ЯҢАЛЫКЛАР
ТР Икътисад министрлыгы, e-commerce Wildberries базарының эре вәкиле белән берлектә, Татарстан эшкуарлары өчен «Welcome-тренинг: Wildberries маркетплейсында бизнесны ничек төзергә» дигән семинар-уку әзерләгән. Вебинар 2020 елның 27 июлендә 11:00 сәгатьтә узачак.
Ярты ел эчендә «Кече һәм урта эшкуарлык һәм эшкуарлык инициативасына ярдәм» илкүләм проектын гамәлгә ашыру иң яхшысы булган.
15 июльдән Татарстанда ваклап сату объектлары һәм җәмәгать туклануы предприятиеләре эшли башлады. Республиканың муниципаль берәмлекләре мәгълүматлары буенча, чикләүләрне бетерү 8482 предприятие, оешма һәм шәхси эшкуар (хезмәткәрләрнең гомуми саны 42 642 кеше) эшен яңартуга ярдәм иткән.
Моношәһәрләрне үстерү фонды кече һәм урта эшкуарлык субъектлары өчен ташламалы кредитлар буенча тәэмин итү төрләре исемлеген 250 млн. сумга кадәр киңәйткән. Республика эшкуарлары өчен займнар буенча поручитель сыйфатында Татарстан Республикасы Гарантия фонды катнаша ала.
Татарстан Республикасы Икътисад министрлыгында «Яңа коронавирус йогышы таралуга бәйле рәвештә хәл начараю шартларында ТР икътисадының тотрыклы үсешен тәэмин итү буенча чаралар планын гамәлгә ашыру турында» традицион атналык киңәшмә узды. Анда республика икътисадының тотрыклы үсешен тәэмин итү буенча эшче төркем әгъзалары, Татарстанның барлык муниципаль берәмлекләре, профильле министрлыклар һәм ведомстволар вәкилләре катнашты. Киңәшмәне икътисад министры Мидхәт Шаһиәхмәтов җитәкләде.
Стратегик инициативалар агентлыгының «Смарт.Эволюция» россиякүләм конкурсында биш номинациядә җиңү яулаучылар билгеле. Чараның максаты Россиядә социаль-икътисадый проблемаларны хәл итү буенча кызыклы тәҗрибәләрне һәм кризиска каршы чишелешләрне ачыклаудан гыйбарәт. «Смарт.Антивирус» номинациясендә Татарстаннан табибларны йөртүче «Яндекс.Такси» проекты җиңү яулаган.
Хөрмәтле эшкуарлар!
Исегезгә төшерәбез, Татарстан Республикасының 32 районында ТР Икътисад министрлыгына караган Эшкуарлыкка ярдәм фондының «Минем бизнес» үзәгенең төбәк вәкилләре даими нигездә эшли. Белгечләр эшкуарларны кызыксындырган барлык сораулар буенча түләүсез профессиональ консультация күрсәтә.
«Адаптация технологияләре: ничек исән калырга һәм үсәргә» бизнес белән идарә итү программасын тәмамлаучылар, COVID-19 пандемиясе белән бәйле кризиска җавап итеп, Татарстан Республикасы Икътисад министрлыгы һәм Эшкуарлык фабрикасы тарафыннан башлап җибәрелгән уку нәтиҗәләре буенча үз кейсларын тәкъдир итте һәм икътисадның төрле тармакларында кризиска каршы технологияләрне кертү тәҗрибәсе белән уртаклашты. ТР икътисад министры Мидхәт Шаһиәхмәтов белем алып чыгучыларны курсның уңышлы узуы белән котлады.
Татарстан Республикасы Икътисад министрлыгы исеменнән, ведомствоның 30 еллык юбилее уңаеннан, иң ихлас котлау сүзләрен кабул итегез һәм алга таба динамик үсеш, Монополиягә каршы федераль хезмәт алдында торган стратегик бурычларны уңышлы хәл итү, энергия һәм оптимизм, ведомство хезмәткәрләренә уңышлар һәм яңа казанышлар телибез.
16 июльдә Татарстан Республикасы Дәүләт Советы утырышында депутатлар «Оешмалар мөлкәтенә салым турында» Татарстан Республикасы Законының 5 статьясына үзгәреш кертү хакында»гы закон проектын караган һәм беренче укылышта ук кабул иткәннәр.