ЯҢАЛЫКЛАР

2014 елның 14 гыйнварында Татарстан Республикасы Икътисад министрлыгында Волгоград өлкәсенең Сәнәгать һәм сәүдә министрлыгы вәкилләре белән очрашу узды. Коллегалар Татарстанда гамәлгә ашырыла торган кече һәм урта эшкуарлык субъектларына ярдәм итү, шулай ук индустриаль паркларны төзү һәм үстерү тәҗрибәсе белән кызыксынды. Очрашу барышында Татарстан Республикасы Икътисад министрлыгының Эшкуарлыкны үстерү департаменты башлыгы урынбасары Артём Сироткин Татарстан эшкуарларына җитештерү инфраструктурасын (технопаркларны, бизнес-инкубаторларны, махсус икътисадый зоналарны, яшьләрнең инновацион иҗатлары үзәкләрен, төбәк инжиниринг үзәкләрен, сәнәгать паркларын) булдыруда ярдәмнең ничек оештырылуы турында сөйләде. Вузлар белән алып барылган эшкә аерым тукталды. Мәсәлән, Яр Чаллы шәһәрендә КМТТУ-КАИ филиалы белән берлектә «Цитадель» проекты эшли башлаячак, ул студентларга инновацияләр өлкәсендә эшкурлык эшчәнлеге алып баруның гамәли күнекмәләрен үзләштерергә мөмкинлек тудырачак.

2014-2016 елларга Татарстан Республикасы кече һәм урта эшкуарлыгы үсешенең «Юл картасы» проекты, тикшерү өчен, Татарстан Республикасы Икътисад министрлыгының һәм Татарстан Республикасы Сәүдә-сәнәгать палатасының рәсми сайтларында урнаштырылган. «Юл картасы» буенча тәкъдимнәр Татарстан Республикасы Сәүдә-сәнәгать палатасында 2014 елның 24 гыйнварына кадәр (843) 236-99-00 тел./факсы һәм org@tpprt.ru (ТР ССП Идарәсе рәисе урынбасары Николаев Артур Сергеевич) электрон адресы буенча кабул ителә.

Бүген Татарстан Республикасы Министрлар Кабинеты каршындагы Икътисади совет вәкилләре Тататрстан сәнәгать предприятиеләрендә хезмәт җитештерүчәнлеген арттыру чаралары турында сөйләштеләр. Утырышны Татарстан Республикасы Президенты Рөстәм Миңнеханов уздырды. Чарада Татарстан Республикасы Премьер-министры Илдар Халиков катнашты. Рөстәм Миңнеханов утырышны ачканда билгеләп үткәнчә, республика икътисадында вазгыять гади түгел. Билгеләнгән тенденцияләрне исәпкә алып, 2013 нче елда тулай төбәк продукты күләме 2012 ел дәрәҗәсеннән 2 % артачак. Сәнәгать производствосы индексы, 2012 нче ел дәрәҗәсе белән чагыштырганда, 101,2 % тәшкил итәчәк.
Бу шартларда хезмәт җитештерүчәнлеген арттыруы һәм югары квалификацияле белгечләр әзерләү сәнәгать өчен төп максатлар булып тора, дип белдерде ТР Президенты. Ул хәбәр иткәнчә, 2013 нче елда республикада хезмәт җитештерүчәнлегенең үсеше 2,4 % тәшкил итә, һәм бу бик аз. Шул ук вакытта Рөстәм Миңнеханов искәрткәнчә, бүгенге көндә хезмәт җитештерүчәнлегенең үсеш темплары реаль хезмәт хакы үсешеннән калыша.

Бүген Татарстан Республикасы Министрлар Кабинеты каршындагы Икътисади совет вәкилләре Тататрстан сәнәгать предприятиеләрендә хезмәт җитештерүчәнлеген арттыру чаралары турында сөйләштеләр. Утырышны Татарстан Республикасы Президенты Рөстәм Миңнеханов уздырды. Чарада Татарстан Республикасы Премьер-министры Илдар Халиков катнашты. Рөстәм Миңнеханов утырышны ачканда билгеләп үткәнчә, республика икътисадында вазгыять гади түгел. Билгеләнгән тенденцияләрне исәпкә алып, 2013 нче елда тулай төбәк продукты күләме 2012 ел дәрәҗәсеннән 2 % артачак. Сәнәгать производствосы индексы, 2012 нче ел дәрәҗәсе белән чагыштырганда, 101,2 % тәшкил итәчәк.
Бу шартларда хезмәт җитештерүчәнлеген арттыруы һәм югары квалификацияле белгечләр әзерләү сәнәгать өчен төп максатлар булып тора, дип белдерде ТР Президенты. Ул хәбәр иткәнчә, 2013 нче елда республикада хезмәт җитештерүчәнлегенең үсеше 2,4 % тәшкил итә, һәм бу бик аз. Шул ук вакытта Рөстәм Миңнеханов искәрткәнчә, бүгенге көндә хезмәт җитештерүчәнлегенең үсеш темплары реаль хезмәт хакы үсешеннән калыша.

2013 елның 25 декабрендә Татарстан Республикасы икътисад министры, РТК координаторы Мидхәт Шаһиәхмәтов рәислегендә Социаль-хезмәт мөнәсәбәтләрен көйләү буенча республика өч яклы комиссиясе утырышы узды.
Утырышта РТК әгъзалары, республика министрлыклары һәм ведомстволары вәкилләре, 2013 елда «Югары социаль нәтиҗәлелеккә ирешкән Россия оешмасы» бөтенроссия конкурсының республика этабы җиңүчеләре һәм призерлары катнашты.
Утырышның тантаналы өлешендә социаль партнерлык яклары координаторлары «Югары социаль нәтиҗәлелеккә ирешкән Россия оешмасы» бөтенроссия конкурсының республика этабы җиңүчеләре һәм призерларына дипломнар һәм чәчәкләр тапшырдылар.
Утырышта шулай ук түбәндәге мәсьәләләр каралды һәм тикшерелде:
1. «Татарстан Республикасында минималь хезмәт хакы турында» Республика килешүе проекты турында;
2. 2013-2014 елларга социаль партнерлыкны үстерү һәм социаль-икътисадый сәясәт үткәрү турында Татарстан Республикасы Профсоюзлары федерациясе, Татарстан Республикасы Эш бирүчеләре берләшмәләренең Координацион советы, Татарстан Республикасы Министрлар Кабинеты арасында Республика килешүенә Кушымтада китерелгән 2013-2014 елларга Татарстан Республикасы халкы тормыш дәрәҗәсенең төп социаль-икътисадый индикаторларына төгәллек кертү турында;
3. 2014 елга Социаль-хезмәт мөнәсәбәтләрен көйләү буенча республика өч яклы комиссиясенең эш планы проекты турында;
4. РТК эшче төркемнәренең составын раслау турында.

2013 елның 24 декабрендә Гранд Отель Kazanның Зур конференц-залында «Хакимият һәм бизнес хезмәттәшлеге: Татарстан Республикасы муниципаль районнарында эшлекле активлыкны үстерүнең яңа мөмкинлекләре» республика конференциясе узды.
Конференция алдагы өч елга программ чаралар, кече һәм урта бизнесны үстерүнең яңа ысулларын эшләү максатында оештырылды.
Конференциянең уникаль форматын билгеләп үтәргә кирәк. Әйтик, «2014-2016 еллар периодына кече һәм урта эшкуарлык үсешенең юл картасы», ягъни чынлыкта тармак үсешенең перспектив планы катнашучылар тикшерүенә куелды.
Конференциядә катнашучыларга сәламләү сүзе белән Татарстан Республикасы икътисад министры Мидхәт Шаһиәхмәтов, Татарстан Республикасы Сәүдә-сәнәгать палатасы Идарәсе рәисе Шамил Агиев, Татарстан Республикасы Кече һәм урта бизнес предприятиеләре ассоциациясе президенты Хәйдәр Хәлиуллин мөрәҗәгать иттеләр. Хакимият һәм бизнес вәкилләренә эшкуарлык үсешенә керткән өлешләре өчен грамоталар һәм медальләр тапшырылды.

«Дәүләт һәм муниципаль ихтыяҗлар өчен товарлар, эшләр, хезмәтләр сатып алу өлкәсендә контракт системасы турында» 2013 елның 5 апрелендәге 44-ФЗ номерлы Федераль законның 38 маддәсен гамәлгә ашыру кысаларында Россия Икътисадый үсеш министрлыгының 2013 елның 29 октябрендәге 631нче боерыгы белән Контракт хезмәте турында типлаштырылган нигезләмә (регламент) расланды.
44-ФЗ номерлы Федераль закон еллык сатып алу күләме 100 миллион сумнан артып киткәндә, дәүләт һәм муниципаль заказчыларны махсус контракт хезмәте төзергә мәҗбүр итә. Сатып алу күләмнәре кимрәк булган заказчылар бер контракт идарәчесен билгеләү белән генә чикләнергә мөмкиннәр.
Контракт хезмәте дәүләт яисә муниципаль заказчы, яки бюджет учреждениесе тарафыннан дәүләт һәм муниципаль ихтыяҗларны тәэмин итү өчен товарлар, эшләр, хезмәт күрсәтүләр сатып алуны планлаштыруны һәм гамәлгә ашыруны тәэмин итү максатында оештырыла.
Боерыкта хезмәтне оештыруның төп принциплары, аның функцияләре һәм вәкаләтләре билгеләнгән.
Әлеге норматив хокукый акт белән Татарстан Республикасы Икътисад министрлыгының сайтындагы «Конкуренция үсеше» бүлегендә танышырга мөмкин.

2013 елның 23 декабрендә Россия Федерациясе БСОга Европа берлегенә (ЕБ) каршы беренче дәгъвасын белдерде. Анда ул Россия компанияләренә карата демпингка каршы тикшеренүләр уздырганда энергокорректировкалар куллануны туктатуны таләп итте. Әлеге методика товарлар бәясен санаганда, энергия ресурсларына Россия бәяләрен түгел, Европаныкын күздә тотып эшләүгә нигезләнә.

2002 елга кадәр ЕБ Россия товарларына каршы антидемпинг чаралары кулланганда, эчке базарда Россия җитештерүчеләренең сату бәяләрен исәпкә алмый иде, чөнки Россияне «базар икътисады булмаган ил» дип санады. ЕБ демпинг фактын Россия экспорт бәяләре белән өченче илләрнең эчке базарындагы сату бәяләрен чагыштыру нигезендә билгеләде. 2002 елда ЕБ Россияне базар икътисады булган ил дип таныды, әмма «демпингны билгеләгәндә гадел булмаган ысулны» куллануны дәвам итте. Нәтиҗәдә 1995 елдан 2012 елга кадәр ЕБ Россия экспортерларына карата 17 демпингка каршы чара кулланды, алар беренче чиратта ашламалар, ферросплавлар, торбалар һәм алюминий фольга җитештерүчеләргә кагылды.

Россия икътисадый үсеш министры урынбасары Алексей Лихачев фикеренчә, ЕБ иң башта әлеге мәсьәләне судка җиткермичә генә җайлап карарга тырышачак: «Без вакыйгаларның мондый үсешенә дә әзер, әлбәттә инде, Россия мәнфәгатьләренә зыян китерми генә», – диде ул.

25 Татарстан Республикасы Прокуратурасы 2014 елга Татарстан Республикасы Икътисад министрлыгы тарафыннан кара һәм төсле металл калдыкларын җыю, саклау, эшкәртү һәм сату буенча юридик затларны тикшерүне үткәрү планын раслады.
Эшкуарларның игътибарын шуңа җәлеп итәбез, тикшерелүчеләр составы буенча да, тикшерү үтәчәк дата буенча да планда күрсәтелгән мәгълүмат ел дәвамында үзгәреш кичермәячәк.

План министрлык сайтында түбәндәге сылтама буенча урнаштырылган: http://mert.tatarstan.ru/rus/Licensing/plan_proverok.htm.

Планлы тикшерүләргә кагылышлы барлык сораулар белән түбәндәге телефоннар: (843)524-91-49, 524-90-22, 524-91-48 яки электрон адреслар: Nadezhda.Gornovskaya@tatar.ru, Hasanova.Elmira@tatar.ru, Dmitriy.Krasnikov@tatar.ru. буенча лицензияләү бүлегенә мөрәҗәгать итәргә мөмкин.

Татарстан Республикасы Икътисад министрлыгы тарафыннан, «Татарстан Республикасы Министрлар Кабинеты каршындагы Икътисадый һәм социаль тикшеренүләр үзәге» ДБУ белән берлектә, муниципаль хезмәтләр күрсәтүнең типлаштырылган административ регламентына норматив-хокукый базаны актуальләштерү, муниципаль хезмәт күрсәтү стандарты, хезмәтне күпфункцияле үзәкләр аша күрсәтү мөмкинлеге һ.б.өлешендә үзгәрешләр кертелде (танышырга).

Муниципаль хезмәтләр күрсәтү буенча районнарда элегрәк расланган административ регламентларга тиешле үзгәрешләр кертүегезне сорыйбыз.