ЯҢАЛЫКЛАР

Татарстан Республикасы Икътисад министрлыгы һәм «Минем бизнес» үзәге «Кече һәм урта эшкуарлык» илкүләм проекты кысаларында төбәкнең иң яхшы 100 эшкуарын сайлап алачак.

Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов икътисадның тотрыклы үсешен тәэмин итү буенча эшче төркем утырышын уздырды.

20 мартта Татарстан Республикасы Икътисад министрлыгында ведомствоның Телеграм-каналы мәйданчыгында Татарстан Республикасында эшкуарларны тикшерүгә мораторийны гамәлгә ашыруга багышланган туры эфир булды. Туры эфирда ТР Икътисад министрлыгы, ТР Дәүләт төзелеш күзәтчелеге инспекциясе һәм ТР Дәүләт алкоголь инспекциясе вәкилләре чыгыш ясады. Эфир кысаларында спикерлар бизнеска административ басымны киметүнең мөһимлеге турында фикер алыштылар.

«Минем бизнес» үзәге тарафыннан Казан шәһәренең эре сәүдә үзәгендә язгы үзмәшгульләр продукциясе ярминкәсе оештырылды. Алда тагын өч ярминкә атнасы бар. 

Татарстанда партнерлык финанслары программасы кысаларында «Даман» ташламалы гарантия продуктын эшләтеп җибәрде. Продукт Татарстан Республикасы Икътисад министрлыгы ярдәме белән Россия ислам университеты белән берлектә республиканың Гарантия фонды тарафыннан эшләнгән.

28 мартта Казанда юизнес һәм үзмәшгульләр өчен «Кече бизнес һәм үзмәшгуль гражданнарның 223-ФЗ номерлы федераль закон буенча эре заказчыларның сатып алуында катнашуы, тәэмин итүчеләрне «җитлектереп бетерү» программасы, шул исәптән «офсет» килешүләр төзү механизмын кулланып» темасына уникаль бушлай семинар узачак. Турыдан-туры семинар «Минем бизнес» үзәгендә узачак. 

«Яңа проектларны алга сөрү буенча стратегик инициативалар агентлыгы» автоном коммерцияле булмаган оешмасы,  Евразия икътисадый комиссиясе белән берлектә, 2023 елдан «Яшел Евразия»   халыкара климат конкурсын (алга таба – Конкурс) үткәрә.

Инновацияләргә ярдәм фонды Россия Икътисадый үсеш министрлыгы белән берлектә «Бизнес-Старт» конкурсына гаризалар кабул итә башлады. Компанияләрне сайлап алу РФ Хөкүмәте Рәисенең беренче урынбасары Андрей Белоусов кураторлык итүче  «Взлёт – от стартапа до IPO» федераль проекты кысаларында үткәрелә.

Инновацияләргә ярдәм фондыннан «Университет технология эшкуарлыгы платформасы» федераль проекты кысаларында стартаплар булдыру өчен 1 млн сумлык грант алуга гаризалар кабул ителә башлады. Гариза бирү мәсьәләләре буенча консультацияне «Минем бизнес» үзәгендә алырга мөмкин. 2 мең студент үзенең технологик проектын үстерүгә 1 млн.сумлык грантлар алачак.

Хезмәт «Минем бизнес» үзәгендә Татарстан Республикасы территориясендә теркәлгән кече һәм урта эшкуарлык субъектларына күрсәтелә ала. Ел башыннан әлеге хезмәттән 50 төбәк эшкуары файдаланган инде.