Татарстан Икътисад министрлыгы җайга салу йогынтысын бәяләү турында укыту семинары үткәрде
2025 елның 19 июнендә Татарстан Республикасы Икътисад министрлыгы республика башкарма хакимият органнары белгечләре өчен түбәндәге темага чираттагы укыту семинары үткәрде: «Республика норматив хокукый актлары проектларының җайга салу йогынтысын бәяләү: максатлар һәм бурычлар, үткәрү тәртибе, иң яхшы тәҗрибәләр мисаллары. Мәҗбүри таләпләрне куллануны бәяләү».
Чарада Татарстан Республикасы Хезмәт, халыкны эш белән тәэмин итү һәм социаль яклау министрлыгы, Татарстан Республикасы Сәнәгать һәм сәүдә министрлыгы, Татарстан Республикасы Мәдәният министрлыгы, Татарстан Республикасы Архив эше буенча дәүләт комитеты, Татарстан Республикасы Мәдәни мирас объектларын саклау комитеты вәкилләре катнашты.
Семинарда катнашучылар җайга салу йогынтысын бәяләү процедураларын үткәрү тәртибен җентекләп өйрәнделәр, аның региональ уңышлы практикаларына аерым игътибар бирелде.
Программаның аерым блогы Татарстан Республикасы Сәнәгать һәм сәүдә министрлыгы вәкилләре өчен практикум булды, анда яңа актларның җайга салу йогынтысын бәяләүнең конкрет мисаллары һәм гамәлдәге законнарга экспертиза ясалды.