ЯҢАЛЫКЛАР
2023 елның 19 сентябрендә Мәскәүдә WorldFood Moscow халыкара көзге азык-төлек күргәзмәсе эшли башлады. Халыкара чарада «Кече һәм урта эшкуарлык» илкүләм проектын гамәлгә ашыру кысаларында Татарстан Республикасыннан биш җитештерүче катнаша.
18 сентябрьдә Санкт-Петербургта граждани судно төзелеше, суднолар йөртү, портлар эшчәнлеге, океан һәм шельфны үзләштерү буенча 17 нче Халыкара күргәзмә һәм конференция эшли башлый. Татарстанны ял итү һәм балык тоту өчен көймәләр җитештерүче «ТРИЕРА» ҖЧҖ тәкъдим итә.
Лифтлар җитештерүче «Татлифт» ҖЧҖ (Казан шәһәре) КУЭ корпорациясенең бүлендек компаниясе КУЭ Лизингтан ташламалы шартларда 41,4 млн. сумлык лизинг акчасы алган һәм автомат лазер кисү комплексы һәм буяу-корыту комплексы сатып алган. Хәзерге вакытта предприятиедә «Зеленодельск» индустриаль паркында яңа җитештерү комплексы төзү буенча инвестиция проекты гамәлгә ашырыла. Яңа предприятиене 2023 ел ахырына кадәр эшләтеп җибәрү планлаштырыла.
Быел «Кече һәм урта эшкуарлык» илкүләм проекты кысаларында гамәлгә ашырыла торган «Эшкуар әни» белем бирү программасында катнашу өчен Татарстан хатын-кызлары 100дән артык гариза биргән, эксперт комиссиясе шулар арасыннан алга таба катнаштыру өчен 35сен сайлап алган.
Казан дәүләт аграр университеты быел «Кече һәм урта эшкуарлык» илкүләм проекты максатларына туры китереп оештырылган «АгроНТРИ-2023» Бөтенроссия конкурсының финалын кабул итте.
Татарстанның Алабуга районы эшкуарлары бизнеска ярдәм чараларына багышланган семинарда катнаштылар. Чара «Кече һәм урта эшкуарлык» илкүләм проекты буенча оештырылды.
Татарстанның Нурлат районы эшкуарлары бизнес өчен ярдәм чараларына багышланган семинарда катнаштылар. Чара «Кече һәм урта эшкуарлык» илкүләм проекты буенча оештырылды.
Аккредитацияләнгән сәнәгать парклары резидентларына һәм идарәче компанияләренә 2022 елда кулланылган электр энергиясе өчен чыгымнарны түләү буенча чыгымнарның бер өлешен каплауга субсидияне Татарстан Республикасы Икътисад министрлыгы бирә. Ярдәмгә 15 млн сум юнәлдереләчәк. Чара Татарстан сәнәгать паркларының нәтиҗәлелеген арттыру концепциясе кысаларында тормышка ашырыла.
Икътисад министрлыгында Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов катнашында Татарстан Республикасы икътисадының тотрыклы үсешен тәэмин итү буенча эшче төркем утырышы узды.
Сенегал Республикасы Татарстан Республикасы белән хезмәттәшлекне үстерү эшен көчәйтергә ниятли. Эшкуар йортында Татарстан Икътисад министрлыгының Экспортка ярдәм итү үзәге йөзендә Сенегал Республикасыннан генераль секретарь Сен Уми И җитәкчелегендә «Centre culturel russe «Kalinka» оешмасы вәкилләре белән очрашуы узды. Мондый очрашуларны уздыру «Кече һәм урта эшкуарлык» һәм «Халыкара кооперация һәм экспорт» илкүләм проектларын гамәлгә ашыру максатларына ирешергә мөмкинлек бирәчәк.