ЯҢАЛЫКЛАР

Россия Икътисадый үсеш министрлыгының Җайлау йогынтысын бәяләү департаменты Татарстан Республикасы Икътисад министрлыгына түбәндәге ике норматив хокукый акт проектына карата җайлау йогынтысын бәяләүне үткәрү үтенече белән мөрәҗәгать итте: «Этил спирты, алкоголь һәм спирт кергән продукцияне җитештерү һәм аның әйләнешен дәүләт тарафыннан җайлау турында һәм алкоголь продукциясен куллануны (эчүне) чикләү турында» Федераль законга алкоголь продукциясен ваклап сатуны җайга салуны камилләштерү өлешендә үзгәрешләр кертү турында» федераль закон проекты һәм Россия Авыл хуҗалыгы министрлыгының «Ветеринария документларын тутыру һәм бирү буенча эшне оештыру кагыйдәләрен һәм Ветеринария документларын электрон рәвештә тутыру тәртибен раслау турында» боерык проекты.

2014 елның 31 гыйнварында Татарстан Республикасы икътисад министры урынбасары Марат Шәрифуллин «Газпром Трансгаз Казан» ҖЧҖнең «Елабугагаз» ЭПУ хезмәт коллективы киңәшмәсендә булды. Киңәшмәдә 250дән артык кеше катнашты. Марат Шәрифуллин катнашучыларны 2013 елда Татарстан Республикасы социаль-икътисадый үсеше йомгаклары белән таныштырды һәм бирелгән сорауларга җавап бирде. Шулай ук Марат Шәрифуллин Алабуга муниципаль районына эш сәфәре вакытында дәүләт һәм муниципаль хезмәтләр күрсәтү буенча күпфункцияле үзәктә булды. Анда ул «бер тәрәзә» принцибы буенча дәүләт һәм муниципаль хезмәтләр күрсәтү проектын гамәлгә ашыру барышы белән танышты.

2014 елның 3 февралендә фәнни-техник өлкәдә предприятиеләрнең кече формалары үсешенә ярдәм итү фондына 20 ел була. 1994 елда оештырылган Фонд фәнни-техник өлкәдә кече инновацион предприятиеләргә ярдәм күрсәтә торган беренче дәүләт үсеш институты булды. Фонд кече инновацион компанияләргә төрле үсеш стадияләрендә ярдәм күрсәтүдә һәм инновацияле инфраструктура объектларын төзүдә шактый зур тәҗрибәгә ия, Россия Федерациясе территориясендә аның 64 төбәк вәкиллеге эшләп килә. Фонд тарафыннан уздырыла торган төбәкләр рейтингында Татарстан Республикасы соңгы биш ел эчендә ел саен Россия Федерациясенең иң яхшы биш төбәге арасына керә.

Соңгы биш елда Татарстан Республикасында авылга бюджет ярдәме 100 млрд. сумнан артып киткән, шул исәптән федераль һәм республика акчалары исәбенә дә. Бүген бу хакта Татарстан Республикасы Президенты Рөстәм Миңнеханов Татарстан Республикасы Министрлар Кабинеты каршындагы Икътисад советы утырышында хәбәр итте. Утырыш темасы агросәнәгать комплексының нәтиҗәлелеген арттыруга багышланды. Икътисадый совет утырышында Татарстан Республикасы Премьер-министры Илдар Халиков, Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Әхмәтов, республика министрлыклары һәм ведомстволары җитәкчеләре, банк структуралары, Татарстан Республикасы Фәннәр академиясе вәкилләре, шулай ук АСК предприятиеләре топ-менеджменты катнашты.
Рөстәм Миңнеханов билгеләп үткәнчә, 8 ел эчендә 9 меңнән артык авылдагы гаилә торак шартларын яхшыртуга субсидияләр алган, бу программа республикада яхшы эшләп киткән.

2014 елның 6 февралендә «Югары технологияләр өлкәсендә «ИТ-парк» технопаркы» ДАУ мәйданчыгында «Russian Startup Tour» төбәк стартап-турының чираттагы чарасы оештырыла. «Russian Startup Tour» чарасы — ул Россия үсеш институтларының әйдәп баручы экспертларының венчур фондлары һәм иң эре корпорацияләр катнашында Россиянең 26 шәһәре буенча сәфәре. Чараны оештыручылар – «Сколково» фонды, «Россия венчур компаниясе» ААҖ, Яшьләр эшләре буенча федераль агентлык, «Роснано» ААҖнең Инфраструктура һәм белем бирү проектлары фонды. Чарада катнашу бушлай. Катнашырга теләк белдерүчеләр http://rst.startupvillage.ru/  сайтында теркәлә ала.

2014 нче елның 29 нчы гыйнварында Татарстан Республикасы Дәүләт Советында Җайга салып тәэсир итүне бәяләү механизмы буенча закон проекты каралды.

2010 нчы елдан РФ Хөкүмәте тарафыннан федераль дәрәҗәдә җайга салып тәэсир итүне бәяләү (механизм оценки регулирующего воздействия - ОРВ) механизмы кертелгән. Әлеге механизм дөнья тәҗрибәсендә 1974 нче елдан кулланыла. Хәзер әлеге механизм дөньяда якынча 50 илдә, шул исәптән, БДБ илләрендә кулланыла.
ОРВ механизмы бизнес өчен административ киртәләрне киметүгә, закон актларын кабул итүнең нәтиҗәлелеген арттыруга һәм, тулаем алганда, инвестицион җәлеп итүчәнлекне яхшыртуга юнәлдерелгән.
Федераль дәрәҗәдәге башкарма хкакимият органнары өчен, механизм быел 1 нче гыйнвардан мәҗбүри тәртиптә кертелгән. РФ субъектлары өчен мәҗбүри тәртиптә 2014 нче елдан кертелә, җирле үзидарә органнары – шәһәр округлары - өчен әлеге механизм 2015 нче елдан кертелә, калган җирле үзидарә органнары өчен – 2016 нчы елдан.

2014 нче елның 1 нче февраленнән алып 1 нче мартына кадәр Татарстан Республикасында яшәүчеләр муниципаль районнарының һәм шәһәр округларының җирле үзидарә органнары, төбәк дәрәҗәсендә һәм муниципаль дәрәҗәдә эш итүче унитар предприятиеләр һәм учреждениеләр, акцияләренең контроль пакеты Татарстан Республикасы милкендә яки муниципаль милектә булган акционер җәмгыятьләре җитәкчеләре эшчәнлегенең нәтиҗәлелеге турында сораштыруларда катнаша ала.
ТР Президенты Указы № ПУ-79, 29.01.2014 Татарстан Республикасы муниципаль районнары һәм шәһәр округлары халкына хезмәт күрсәтүне гамәлгә ашыручы Татарстан Республикасы муниципаль районнарының һәм шәһәр округларының җирле үзидарә органнары, төбәк дәрәҗәсендә һәм муниципаль дәрәҗәдә эш итүче унитар предприятиеләр һәм учреждениеләр, акцияләренең контроль пакеты Татарстан Республикасы милкендә яки муниципаль милектә булган акционер җәмгыятьләре җитәкчеләре эшчәнлегенең нәтиҗәлелеге турында, мәгълүмат-телекоммуникация челтәрләрен һәм мәгълүмат технологияләрен кулланып, халыктан сораштырулар оештыру һәм үткәрү тәртибе расланды.

2013 елда Татарстанда хезмәт хаклары буенча бурычларның үсеше күзәтелде. 2014 елның 1 гыйнварына бурыч 119 млн сум тәшкил итте. Бу хакта бүген ТР хезмәт, мәшгульлек һәм социаль яклау министры Айрат Шәфигуллин ведомствоның йомгаклау коллегия утырышында хәбәр итте.

Утырыш Россия Федераль монополиягә каршы хезмәтенең уку-методик үзәгендә узды. Чарада ТР Премьер-министры Илдар Халиков, ТР Премьер-министры урынбасары - мәгълүматлаштыру һәм элемтә министры Роман Шәйхетдинов, РФ Хезмәт һәм социаль яклау министры урынбасары Андрей Пудов, ТР Хөкүмәте вице-премьеры Юрий Камалтынов катнашты.

Айрат Шәфигуллин соңгы унбер ай эчендә хезмәт хакларының уртача 13 процентка артуын һәм 25 мең 182 сумга җитүен ассызыклады. Муниципаль берәмлекләр арасында айлык хезмәт хакы Лаешта (30 мең 252 сум), Әлмәттә (29 мең 944 сум), Түбән Кама районында ( 27 мең 796) һәм Казанда (28 мең 482) иң югары исәпләнә. Шул ук вакытта, Балтач, Әтнә, Чүпрәле, Аксубай һәм Апас районнарында хезмәт хаклары республикада каралганнан 40 процентка түбәнрәк.

Татарстан Республикасыннан Россия Федерациясе Федераль Собраниесе Дәүләт Думасында депутатлар корпусы бик көчле, һәм без әлеге потенциалны кулланырга тиеш. Бу хакта бүген Татарстан Республикасы Президенты Рөстәм Миңнеханов Татарстан Республикасыннан Россия Федерациясе Федераль Собраниесе Дәүләт Думасы депутатлары һәм Федерация Советы әгъзалары белән очрашуында белдерде. Очрашу ТР Хөкүмәт Йортында узды, анда ТР Дәүләт Советы Рәисе Фәрид Мөхәммәтшин, ТР Президенты аппараты җитәкчесе Әсгать Сәфәров, республика министрлары һәм башкалар катнашты. Фәрид Мөхәммәтшин хәбәр иткәнчә, бүгенге чара гадәткә керде инде, 2013 елда ТРннан РФ Дәүләт Думасында депутатларның эшчәнлегенә нәтиҗәләр ясарга һәм яңа елдагы бурычлары турында сөйләшергә кирәк.

Төп нотык белән ТР икътисад министры Мидхәт Шаһиәхмәтов чыгыш ясады. Аерым алганда, 2013 елда бөтен чыганаклардан да җәлеп ителгән федераль акчалар күләме 75,8 млрд. сум тәшкил итте (2012 елда– 72,4 млрд. сум). Федераль максатчан программалар һәм дәүләт программалары кысаларында 27,9 млрд. сум тәшкил итте. ТР икътисад министры билгеләп үткәнчә, ФМП һәм ДП буенча җәлеп ителгән акчалар күләме 2013 елда кимегән. Татарстан Республиксы үткән елда мөмкин булган 40 ФМП һәм ДПннан 27сендә катнашты. Федераль адреслы инвестицион программаларда катнашу буенча (ФАИП) Татарстан федерация субъектлары арасында 12 урында тора. 2014 елда Татарстан мөмкин булган 39 ФМП һәм ДПннан 21ндә катнашу теләген белдерде.

2014 нче елның 7 нче февралендә Татарстан Республикасы Икътисад министрлыгына караган Экспортка ярдәм итү үзәге «Оешмаларда тышкы икътисадый эшчәнлекне оештыру» темасына семинар үткәрә.

Семинар Татарстан Республикасы Икътисад министрлыгының актлар залында була (Казан шәһәре, Мәскәү урамы 55 йорт, 4 кат).

Теркәлү сәгать 9 да башлана.

Семинар сәгать 10 нан алып 18 сәгатькә кадәр дләвам итәчәк.

Тулырак мәгълүматны тубәндәге телефон аша ала аласыз: (843) 227-42-33 (843)5-24-90-51.