2021 елга тикшерү планнарын формалаштыру
Прокуратура органнары тарафыннан 2020 елның 1 сентябрендә 2021 елга планлы тикшерүләр үткәрүнең еллык планнарын формалаштыру эше башланган.
Тикшерү планнарын формалаштыру хуҗалык итүче субъектларны контрольдә тотучы органнарның аларның эшчәнлегенә нигезсез һәм хокуксыз тыкшынуыннан сакларга мөмкинлек бирә, шул рәвешле контроль-күзәтчелек чараларының законлылыгын тәэмин итә.
Прокуратура органнары тарафыннан Россия Федерациясе Генераль прокуратурасы раслаган Юридик затларга һәм шәхси эшкуарларга планлы тикшерүләр үткәрүнең еллык җыелма планын формалаштыру тәртибе нигезендә, прокурорларга дәүләт контролен (күзәтчелеген), муниципаль контрольне гамәлгә ашырганда юридик затларның, шәхси эшкуарларның хокукларын яклауның төп принципларын контрольдә тоту органнары тарафыннан үтәүне бәяләргә кирәк. Прокурорлар тикшерү чараларын планлаштырганда хәвефкә юнәлтелгән якын килү алымын үтәүгә һәм контрольлек органнары тарафыннан аларның санын арттыруга йөз тота.
Шунысын да билгеләп үтәргә кирәк, кече бизнеска тикшерү үткәрүне тыю турындагы биш еллык чикләмәнең вакыты узды. Моннан тыш, 2020 елның 31 декабрендә Россия Федерациясе Хөкүмәтенең 2020 елның 3 апрелендәге 438 номерлы карары белән эшкуарлык субъектларының күпчелегенә карата тикшерүләр үткәрүгә билгеләнгән мораторийның да вакыты чыга.
Әмма Россия Хөкүмәте кече һәм урта бизнесны планлы тикшерүгә мораторийны 2021 ел ахырына кадәр озайтырга, шулай ук 2021 елның 1 гыйнварыннан планлы тикшерүләрне чикләргә ниятли. Бу хакта Россия Федерациясе икътисадын торгызуның гомуми илкүләм планының актуаль версиясендә әйтелә.