ЯҢАЛЫКЛАР
Беренче «Export ME» конференциясе 2016 елның 8 сентябрендә Казанда «Киләчәккә караш» Кече һәм урта эшкуарлык форумы кысаларында узачак. Конференцияне оештыручылар – Татарстан Республикасы Икътисад министрлыгы, Татарстан Республикасы Экспортка ярдәм итү үзәге һәм «Россия экспорт үзәге» АҖ.
«Эшкуарлык фабрикасы» проекты 2016 елның 13-14 августы көннәрендә «Идел» Яшьләр үзәге» Дәүләт автоном учреждениесендә үткәрелергә тиешле җәйге күчмә форумда катнашырга чакыра.
Форумның үзенчәлеге - аның ачык, үзара ышаныч хөкем сөргән атмосферада үткәрелүе. Чараның спикерлары – тәҗрибәләре, эш принциплары һәм яңа казанышлары белән уртаклашырга әзер эшкуарлар һәм экспертлар. Һәр катнашучы чыгыш ясау һәм үз кейсын тәкъдим итү хокукына ия.
Бүгенге көндә гражданнар Дәүләт хезмәтләренең бердәм федераль порталы (gosuslugi.ru) аша күпчелек федераль ведомстволарның электрон хезмәт күрсәтүләреннән файдалана алалар. Ләкин шул ук вакытта, шәхси мәгълүматларга ныклы яклау таләп ителгән хезмәт күрсәтүләрне алуга Федераль порталга гариза юллау өчен, үзеңнең исәпкә алыну язмаңны расларга кирәк. Моны өйдәге компьютердан мөстәкыйль эшләү мөмкин түгел.
Дәүләт хакимиятенең федераль органнары тарафыннан дәүләт хезмәтләрен күрсәтү тәртибен камилләштерү, һәм шулай ук кире элемтә алу максатларында 2013 елдан Россия Икътисадый үсеш министрлыгы заказы белән булдырылган «Сезнең контроль» системасы аша хезмәт күрсәтү сыйфатына даими мониторинг үткәрелә.
Агымдагы елның 10 августында Татарстан Республикасы Хезмәт, мәшгульлек һәм социаль яклау министрлыгында эш бирүчеләрнең чит ил эшче көчләренә булган ихтыяҗлары турындагы һәм Татарстан Республикасы өчен расланган квоталар кысаларында аларны бүлү турындагы тәкъдимнәрен карау буенча эшче төркем утырышы булып узды. Утырыш Татарстан Республикасы хезмәт, мәшгульлек һәм социаль яклау министры урынбасары Клара Таҗетдинова рәислегендә үткәрелде.
Дүрт ел элек «Яңа проектларны алга этәрү буенча стратегик инициативалар агентлыгы» Автоном коммерциячел булмаган оешмасы (алга таба - Агентлык) илдә бизнес алып бару шартларын тамырдан үзгәртергә тиешле Милли эшкуарлык инициативасын (МЭИ) гамәлгә ашыра башлады.
10 августта Казанда «Авиакосмик технологияләр, заманча материаллар һәм җиһазлар» күргәзмәсе башланып китте. Россия, Белоруссия, Латвия, Люксембург, Германия һәм АКШның авиацион һәм космик техника эшләү, җитештерү һәм эксплуатацияләүдә махсуслашкан 120дән артык компаниясе Казанда уздырылучы 8нче Халыкара махсуслаштырылган күргәзмәдә катнашты.
2016 елның 5-7 августы көннәрендә Алабугада IX Бөтенроссия Спас ярминкәсе үтте. Әлеге бәйрәмгә традицион рәвештә Россиянең төрле почмакларыннан кунаклар килә.
2016 елның 8 августында Яшел Үзән шәһәрендә «Яшел Үзән» сәнәгать мәйданчыгы резидентлары катнашлыгында киңәшмә үткәрелде. Әлеге киңәшмәдә Татарстан Республикасы икътисад министры урынбасары Наталья Таркаева катнашты.
2016 елның 5 августында «Моношәһәрләрне үстерү фонды» Коммерциячел булмаган оешмасының Күзәтчелек советы Татарстан Республикасыннан алынган гаризаларны хуплады һәм «Мастер» КИП үстерү», Яр Чаллы моношәһәрендә «Үсеш» сәнәгать паркының инженерлык инфраструктурасын булдыру» һәм Яшел Үзән моношәһәрендә «Яшел Үзән» сәнәгать мәйданчыгын төзү» кебек инвестицияле проектларны уртак финанслау турында карар кабул итте.