ЯҢАЛЫКЛАР
Гамәлдәге мораторий шартларында Татарстанда профилактик визитлар өлеше арта. Ел башыннан республика эшкуарлары хокук бозуларны бетерүдә 450 тапкыр ярдәм күрсәтү коралын кулланган.
2025 елның 4 июнендә Татарстан Республикасы Икътисад министрлыгында төбәк икътисадының тотрыклы үсешен тәэмин итү буенча эш төркеме утырышы узды. Чарада Россия Федерациясе Дәүләт Думасының Икътисадый сәясәт комитеты рәисе Максим Анатольевич Топилин, шулай ук Татарстан Республикасы премьер-министры урынбасары – Татарстан Республикасы икътисад министры Мидхәт Шаһиәхмәтов катнашты.
Татарстан Республикасы дистанцион тикшерүләр, консультацияләр һәм башка чаралар саны буенча Россиядә алдынгы урында тора: контроль-күзәтчелек чараларының гомуми саныннан 20% өлеше – онлайн, «Инспектор» мобиль кушымтасы аша уза.
2025 елның 4 июнендә Татарстан Республикасы икътисад министрының беренче урынбасары Олег Пелевин авыл халкының эшлекле активлыгын арттыруга һәм кече хуҗалыкларны үстерүгә багышланган зона семинар-киңәшмәсендә катнашты. Чара муниципаль дәрәҗәдә эшкуарлыкка ярдәм итүнең казанышлары, чакырулары һәм перспективалары турында конструктив диалог өчен нәтиҗәле платформага әверелде.
Татарстан Республикасы Икътисад министрлыгы хәбәр итә: җитештерү һәм инновация компанияләрен төзү һәм (яисә) үстерү максатларында, аны гамәлгә ашыру нәтиҗәләре буенча кече һәм урта эшкуарлык субъектларына индустриаль (сәнәгать) паркларның, агросәнәгать паркларының, бизнес-паркларның, технопаркларның, сәнәгать технопаркларының җитештерү мәйданнарына һәм биналарына ташламалы керү мөмкинлеге тәэмин ителә торган, Россия Федерациясе субъектларында кече һәм урта эшкуарлыкка дәүләт ярдәменә федераль бюджеттан Россия Федерациясе субъектлары бюджетларына субсидияләр алуга Татарстан Республикасы заявкасына кертү өчен проектларны сайлап алуга заявкалар кабул итү вакыты 2025 елның 18 июненә кадәр озайтылды.
2 июньнән 4 июньгә кадәр Татарстаннан биш предприятие «Каспий Нефть һәм газы» 30 нчы Юбилейлы Халыкара күргәзмәсендә катнаша. Вакыйга Баку Энергетика Атнасының бер өлеше булып тора.
ВЭБ.РФ структурасына кергән Россия экспорт үзәге Татарстан Республикасында үз урынын киңәйтергә һәм яңа вәкиллек ачарга ниятли. Бу хакта РЭҮ вице-президенты Александр Молодцовның 2 июньдә Татарстан башлыгы Рөстәм Миңнехановның эшкуарлар белән очрашуында ясаган белдерүеннән билгеле булды. Чара Татарстанда эшкуарлык декадасына багышланган иде.
Зеленодольск муниципаль районында «Славица» туңдырма фабрикасы» һәм «Кош итен тирәнтен эшкәртү буенча җитештерү-логистика комплексы» дигән ике яңа җитештерү проектын төзү тантанасы узды. Чарада Татарстан Рәисе Рөстәм Миңнеханов белән бергә республика вице-премьеры – икътисад министры Мидхәт Шаһиәхмәтов катнашты.
Бүген Татарстан Республикасы Рәисе Рөстәм Миңнехановның төбәк бизнесы белән очрашуында РВБ башлыгы Татьяна Ким «Үсеш платформасы» Россия эшкуарларына комплекслы ярдәм күрсәтү һәм үстерүнең яңа проектын тәкъдир итте. Чара Татарстанда эшэкуарлык декадасына багышланган.