Татарстан эшкуарлары «360°» сервисы аша сатып алулар үткәргәндә заказчылар тарафыннан хокук бозулар турында хәбәр итә ала

2025 елның 3 марты, дүшәмбе

Эшкуарларның хокукларын һәм законлы мәнфәгатьләрен бозуга юл куймау, шулай ук бизнес юлыккан проблемалар турында кире элемтә алу максатларында КУЭ корпорациясе тарафыннан МСП.РФ цифрлы платформасында  «360°» сервисы эшләтеп җибәрелде.

Эшкуарлар, шул исәптән заказчылар тарафыннан сатып алулар үткәргәндә дә, үтәлгән килешүләр буенча түләү срокларын бозу очракларын да кертеп, хокук бозулар турында да белдерә ала.

«360°» сервисы аша җибәрелгән мөрәҗәгатьләр КУЭ корпорациясе тарафыннан кабул ителгән көннән алып 10 эш көненә кадәр карала.

«360°» сервисына керү өчен Дәүләт хезмәтләре порталы аша авторизацияләнергә кирәк.

Сораулар туганда ярдәм хезмәтенә 8 (800) 100-11-00 телефоны буенча мөрәҗәгать итәргә була.