ЯҢАЛЫКЛАР

2018 елның 22 мартында Казанда Монополиягә каршы федераль хезмәтнең Укыту-методика үзәгендә IV Бөтенроссия фәнни-гамәли конференциясе булды. Аның темасы "Конкуренцияне үстерү буенча дәүләт сәясәтен гамәлгә ашыру механизмы буларак икътисадый концентрацияне контрольдә тоту" дип билгеләнгән иде.

Конференция эшендә Россия Монополиягә каршы федераль хезмәтенең (МКФХ)  үзәк аппараты һәм аның территориаль органнары вәкилләре, башка дәүләт һәм региональ хакимият органнары, фәнни һәм педагогик җәмәгатьчелек вәкилләре, экспертлар һәм эшкуарлар катнашты.

"Перспектива" гражданлык җәмгыяте институтларын үстерү һәм аларга өстәмә белем бирү ресурс үзәге  Кама Аръягы территориясендәге коммерциягә карамаган оешмалар җитәкчеләре белән "Грант хисаплылыгы" темасына адреслы мәгълүмати ярдәм күрсәтү буенча эшлекле очрашулар циклын башлап җибәрә. Беренче эшлекле очрашу Түбән Каманың Халыклар дуслыгы йортында быелның 23 мартында 15.00 сәгатьтә (Химиклар проспекты, 74Б) була.
Әлеге очрашулар кысаларында грант бирүче оешмаларга хисап төзү үзенчәлекләре, мондый документларның формалары, шулай ук аларны тапшыру сроклары каралачак.

Бүген Татарстан Республикасының юл төзелеше өлкәсендә кече һәм урта эшкуарлык вәкилләре делегациясе иң эре чараларның берсе булган INTERTRAFFIC AMSTERDAM 2018 уза торган Амстердам шәһәрендә бизнес-миссия үти.

Бүген Татарстан Республикасы Икътисад министрлыгында "Россия төбәкләрендә ивестиция эшчәнлеге. Инвестиция проектларын гамәлгә ашыру өчен "Бер тәрәзә" булдыру" темасына семинар узды. Анда инвестиция эшчәнлегенә дәүләт ярдәме белән гамәлгә ашыру планлаштырыла торган инвестияция проектларын тәэмин итү механизмнары, аларны сайлап алу һәм гамәлгә ашыру этаплары, шулай ук килешүләр төзү һәм инвестиция проектларын гамәлгә ашыруның юллар картасы турында фикер алышынды.

Семинарда доклад белән Татарстан Республикасы икътисад министры урынбасары Булат Хаҗиәхмәтов, Конкурсның Оештыру комитеты рәисе урынбасары Олег Ховалкин, шулай ук "Саклык банкы" ГАҖ вәкиле Михаил Юрков һәм "ВСК" САҖ Корпоратив иминләштерү үзәгенең Казан филиалы вәкиле Светлана Луговнина чыгыш ясады.

Россия Премьер-министры Дмитрий Медведев заказчылар исемлеген киңәйтү турында күрсәтмәне имзалады, алар кече һәм урта эшкуарлык (КУЭ) субъектларының сатып алуларда мәҗбүри катнашуын күз алдында тотарга тиеш. Документ хөкүмәт сайтында басылып чыккан.

"Сатып алулар буенча планнарның КУЭ субъектларының сатып алуларда катнашуы буенча таләпләргә туры килү-килмәвен бәяләү үткәрелә торган төгәл билгеле заказчылар исемлекләренә региональ һәм федераль дәрәҗәдәге 600 артык заказчы өстәлде", – дип күрсәтелгән күрсәтмә аңлатмасында.

Бүген Татарстан икътисад министры Фәрит Габделганиев WorldSkills Russia чемпионаты чараларында катнашучылар белән очрашты. Ул "Эшкуарлык" компетенциясе буенча яшь профессионалларның әзерлеге белән танышты.  Җыелма команда апрель ахырында Ярославльдә сайлап алу чемпионатында катнашачак. "Сез республиканы тәкъдим итәсез һәм шуның белән генә дә сез бу эшне башкарып чыга алуыгызны исбатладыгыз. Планка югары куелган, без һәрьяклы ярдәм күрсәтергә әзер", – дип белдерде икътисад министры. Хәзерге вакытта инглиз теле, кейсларны чишү, командада эшләү күнекмәләрен шомарту һәм проектларны презентацияләү буенча дәресләр уздырыла. 

Мәскәүдә Дәүләт Думасының Икътисадый сәясәт, сәнәгать, инновацияләр үсеше һәм эшкуарлык комитеты каршындагы Экспертлар советы утырышы узды. Уйлап табулар һәм рационализаторлык, интеллектуаль милек, инженерлык эше, балаларның фәнни һәм техник иҗаты мәсьәләләре каралды.

Фикер алышуларда интеллектуаль милек өлкәсендә дәүләт сәясәте, шулай ук интеллектуаль эшчәнлек нәтиҗәләрен коммерцияләштерү һәм яклау проблемалары үзәк тема булды.

Утырышта шулай ук инновацияле эшчәнлекне яңа белемнәрне һәм перспективалы технологияләрне генерирлаштыру чаралары буларак үстерү мәсьәләләре, интеллектуаль эшчәнлек нәтиҗәләрен коммерцияләштерү проблемалары, шулай ук интеллектуаль эшчәнлек нәтиҗәләрен патентлау һәм яклау өлкәсендә хокукый җайга салуны үстерү мәсьләләре каралды.

Утырыш эшендә Татарстан икътисад министры урынбасары Булат Хаҗиәхмәтов катнашты.

Инвестиция эшчәнлегенә дәүләт ярдәме булганда гамәлгә ашырылуы  планлаштырыла торган инвестиция проектларын тәэмин итү механизмнары, аларны сайлап алу һәм гамәлгә ашыру этаплары, шулай ук инвестиция проектын гамәлгә ашыруга килешүне һәм юллар картасын төзү турында 22 мартта семинарда сөйләячәкләр.  Чара Татарстан Республикасы Икътисад министрлыгы тарафыннан "Төбәкләр – тотрыклы үсеш" еллык иҗтимагый премиясе" бәйгесенең Оештыру комитеты белән берлектә оештырылды.  Тема: "Россия төбәкләрендә инвестиция эшчәнлеге. Инвестиция проектларын гамәлгә ашыру өчен "Бер тәрәзә" булдыру".

Иртәгә, 21 мартта, Яр Чаллыда коммерциягә карамаган сектор вәкилләре өчен ике уку-укыту семинары узачак. Катнашу өчен Кама Аръягының коммерциягә карамаган социаль юнәлешле оешмалары вәкилләре чакырыла.

Чараның беренче өлешендә "Социаль проектлау технологиясе. Грантны ничек отарга!" семинары була. .

Семинарга килүчеләр:

• үзләренең идеяләрен оештырып әйтергә һәм социаль проектны эшләү тәртибен билгеләргә өйрәнәчәк;

• грантка гаризаны дөрес итеп рәсмиләштерү, проект бюджетын исәпләп чыгару нечкәлекләренә төшенәчәк;

• социаль проектка идарә итү һәм хисап әзерләү кагыйдәләре турында беләчәк.

Чараның икенче өлешендә тыңлаучыларга коммерциягә карамаган эшчәнлектә салым хисаплылыгы үзенчәлекләре турында сөйләячәкләр.

Семинарны үткәрү урыны: Яр Чаллы шәһәре, Чулман проспекты, 8 нче йорт, "Перспектива" ресурс үзәге. Чара 14:00 сәгатьтә башлана.

Иртәгә, 20 мартта, Әлмәттә "Социаль проектлау технологиясе. Грантны ничек отарга!" дигән түләүсез тренинг-семинар була. . Катнашу өчен Әлмәт районының һәм  Татарстан Республикасының Көньяк-Көнчыгыш икътисадый зонасы коммерциягә карамаган социаль юнәлешле оешмалары вәкилләре чакырыла.

Семинарның максаты: грант программаларында катнашу өчен социаль проектлар эшләү күнекмәләрен алу.

Тыңлаучыларга үзләренең идеяләрен оештырып әйтү һәм социаль проект эшләү тәртибен билгеләргә өйрәнү мөмкинлеге биреләчәк; алар грантка гаризаны дөрес итеп рәсмиләштерү, проект бюджетын исәпләп чыгару нечкәлекләренә төшенәчәк; социаль проектка идарә итү һәм хисап әзерләү кагыйдәләре турында беләчәк.

Чараны Социаль өлкә инновацияләре үзәге - СОНКО ярдәм итү ресурс үзәге һәм Казан (Идел буе) федераль университеты үткәрә.

Семинарны үткәрү урыны: Әлмәт шәһәре, Ленин урамы, 36 нчы йорт, "Нур" Балаларга һәм яшьләргә психологик-педагогик ярдәм үзәге.

 Белешмәләр өчен телефон: (8553) 32-89-60; +7 (917) 892-19-92.