татарстан Республикасы икътисад министры Мидхәт Шаһиәхмәтов Новосибирск шәһәренә эш визиты кысаларында «Интерра’13» Халыкара инновация форумында катнаша. Форумның ачылышында Россиянең инновацияле төбәкләре ассоциациясе (РИТА) Советы рәисе, Татарстан Республикасы Президенты Рөстәм Миңнеханов чыгыш ясады. Ул форум программасы шул исәптән РИТА чаралары белән дә тулыландырылуын билгеләп үтте. «Инновацияле төбәкләр ассоциациясе җыелышларын һәм утырышларын эре халыкара икътисадый һәм инновацион форумнар кысаларында уздыру яхшы традициягә әйләнеп бара», – диде Рөстәм Миңнеханов, РИТА әгъзаларының Санкт-Петербургта узган икътисадый форумда, Томскида үткән инновацион форумда катнашуын искә төшереп.