ЯҢАЛЫКЛАР

2013 елның 24 октябрендәТатарстан Республикасы Дәүләт Советының кырык бишенче утырышы узды. Утырышның көн тәртибенә 15 мәсьәлә кертелгән иде. «2014 елга һәм 2015-2016 елларның планлы периодына Татарстан Республикасы бюджеты турында» Татарстан Республикасы законы проектын тикшерү кысаларында Татарстан Республикасының 2014-2016 елларга социаль-икътисадый үсеше фаразлары буенча Татарстан Республикасы икътисад министры Мидхәт Шаһиәхмәтов чыгыш ясады. Үзенең чыгышында ул фараз бәяләре нигезенә салынган иң мөһим тышкы һәм эчке факторларны шәрехләүгә тукталды, шулай ук әлеге чорда икътисадның ТТП динамикасын билгеләргә тиешле төп секторлары үсеше фаразларына да тукталды. «Фаразлар тышкы, шулай ук эчке базарда гаять катлаулы макроикътисадый вазгыятьтә, икътисадый динамиканың акрынаюы шартларында эшләнде», – дип басым ясады Татарстан Республикасы икътисад министры. Агымдагы икътисадый вазгыятькә тискәре йогынты ясаучы эчке факторлар арасында Мидхәт Шаһиәхмәтов хезмәт җитештерүчәнлегенең түбәнлеген, кулланучылар ихтыяҗы динамикасының акрынаюын, чималга, энергиягә һәм табигый монополияләр хезмәт күрсәтүләренә бәяләрнең артуы аркасында җитештерү чыгымнарының үсүен билгеләп үтте. Татарстан Республикасы икътисад министры шундый ук вазгыятьнең гомумән Россия буенча күзәтелүен дә билгеләп китте. «Россия Икътисадый үсеш министрлыгы фаразларны инде өч тапкыр яңадан карады һәм илнең 2013 елга эчке тулай продукты үсеше темпларын 1,8%ка кадәр киметте», – диде Мидхәт Шаһиәхмәтов.

Бүген республика парламенты утырышында “Татарстан Республикасының 2014 елга һәм 2015 һәм 2016 елларның планлы чорына бюджеты турында” ТР законы проектын беренче укылышта кабул итте.
ТР Финанслар министры Радик Гайзатуллин, алдагы өч елга бюджет параметрлары белән таныштырып, елдан-ел бюджетның кытлык өлеше үсә баруын билгеләп үтте. 2014 елга ул 5 409 791, 7 мең сум, 2015 елга – 8 404 770,4 мең сум, 2016 елга 12 374 902,8 мең сум күләмендә планлаштырылган.
Алдагы елларга бюджет проекты республиканың җыелма бюджеты үтәлешен, салым һәм бюджет белән бәйле федераль законнарга кертелгән үзгәрешләрне, федераль бюджет турында закон проектын, республиканың социаль-икътисади үсеш фаразын исәпкә алып төзелгән. Шулай итеп, республика бюджетының керем өлешенә йогынты ясый торган факторларның берсе булып федераль законнарга кертелгән үзгәрешләр тора.
Министр сүзләренә караганда, бюджет проектының керем өлешен формалаштырганда ТР Президентының республика социаль-икътисади үсешенең инвестицион һәм инновацион юнәлешләрен көчәйтү буенча куелган бурычлары исәпкә алынган. “Әлеге бурычларны тормышка ашыру табышка салымга, оешмалар милкенә ташламалар бирү, салым салуның гадиләштерелгән системасы аша алып барыла”, - диде Радик Гайзатуллин. 2014-2016 елларның салым сәясәтендә иң мөһиме – салым механизмнары аша кече һәм урта эшкуарлыкка ярдәм итү һәм аларны кызыксындыру көчәйтелергә тиеш.

Бүген Татарстанның Дәүләт Советы депутатлары чираттагы утырышларына җыелды. Анда каралган төп мәсьәләләрнең берсе - Татарстан Президенты тарафыннан кертелгән 2014-2016 елларга республика бюджеты проектын тикшерү.

2014 елда бюджет керемнәренең гомуми күләме 138,7 миллиард сум тәшкил итәргә тиеш, ә чыгымнар исә якынча 144 миллиард сум булыр, дип уйланыла. 2016 елга инде керемнәр – 146,7 миллиард, ә чыгымнар якынча 159 миллиард сум булыр дип планлаштырыла. Әлеге мәгълүматны депутатлар игътибарына Татарстанның финанс министры Радик Гайзатуллин җиткерде.

Татарстанның Хисап палатасы белгечләре уздырган экспертиза нәтиҗәләренә караганда, киләсе елда республиканың салым керемнәре 2013 ел белән чагыштырганда 9,8 процентка артып, якынча 122,7 миллион сум тәшкил итәргә тиеш. Шулай да, үткән еллардагы кебек үк, бюджетның иң күләмле керем чыганагы - табышка салым. Хәзерге вакытта салымнарның 36 процентын нәкъ менә әлеге төр салым тәшкил итә.

Бюджет дефицитына килгәндә, киләсе елда ул 5,4 миллион сум булыр дип көтелә. Агымдагы ел белән чагыштырганда бу шактый аз – быел әлеге күрсәткеч 11,5 миллион сум.

Татарстан икътисадының хәзерге торышы һәм киләсе елларга прогнозлар белән депутатларны республиканың икътисад министры Мидхәт Шаһиәхмәтов таныштырды. Билгеле булганча, быел икътисадый үсеш башка еллар белән чагыштырганда шактый әкрен бара. Шуңа күрә ел азагына эчке тулаем продуктның күләме якынча 1 триллион 520 миллиард сум тәшкил итәр, дип уйланыла. Ә менә 2014 елда әлеге күрсәткеч 4,2 процентка күтәрелергә тиеш, дип ышандырды министр.

Татарстан Республикасы Икътисад министрлыгы Татарстан Республикасы кече һәм урта эшкуарлык субъектларының һөнәри әзерлек алуга, яңадан әзерлек уздыруга, квалификацияне күтәрүгә, шулай ук эшкуарлык грамоталылыгын һәм эшкуарлык компетенцияләрен үстерүгә бәйле белем алу чыгымнарын кайтаруны субсидияләүгә гаризалар сайлап алу конкурсының чираттагы этабын узадыра, ул 2013 елның 11 ноябренә кадәр дәвам итә. Әлеге конкурс Татарстан Республикасы кече һәм урта эшкуарлык субъектларына ярдәм итү максатында уздырыла һәм эшкуарлык субъектларына белем алуга киткән акчаларын субсидия формасында кире кайтарырга мөмкинлек бирә. 2013 елда субсидияләү программасын гамәлгә ашыру кысаларында Татарстан Республикасы кече һәм урта эшкуарлык субъектларыннан субсидия алуга килгән 60 гаризаның 41е хупланды, бу 3,4 млн сумны тәшкил итә. 2013 елның 23 октябрендә конкурсның чиртатагы этабын уздыру кысаларында икътисад министры урынбасары Айрат Шәмсиев Татарстан Республикасы территориясендә урнашкан вуз вәкилләре белән «Эшкуарларның белем алуга бәйле чыгымнарын субсидияләү» темасы буенча киңәшмә уздырды.

Татарстан Республикасы Министрлар Кабинетының 2013 елның 4 октябрендәге 715нче карары нигезендә Татарстан Республикасы Министрлар Кабинетының 2007 елның 23 июлендәге 325нче карары белән расланган Татарстан Республикасы Икътисад министрлыгы турындагы нигезләмәгә үзгәрешләр кертелде. Алар Татарстан Республикасында инвестицион салым кредитын бирү турында карар кабул итү өлешендә Татарстан Республикасы Икътисад министрлыгына өстәмә вәкаләтләр бирәләр. Инвестицион салым кредитын бирү турындагы сорауны карар өчен Татарстан Республикасы Икътисад министрлыгына «Татарстан Республикасында инвестицион салым кредиты бирү турында карар кабул итү һәм аны килештерү тәртибен раслау турында» Татарстан Республикасы Министрлар Кабинетының 2013 елның 6 сентябрендәге 642нче карары таләпләренә ярашлы итеп әзерләнгән гариза тапшырырга кирәк.

2013 елның 24 октябрендә «КНИАТ» Инновацион-технологик үзәге» сәнәгать технологияләре технопаркы технопарк сыйфатында аккредитация үтү турында таныклык алды. Татарстан Республикасы инновацион инфрастркутурасы субъектлары аккредитациясе Татарстан Республикасы Министрлар Кабинетының «Татарстан Республикасы инновацион инфраструктурасы субъектларын аккредитацияләү турында»гы 2013 елның 4 июнендәге карарына ярашлы рәвештә уздырыла. Әлеге процедура инновацион инфраструктура субъектларын оптимальләштерергә һәм аларның нәтиҗәлелеген күтәрергә тиеш. Инновацион инфраструктура субъектларына билгеле бер таләпләр куела, алар субъектның инновацион эшчәнлеге дәрәҗәсен шәрехли торган анык критерийлар формасында була һәм төгәл чик күрсәткечкә ия. Аккредитациягә технополислар, технопарклар, индустриаль (сәнәгый) парклар ия булырга тиеш.

Бүген Россия Хөкүмәте каршындагы Хәрби-сәнәгать комиссиясе утырышы булды.

Утырышны Россия Хөкүмәте рәисе урынбасары, Россия Хөкүмәте каршындагы Хәрби сәнәгать комиссиясе рәисе Дмитрий Рогозин уздырды. Бу чара “Казан вертолет заводы” ААҖ территориясендә булды. Утырышта Татарстан Республикасы икътисад министры Мидхәт Шаһиәхмәтов катнашты.

Татарстан Республикасы Премьер-министры Илдар Халиков искәртүенчә, Татарстан территориясендә Россия оборона-сәнәгать комплексының 13 предприятиесе һәм 20 фәнни-тикшеренү институты эшли.

Татарстан Республикасында, Илдар Халиков сүзләренчә,соңгы өч елда фәнни-техник тикшеренүләр үсешенә, балалар һәм яшүсмерләрнең техник иҗаты үсешенә 279 млн. сум акча тотылган.

Премьер-министр шулай ук оборона-сәнәгатендә эшләү өчен белгечләр әзерләү буенча бюджеттагы урыннарга квотаны арттыру кирәклеген белдерде.

Утырыш тәмамланганда Илдар Халиков Россия Хөкүмәте каршындагы Хәрби-сәнәгать комиссиясе утырышын уздыру өчен Казанны сайлауларына рәхмәт белдерде.

2013 елның 23 октябрендә Татарстан Республикасы икътисад министры урынбасары Артем Здунов «Татарстан Республикасы икътисадый үсеше проблемалары» темасы буенча Татарстан Республикасы Фәннәр академиясе киңәшмәсендә катнашты. Әлеге чара кысаларында галимнәр һәм экспертлар, республика дәүләт хакимияте органнары вәкилләре республиканың агымдагы вазгыятенә хас көнүзәк мәсьәләләр буенча фикер алыштылар, урта һәм озак вакытка караган перспектива өчен эшчәнлекнең төп юнәлешләре билгеләнде. Артем Здуновның чыгышында эшкуарлыкны үстерү өчен шартлар тудыруга, дәүләт ярдәме механизмнарына, Татарстан Республикасы үсеше перспективалары сорауларына аеруча игътибар бирелде. Алар арасында шулай ук республикада Татарстан Республикасы муниципаль берәмлекләрендә уңай инвестицион климат тудыруны тәэмин итү буенча җирле үзидарә органнары эшчәнлегенең муниципаль стандартын кертүнең зарурлыгына басым ясалды.

2013 елның 24 октябрендә 10.00 сәгатьтә Татарстан Республикасы территориясендә урнашкан муниципаль дәрәҗәдәге сәнәгать мәйданнары резидентлары проектларын конкурслы сайлап алуда катнашуга гаризалар каралачак. Конкурста катнашуга гариза биргән эшкуарларны үз проектларын тәкъдим итү өчен Конкурс комиссиясе утырышына чакырабыз.
Адрес: Казан шәһәре, Мәскәү урамы 55 йорт, 429 каб
Тулырак мәгълүматны тубәндәге телефон аша ала аласыз: (843)5-24-90-49.