ЯҢАЛЫКЛАР

2013 елның 13 декабрендә Татарстан Республикасы икътисад министры урынбасары Айрат Шәмсиев «Татарстан – Яңа гасыр» телеканалында «Татарстан бизнесы» тапшыруы өчен сюжет яздыруда катнашты.
Министр урынбасары Татарстан Республикасында гамәлдәге норматив хокукый актларның һәм норматив хокукый актлар проектларының җайлау йгынтысына ачык бәя бирү процедурасын кертү буенча алып барыла торган эш турында сөйләде.
Айрат Шәмсиев эшкуарлык берләшмәләрен җайлау йогынтысына ачык бәя бирү процедурасын уздыру кысаларында республикада кабул ителә торган һәм гамәлдәге норматив хокукый актларны тикшерү процессына актив кушылырга чакырды.

Татарстан Республикасында дәүләт һәм муниципаль хезмәт күрсәтү буенча күпфункцияле үзәкләр системасы төзү кысаларында агымдагы елның IV кварталында гамәлдәге 5 КФҮләренә өстәмә рәвештә тагын 14 муниципаль районда (Аксубай, Алексеевск, Буа, Биектау, Югары Ослан, Чүпрәле, Кайбыч, Яңа Чишмә, Балык Бистәсе, Саба, Спас, Чирмешән, Чистай, Ютазы) гражданнарга дәүләт һәм муниципаль хезмәтләр күрсәтү өчен документлар җыю буенча 14 КФҮ үз эшен башлап җибәрде.
7 декабрьдән 13 декабрьгә кадәрге вакыт аралыгында әлеге КФҮләрдә хакимият органнарының 2516 хезмәте башкарылган. Җир-мөлкәт сорауларына караган хезмәт күрсәтүләргә, шулай ук Пенсия фонды хезмәтләренә ихтыяҗ иң зурлардан.

«Халык инициативасы» Фонды тарафыннан авыл җирлегендә кече бизнесны төзү һәм үстерү максатында «Фермер бул» мәгълүмати-агарту программасы эшләнде.
«Фермер бул» программасы – авылда үз эшеңне ачу һәм ничек фермер хуҗалыгының хуҗасы булу буенча юлкүрсәткеч.
Программаның бурычы – фермер хуҗалыгын төзү һәм үстерү өчен никадәр акча таләп ителүе, аларны кайдан табарга, авыл хуҗалыгы техникасын ничек юнәтергә, җирне кайдан алырга кирәклеге һәм әлеге процесста кем ярдәм итә алуы турында гади һәм ачык формада сөйләп бирү.
Тиешле консультацияне программаның үз экспертлары да бирә ала. Бу турыда тулырак мәгълүмат www.i-farmer.ru яки www.я-фepмep.pф. сайтларында.

2013 елның 14 декабрендә Халыкара мәгълүмат үзәгендә Идел буе федераль округы төбәкләре өчен «Дәүләт һәм муниципаль ихтыяҗларны тәэмин итү өчен товарлар, эшләр, хезмәт күрсәтүләрне сатып алу өлкәсендә контракт системасы» Төбәкара конференциясенең икенче эш көне дәвам итте.
Конференциядә Идел буе федераль округындагы барлык 14 төбәкнең вәкилләре – субъектларда контракт системасын көйләү буенча вәкаләтле органнарның җитәкчеләре, үзәкләштерелегән сатып алуларны гамәлгә ашыру вәкаләтенә ия органнарның вәкилләре һ.б. катнашты.
Конференциянең икенче көне «Татарстан Республикасының дәүләт заказлары, инвестицияле эшчәнлек һәм төбәкара элемтәләр буенча агентлыгы» ДУП генераль директоры урынбасары – техник директор Владимир Аксеновның «Тәэминатчыларны билгеләү ысуллары. Сатып алуларны гамәлгә ашырганда хокукый һәм документлар белән тәэмин итү. Контракт хезмәте» темасына, шулай ук Монополиягә каршы федераль хезмәтнең Татарстан Республикасы буенча Идарәсе җитәкчесе урынбасары Дмитрий Кравченконың «Сатып алу эшчәнлеге өлкәсендә административ җаваплылык» темасына чыгышлары белән дәвам итте.

Казанда Идел буе физик культура һәм спорт академиясе базасында “Дәүләт һәм муниципаль сатып алулар өлкәсендә контракт системасы”темасы буенча Идел буе федераль округы конференциясе үзенең эшен башлап җибәрде. Конференция эшендә Татарстан Республикасы Премьер-министры Илдар Халиков катнашты. Шулай ук конференциядә РФ икътисади үсеш министры урынбасары Евгений Елин, Россия Президентының Идел буе федераль округындагы тулы вәкаләтле вәкиле урынбасары Галина Изотова, Федераль монополиягә каршы хезмәт җитәкчесе урынбасары Алексей Доценко катнашты.

Евгений Елин белдергәнчә, Федераль контракт системасы турындагы закон үз көченә керергә бер айдан да аз вакыт калып бара. Яңа закон хәзер гамәлдә булган дәүләт һәм муниципаль сатып алулар турындагы 94 нче законны алыштырачак. Федераль контракт системасында каралган күп кенә яңалыклар белән бәйле рәвештә, аның эш үзенчәлекләре турында, яңа законны практикада кулланачак дәүләт һәм муниципаль структура белгечләре белән фикер алышу кирәклеге туды.

Бүген Татарстан Республикасы финанс министрлыгы, Татарстан Республикасы буенча Федераль салым хезмәте идарәсе, Татарстан Республикасы буенча Федераль казначылык идарәсе 2013 елга Татарстан Республикасының берләштерелгән бюджеты үтәлешенә башлангыч йомгак ясадылар.
Коллегия “Корстон” кунакханә комплексы (Казан) мәйданчыгында уздырылды, аның эшендә Татарстан Республикасы Президенты Рөстәм Миңнеханов, Росся Финанс министры Антон Силуанов, Федераль салым хезмәте идарәсе җитәкчесе урынбасары Андрей Петрушин катнашты.
Татарстан Республикасы финанс, салым һәм казначылык органнарының уртак коллегиясе on-line режимында интернет челтәрендә трансляцияләнде (Татарстан Республикасы Хөкүмәтенең рәсми порталында www.prav.tatarstan.ru).

2013 елның 11 декабрендә «Казан» Милли мәдәни үзәгендә «Бөтенроссия инвалидлар җәмгыятенең Татар республика оешмасы» – «Татарстан Республикасы инвалидлар җәмгыяте» иҗтимагый оешмасының 25 еллыгына багышланган тантаналы пленум узды.
Пленумда БИҖ ТРО рәисе Рифат Ганибаев, Татарстан Республикасы икътисад министрының беренче урынбасары Сәрия Сираҗиева, Татарстан Республикасы яшьләр эшләре, спорт һәм туризм министры урынбасары Хәлил Шәйхетдинов, Татарстан Республикасы Дәүләт Советының социаль сәясәт буенча комитеты рәисе Светлана Захарова, Татарстан Республикасында кеше хокуклары буенча вәкил Сәрия Сабурская һәм башкалар катнашты.
Сәрия Сираҗиева, сәламәтлекләре чикләнгән кешеләрне җәмгыятькә интеграцияләүгә һәм социаль тернәкләндерүгә керткән өлеше өчен, Татарстан Республикасы Инвалидлар җәмгыяте рәисенә Татарстан Республикасы икътисад министры Мидхәт Шаһиәхмәтовның Рәхмәт хатын тапшырды.

2013 елның 12 декабрендә Татарстан Республикасы Транспорт һәм юл хуҗалыгы министрлыгы, Татарстан Республикасы Икътисад министрлыгы, Татарстан Республикасы Финанслар министрлыгы, Россия Федераль салым хезмәтенең Татарстан Республикасы буенча идарәсе һәм Лаеш, Бөгелмә муниципаль районнарының башкарма комитетлары вәкилләре белән берлектә, Татарстан Республикасы Транспорт һәм юл хуҗалыгы министрлыгының Стратегик үсеш идарәсе башлыгы Айрат Усманов рәислегендә баланс комиссиясе утырышын уздырды.
Татарстан Республикасы Икътисад министрлыгыннан утырышта икътисад тармаклары үсеше бүлеге башлыгы Валентина Спирина катнашты.

Татарстан Республикасы Президенты Рөстәм Миңнехановның күрсәтмәләрен үтәү йөзеннән, күпфункцияле үзәкләрдә (КФҮ) «бер тәрәзә» принцибы буенча дәүләт һәм муниципаль хезмәт күрсәтүләрне оештыру тәҗрибәсен өйрәнү максатыннан Татарстан Республикасы икътисад министры Мидхәт Шаһиәхмәтов, икътисад министры урынбасары Айрат Шәмсиев һәм Татарстан Республикасы Президентының Эксперт идарәсе башлыгы Булат Исмәгыйлов Мәскәү шәһәре Үзәк административ округының Замосквореченск районы КФҮндә булдылар.
Замосквореченск районы КФҮ 2011 елның сентябреннән эшли башлаган. КФҮ төзүнең гомуми бәясе 65 млн сумны тәшкил иткән. Районда 55 мең кеше яши. КФҮтә халыкны кабул итү өчен әзерләнгән тәрәзәләр саны – 30. КФҮнең үткәрү сәләте тәүлегенә 1000 кешегә исәпләнгән.

Россия Федерациясе Элемтә һәм массакүләм коммуникацияләр министрлыгы, Россия Федерациясе Икътисадый үсеш министрлыгы белән берлектә, Электрон төрдә дәүләт һәм муниципаль хезмәт күрсәтү механизмнарын үстерү концепциясен эшләде һәм Россия Федерациясе Хөкүмәтенә карауга кертте.
Концепция гражданнарның канәгатьләнү дәрәҗәсен үстерү буенча стратегик максатларга ирешүгә, шулай ук кече һәм урта бизнес вәкилләрен дәүләт һәм муниципаль хезмәтләрдән файдалануга юнәлдерелгән.
Концепцияне үтәү нәтиҗәләре булып хезмәт күрсәтүләрнең гражданнар һәм бизнес өчен ачыклыгын арттыру, дәүләт һәм гражданнар арасында эш итү процедураларын гадиләштерү, ришвәтчелеккә китерә торган сәбәпләрне киметү, бюджет чыгымнарының нәтиҗәлелеген күтәрү кебек гамәлләр тора.
Электрон Хөкүмәт инфраструктурасын үстерү концепциясендә каралган чаралар шулай ук Россия Федерациясенең «Мәгълүмати җәмгыять (2011–2020 еллар)» дәүләт программасында билгеләнгән.