ЯҢАЛЫКЛАР

Бүген Мәскәүдә Россия Икътисадый үсеш министрлыгы коллегиясе булды. 2017 елга йомгак ясадылар, быелга һәм якын перспективага планнар турында фикер алыштылар.  "Икътисадый үсеш министрлыгы өчен иң мөһиме – инвестицияләр. Бизнес өчен булган гаять зур мөмкинлекләрнең миллионлаган кеше өчен акча эшләүнең реаль ысулына әверелүе мөһим", – дип билгеләп үтте Россия Премьер-министры Дмитрий Медведев.

Инфраструктураны үстерү Россиянең икътисадый үсешен тизләтү өчен төп мәсьәлә булып тора, дип белдерде РФ Икътисадый үсеш министрлыгы башлыгы Максим Орешкин: "Хәзер Татарстанда башкарыла торган барлык эшләр – булган инфраструктурадан нәтиҗәле файдалану ул". Коллегиядә Татарстан икътисад министры Фәрит Габделганиев аңлатканча, республикада "Алабуга", "Иннополис" махсус икътисадый зоналары уңышлы эшли, Россиядә беренчеләрдән булып төзелгән "Чаллы" ТОСЭР,  якынча 2 мең эш урынын тәэмин итеп, үзенең нәтиҗәлелеген исбатлап өлгерде инде. бер-берсенә бәяләнгән инвестиция  һәм инфраструктура проектлары комплексы Россия Хөкүмәте тарафыннан расланган "ИнноКам" Концепциясендә каралган, – дип хәбәр итте министр. 

Бүген Дәүләт Советының Кече залында парламент тыңлаулары узды, анда депутатлар һәм республиканың профильле министрлыклары һәм ведомстволары вәкилләре эшкуарларның актив катнашында Татарстанда кече һәм урта бизнесны үстерү мәсьәләләре турында фикер алыштылар.

ТРда кече һәм урта эшкуарлыкны (КУЭ) үстерү турындагы төп доклад белән республика икътисад министрының беренче урынбасары Рөстәм Сибгатуллин чыгыш ясады.  Республикада якынча 170 мең КУЭ субъекты эшчәнлек  алып бара, узган елда аларның гомуми әйләнеше 1,7 триллион сумга җитте.

29 мартта Татарстан Республикасы Икътисад министрлыгында Татарстан Республикасы Икътисад министрлыгы каршындагы Коррупциягә каршы көрәш комиссиясе утырышы була. Анда "2015 – 2020 елларга Татарстан Республикасының коррупциягә каршы сәясәтен гамәлгә ашыру" дәүләт программасы чараларының 2017 елда үтәлеше мәсьәләсе каралачак.

Бүген Татарстан икътисад министры Фәрит Габделганиев һәм "Моношәһәрләрне үстерү фонды" коммерциягә карамаган оешмасы вәкилләре Түбән Камада һәм Чаллыда булып кайттылар. Чаллы мэры Наил Мәһдиев һәм Моношәһәрләрне үстерү фонды директорының беренче урынбасары Сергей Карпов кулланылышка тапшырылуы бу елның ахырына планлаштырылган "Түбән Кама" сәнәгать паркы белән танышып чыктылар, "Пионер" индустриаль паркында булдылар.

Сәнәгать паркларын үстерүгә Татарстан Републикасының карашы иң яхшы тәҗрибәләрнең берсе буларак тиражланырга лаеклы, дип саныйлар Россия Икътисадый үсеш министрлыгында.  Төгәл бүлеп бирелгән территориядә КУЭ өчен яңа производстволар төзү һәм үстерү өчен максималь уңайлы шартлар тәэмин ителә. Республикада сәнәгать мәйданнарын төзү тәҗрибәсе белән Татарстан Республикасы икътисад министры урынбасары – Эшкуарлыкны һәм конкуренцияне үстерү департаменты директоры Рөстәм Сибгатуллин уртаклашты. Мәскәүдә 2018 елда бюджетларына кече һәм урта эшкуарлыкка, крестьян хуҗалыкларын кертеп, дәүләт ярдәме күрсәтүгә, шулай ук яшьләр эшкуарлыгына ярдәм итү чараларын гамәлгә ашыруга субсидияләр бирелә торган Россия Федерациясе субъектлары чараларын карау һәм килештерү комиссиясе утырышы булды.

Татарстанда Казан (Идел буе) федераль университетының Дәүләт һәм муниципаль идарә югары мәктәбе базасында Татарстан Республикасында дәүләт һәм муниципаль хезмәткәрләрне һөнәри яктан яңадан әзерләү буенча Россиядә тәүге "Территорияләрне стратегик үстерү" программасы эшли башлады. Республиканың төрле районнарыннан  гыйбарәт дәүләт һәм муниципаль хезмәткәрләрдән гыйбарәт  30 кешелек төркем укуга кереште. Программа Татарстан Республикасы Президенты Рөстәм Миңнеханов тарафыннан хупланган һәм 500 академик сәгатькә исәпләнелгән.

Эшкуарларның уңайлыгы өчен Икътисад министрлыгында республика җәмәгатьчелекне кабул итү бүлмәсе эшли башлады, ул берничә элемтә каналын үз эченә ала. Хәзер Татарстан икътисад министры Фәрит Габделганиев белән аралашу өчен, кайнар линия телефоныннан һәм Гражданнарны кабул итү көненнән тыш, Telegram мессенджеры эшли башлады.

Татарстан Республикасы Швейцариядән бизнес һәм капитал җәлеп итүгә карата кызыксыну белдерә. Татарстан Республикасы Президенты Рөстәм Миңнеханов «Швейцария - Татарстан» эшлекле форумында шул хакта белдерде.

Россия җитәкчелеге чит илдәге партнерлар белән конструктив эшчәнлек җәелдерергә ниятли. «Әлеге визит Татарстанның Швейцария компанияләре белән хезмәттәшлеген үстерүгә яңа динамика өстәр дип өметләнәбез», - диде ТР Президенты.

Рөстәм Миңнеханов нефть химиясе, машина төзелеше, ИТ-технологияләр, медицина һәм фармацевтика, авыл хуҗалыгы, төзелеш, транспорт, инфраструктура проектлары, шулай ук башка өлкәләрдәге хезмәттәшлекне өстенлекле юнәлешләр рәтендә карый. 

Бүген Татарстан Республикасы Президенты Рөстәм Миңнеханов Рөстәм Миңнеханов Швейцариягә эш сәфәре кысаларында Вале кантонының Икътисадый үсеш департаменты җитәкчесе Жильбер Лоретан белән очрашты. 

Вале кантоны Швейцариянең алдынгы төбәкләренең берсе. Анда нефть эшкәртү, алюминий, химия, агач эшкәртү, целлюлоза-кәгазь cәнәгате, кара металлургия, машина төзелеше һәм башка өлкәләрдәге предприятиеләр бар. Авыл хуҗалыгы да Вале кантонында мөһим тармак, аеруча эре мөгезле терлек һәм сөт терлекчелеге уңышлы. 

Кантондагы иң эре предприятиеләрнең берсе - "Лонза" химия продукциясе җитештерүче. Бүгенге көндә ул химия, биотехнологияләр, фармацевтика, азык-төлек, косметика, сәламәтлек саклау өлкәсен өчен продукция җитештерә. Барлыгы утыз илдә 40 заводы бар. Мәскәүдә дә "Лонза" вәкиллеклеге эшли. 

Бүген Татарстан Республикасы Президенты Рөстәм Миңнеханов Женевага (Швейцария) эш сәфәре кысаларында берничә эшлекле очрашу уздырды. Татарстанның эшче төркеме составында – икътисад министры Фәрит Габделганиев.

Татарстан Президенты Германиянең Кече һәм урта бизнес ассоциациясе җитәкчелеге белән очрашты. Европаның бу эре оешмасы 600 меңнән артык компанияне берләштерә, аларның гомуми сәүдә әйләнеше  $1 трлн. чамасы. Бүген Ассоциация 11 млн. артык кеше мәнфәгатьләрен яклый, шулай Россиягә каршы санкцияләргә каршы актив чыгыш ясый.  Россия белән Германия арасындагы проектлар бизнесын үстерүгә ярдәм итү өчен Россиядә офислар ачарга җыена. 

Рөстәм Миңнеханов билгеләп үткәнчә, Германия – Татарстанның чит илләрдәге төп партнерларының берсе. Ил республикага инвестицияләр күләмендә зур өлешкә ия. Очрашу барышында яклар Германия белән Татарстан Республикасы бизнес-даирәләре арасында эшлекле элемтәләрне ныгыту мәсьәләләрен карадылар. Ассоциация җитәкчелеге Казанда үзенең төбәк вәкиллеген ачарга теләвен белдерде.