ЯҢАЛЫКЛАР

Татарстан Республикасында территориаль иҗтимагый үзидарәләрне (ТИҮ) үстерү һәм җирле әһәмияткә ия мәсьәләләрне хәл итүгә гражданнарны җәлеп итү максатында 2014 елның 1 октябрендә Татарстан Республикасы Министрлар Кабинетының «2014-2020 елларга Татарстан Республикасы икътисадый үсеше һәм инновацияле икътисады» дәүләт программасын раслау турында»гы Татарстан Республикасы Министрлар Кабинетының 2013 елның 31 октябрендәге 823нче Карары белән расланган «2014-2020 елларга Татарстан Республикасы икътисадый үсеше һәм инновацияле икътисады» дәүләт программасына үзгәрешләр кертү турында» 709нчы Карары кабул ителде.

Россия Федерациясе Хөкүмәтенең 988нче Карары белән Россия Федерациясе Хөкүмәтенең 2010 елның 23 сентябендәге 731нче Карары белән расланган Күпфатирлы йортлар белән идарә итү өлкәсендә эшчәнлек алып бара торган оешмалар тарафыннан мәгълүмат ачу стандартына үзгәрешләр кертелде.
Әлеге карар белән Мәгълүмат ачу стандарты тулыландырылды: ачылырга тиешлеләр сыйфатында идарә ителә торган күпфатирлы йортлар, уртак мөлкәтне куллану, аңа капиталь ремонт ясау, бина милекчеләренең гомуми җыелышлары турындагы мәгълүмат билгеләнә. Моннан тыш, һәр күпфатирлы йортка карата ачыла торган мәгълүмат төрләренә дә төгәллек кертелә.

2014 елның 7 октябрендә Казан (Идел буе) федераль университетының Дәүләт һәм муниципаль идарә югары мәктәбендә «Россия Федерациясе норматив-хокукый кыры шартларында территориянең нәтиҗәле үсеше» программасы буенча Кырым Республикасы Бакчасарай район дәүләт администрациясе хезмәткәрләре өчен квалификация күтәрү курслары оештырылды.

2014 елның 8 октябрендә Татарстан Республикасы Премьер-министры вазыйфаларын үтәүче Алексей Песошин Татарстан Республикасы Икътисад министрлыгы коллективына яңа министрны тәкъдим итте. Татарстан Республикасы Президентының 2014 елның 6 октябрендәге Указы белән Татарстан Республикасы икътисад министры вазыйфасына Артём Здунов билгеләнде. Әлеге вазыйфага билгеләнгәнче ул дүрт ел икътисад министры урынбасары булып эшләде.

Россия Федерациясе Иҗтимагый палатасы, «Югары икътисад мәктәбе» Милли тикшеренү университеты белән берлектә, «Дәүләт һәм муниципаль сатып алуларында җәмәгать контролен тәэмин итүнең хокукый мәсьәләләре» темасына «түгәрәк өстәл»-киңәшмә үткәрә.
Чарада катнашырга шулай ук дәүләт һәм муниципаль сатып алуларга контрольлек итүче иҗтимагый оешма вәкилләре дә чакырыла.

Paris Région Lab Париж бизнес-инкубаторы күптармаклы InternationalinnovationAwards халыкара бәйге оештыруы турында хәбәр итә.
Бәйгедә дөньяның теләсә кайсы технологик стартабы катнаша ала.
Проектларны www.iiawards.org аша 2014 елның 17 октябренә кадәр теркәлергә кирәк.
Барлык сораулар буенча iiawards@opinno.com электрон почтасы буенча мөрәҗәгать итәргә була.

Татарстан Республикасы Икътисад министрлыгы 2014 елның 9 октябрендә 14.00 сәгатьтә Кече һәм урта эшкуарлыкка мөлкәти ярдәм күрсәтү инфраструктурасы субъектларын аккредитацияләү комиссиясенең утырышы булуын хәбәр итә. Утырышта конкурс сайлап алуына килгән гаризалар каралачак.

«Татарстан Республикасы Гарантия фонды» Коммерциячел булмаган оешмасы Гарантия фондының җаваплылыкны йөкләү программасы буенча хезмәттәшлек итү турында килешүләр төзү өчен банклар сайлап алу бәйгесен игълан итә. Ачык бәйге 2014 елның 1 октябреннән 2014 елның 16 октябренә кадәр уздырыла.

2014 елның 3 октябрендә Татарстан Республикасының 2030 елге кадәрге Социаль-икътисадый үсеше стратегиясе проектын эшләү кысаларында «Инновацияләр, мәгълүмат һәм технологияләр» проект мәйданчыгының «ТР инновацияле стратегиясенә якын килү ысуллары. Инновацияле инфраструктура үсеше («Иннополис» һәм «Смарт-Сити Казан» проектлары)» стратегик сессиясе узды.

2014 елның 2 октябрендә Татарстан Республикасы Авыл хуҗалыгы һәм азык-төлек министрлыгында Татарстан Республикасы икътисад министры урынбасары – Эшкурлык үсеше департаменты башлыгы Рөстәм Сибгатуллин биотехнологияләр инжинирингының төбәк үзәге үсеше концепциясе мәсьәләләре буенча киңәшмәдә чыгыш ясады.
Киңәшмәне Татарстан Республикасы авыл хуҗалыгы һәм азык-төлек министрының терлекчелек буенча урынбасары Нәҗип Хаҗипов алып барды. Киңәшмәдә шулай ук Татарстан Республикасында 2010-2020 елларга биотехнологияләрне үстерү программасын гамәлгә ашыру сораулары да күтәрелде.