ПМЭФ-2025тә Татарстан Россиядә беренче партнерлык инструментлары биржа мәйданчыгын эшләтеп җибәрү турында игълан итте
ПМЭФ-2025тә Россиядә биржада партнерлык финанс инструментларының беренче махсуслаштырылган бүлеген булдыру турында килешү имзаланды.
Татарстан Республикасы Премьер-министры урынбасары – Татарстан Республикасы икътисад министры Шаһиәхмәтов Мидхәт, "БИРЖА" ЦТС акционерлык җәмгыяте генераль директоры Хәйрулин Виталий һәм "АС САЛЯМ" кулланучылар җәмгыяте идарәсе рәисе Едиханов Ренат Петербург халыкара икътисадый форумы барышында партнерлык финанслары өлкәсендә озак вакытлы, нәтиҗәле һәм үзара файдалы хезмәттәшлекне тәэмин итү буенча хезмәттәшлек турында килешүгә кул куйдылар.
Биржада акча базарының партнерлык финанс инструментларының Россиядә беренче махсуслаштырылган бүлеген төзү башлангыч этабы булган килешүгә Татарстан Республикасы Рәисе Рөстәм Нургали улы Миңнеханов барында имза салынды.
Россиядә аналогы булмаган мәйданчыкны эшләтеп җибәрү илдә партнерлык финанслары базарын үстерүдә мөһим адым булып тора. Бу профессиональ бергәлеккә акча базары секторына уңайлы һәм үтәкүренмәле интерфейс аша керү мөмкинлеген бирәчәк, шулай ук касса өзеклекләре һәм куркынычлар белән идарә итү инструментларын бирәчәк. Яңа мөмкинлекләр озак сроклы инвестицияләр җәлеп итү өчен нигез булачак. Проект инвесторларның ышанычын ныгытырга, техник дефолтлар куркынычын киметергә һәм ликвидлык формалаштыру өлкәсендә партнерлык финанслары базарында катнашучылар өчен уңай мохит тудырырга тиеш.
«Биржа «ЦТС» АҖ инициативаны хуплаганы өчен Татарстан Республикасы Икътисад министрлыгына һәм шәхсән Татарстан Республикасы Башлыгы Рөстәм Миңнехановка рәхмәт белдерде.
Проект базарда катнашучылар өчен уңайлы шартлар тудырып кына калмыйча, конкурентлык мохитен формалаштыруга да ярдәм итәчәк, шулай ук регуляторга үсә торган базарны анализлау өчен кыйммәтле статистик мәгълүматлар бирәчәк.