Татарстан эшмәкәрләренең тарихларын төбәк билбордларында бушлай урнаштырачаклар

“Үзгәрешләр амбассадорлары” Бөтенрәсәй конкурсы нәтиҗәләре буенча республика эшмәкәрләре җиңүчеләрнең берсе булды. Аларның тарихы һәм бизнес турындагы мәгълүмат белән билбордлар төбәктәге тышкы кампаниянең бер өлеше булачак.

Татарстан Икътисад министрлыгы мәгълүматы буенча, республикадан Казаннан “Медовик” гаилә кондитер - кафе-студиясе җиңүче булды. Җиңүчеләр исәбенә шулай ук Санкт-Петербург, Краснодар крае, Мәскәү, Иркутск, Тула, Новгород, Омск, Ростов һәм Рязань өлкәләренең кече һәм урта предприятиеләре дә кергән.

Эшмәкәрләрнең тарихлары ил урамнарындагы билбордларда 15 марттан 30 мартка кадәр барлыкка киләчәк. Иң яхшы проектлар “Нәтиҗәле һәм конкурентлы икътисад” милли проекты буенча КУЭ Корпорациясе оештырган “Үзгәрешләр амбассадорлары” Бөтенрәсәй проектының эксперт жюрисы тарафыннан сайланды.

Исегезгә төшерәбез, Рәсәй эшмәкәрләренә үз төбәкләрендә күренергә һәм үз бизнесларын МСП.РФ цифрлы картасында күрсәтергә мөмкинлек тәкъдим итәләр.

Конкурсны оештыручылар бөтен ил буенча кече һәм урта бизнесның реаль тарихларын җыялар, алар нәтиҗәдә Рәсәй эшмәкәрләренең интерактив картасында барлыкка киләчәк.

Конкурсның беренче атналарында илнең 36 төбәгеннән 220дән артык тарих килде. Шул сәбәпле оештыручылар проектны 30 мартка кадәр эшмәкәр-амбассадорларның иң яхшы кейсларын Рәсәйнең интерактив картасында МСП.РФ цифрлы платформасында урнаштыру өчен озайту карары кабул ителде".

Катнашу өчен анкета тутырырга һәм сезнең бизнесның үзенчәлекле булуын сөйләргә кирәк. Тарих үзгәрешләр амбассадорлары картасында урнаштырылачак.

Проектка конкурс битендә түбәндәге сылтама буенча кушылырга мөмкин: https://амбассадоры.мсп.рф/

Татарстан эшмәкәрләренә ярдәм чаралары турында тулырак мәгълүматны Бердәм контакт-үзәк номеры буенча белергә мөмкин: 8 (843) 524-90-90.