Татарстан эшкуарларына узган ел өчен декларацияләр тапшыру һәм түләүләр кертү турында искә төшерделәр

Март беренче кварталын тәмамлый һәм бу, гадәттәгечә, бизнес өчен хисап ае. Язның беренче аенда эшкуарлар декларация тапшыралар һәм узган ел өчен түләүләр кертәләр. Моннан тыш, мартта оешмалар бухгалтерлык хисабын да тапшыра. КУЭ корпорациясеннән  Эшкуар календаре мөһим даталарны онытмаска һәм үткәреп җибәрмәскә ярдәм итәчәк. 

1 мартка кадәр чыгарылмалары /калдыклары булган I - III категорияле объектларына ия табигатьтән файдаланучылар 2024 елда әйләнә-тирә мохиткә тискәре йогынты ясаган өчен түлиләр. 

3 мартка кадәр оешмалар һәм хезмәткәрләре булган шәхси эшкуарлар 23.02.2025 елдан 29.02.2025 елга кадәр хезмәткәрләр өчен НДФЛ буенча хәбәр җибәрәләр һәм 5 мартка кадәр аны түлиләр. 

10 мартка кадәр I - III категорияле объектлары булган табигатьтән файдаланучылар Росприроднадзорга 2024 елга әйләнә-тирә мохиткә тискәре йогынты ясаган өчен түләү турында декларация тапшыралар. 

17 мартка кадәр оешмалар һәм хезмәткәрләре булган шәхси эшкуарлар СФР «травматизмга» иминият кертемнәрен түли. 

20 мартка кадәр ЕАЭС илләреннән товарлар импортерлары турыдан-туры булмаган салымнар түлиләр һәм декларация тапшыралар. 

25 мартка кадәр:

· УСН белән эшләүче оешмалар 2024 ел өчен декларация тапшыралар (игътибар итегез: декларация формасы яңартылды);

· оешмалар һәм шәхси эшкуарлар 2024 ел өчен ЕСХН декларация тапшыралар;

·     оешмалар һәм шәхси эшкуарлар хезмәткәрләр белән бергә салым хезмәтенә тапшыралар:

- 1 марттан 22 мартка кадәрге чорда февраль өчен иминият кертемнәре һәм НДФЛ суммалары турында хәбәр;

- февраль өчен физик затлар турында шәхсиләштерелгән белешмәләр;

· акцизлы товарлар җитештерүчеләр декларация тапшыра;

·     АвтоУСН булган оешмалар һәм шәхси эшкуарлар салым түлиләр;

· оешмалар 2024 ел өчен табышка салым буенча декларацияне, ә факттагы табыш буенча түләгәндә, шулай ук февраль өчен декларацияне нигез итеп тапшыралар;

 28 мартка кадәр:

·   УСН белән эшләүче оешмалар 2024 елга салым түлиләр;

· ЕСХН белән эшләүче оешмалар һәм шәхси эшкуарлар 2024 ел өчен салым түлиләр;

· оешмалар һәм хезмәткәрләре булган шәхси эшкуарлар 1 марттан 22 мартка кадәрге чорда февраль өчен иминият кертемнәрен һәм НДФЛ түлиләр;

·     үзмәшгульләр һөнәри керемгә салым түлиләр;

·     ОСН һәм ЕСХН белән эшләүче оешмалар һәм шәхси эшкуарлар НДС түлиләр (әгәр Салым кодексының 145 ст. 1 пункты буенча азат итү файдаланылмаса);

· ОСН белән эшләүче оешмалар 2024 ел өчен табышка салым, шулай ук февраль өчен аванс түлиләр (Салым кодексының 286 ст. 3 п. буенча квартал авансларын гына түләүчеләрдән тыш);

·     акцизлы товарлар җитештерүчеләр акцизлар түли. 

 31 мартка кадәр оешмалар 2024 ел өчен бухгалтерлык хисабын тапшыралар. Кече предприятиеләр бухгалтерлык балансын һәм финанс нәтиҗәләре турында хисапны гадиләштерелгән формада тапшыралар. 

Исегезгә төшерәбез, МСП.РФ цифрлы платформасында Эшкуар календаре сервисы эшли, ул бизнеска мөһим хисап даталарын күзәтергә ярдәм итә. Функционал искәртмәләрне үз бурычларыңа көйләргә һәм электрон почта аша автоматик хәбәрләр алырга мөмкинлек бирә.

Материалда кече бизнес өчен бер төрле булмаган вакыйгалар (уен бизнесына салымнар, файдалы казылмалар чыгару, гавами кыйммәтле кәгазьләрдән кергән керемнәр, өстәмә иминият кертемнәре һ.б.) турында мәгълүмат юк.