ЯҢАЛЫКЛАР
2016 елның 27 сентябрендә Татарстан Республикасы Төзелеш, архитектура һәм торак-коммуналь хуҗалыгы министрлыгында торак-коммуналь хуҗалык һәм төзелеш комплексы оешмаларының 2016 елның I яртыеллыгындагы финанс-хуҗалык эшчәнлеге нәтиҗәләрен карау буенча баланс комиссиясе утырышы узды.
Исегезгә төшерәбез: 2016 елның августыннан Татарстан Республикасындагы барлык «Минем документларым» (КФҮ) офисларында «Кече һәм урта эшкуарлыкны үстерүнең федераль корпорациясе» АҖ хезмәтләрен алу оештырылды.
Юридик затларның аерым төрләре тарафыннан 223-ФЗ номерлы Федераль закон буенча оештырыла торган сатып алуларда өстенлек үзебезнең/ Россия товарларына, эшләренә, хезмәт күрсәтүләренә биреләчәк (Россия Федерациясе Хөкүмәте карары, 16.09.2016, №925).
РФ Дәүләт Думасында «Россия Федерациясенең аерым закон актларына үзгәрешләр кертү турында» 2016 елның 22 сентябрендәге 1180507-6 номерлы закон проекты карала. Әлеге закон проектына ярашлы рәвештә, бердәнбер тәэминатчыдан 44-ФЗ номерлы Закон нигезендә башкарыла торган сатып алулар суммасын биш тапкырга арттыру планлаштырыла.
Бүген Татарстан Республикасы Президенты Рөстәм Миңнеханов Сочидагы Халыкара инвестицион форум кысаларында панель дискуссияләрдә берничә тәкъдим белән чыгыш ясады.
Панель дискуссияләрнең берсе «Җылылык базарының яңа моделе» темасына багышланган иде. Рөстәм Миңнеханов Татарстанда 2014-2020 елларга энергияне сак тоту һәм энергия нәтиҗәлелеген арттыру программасын гамәлгә ашыру тәҗрибәсе белән уртаклашты.
Бүген, 30 сентябрьдә, Сочида халыкара инвестицияле форумның рәсми порограммасы ачылышы булды. Татарстан Республикасы Президенты Рөстәм Миңнеханов катнашкан беренче чара «Бюджет пирогы: ничек дөрес итеп бүлергә?» темасына Саклык банкы тарафыннан оештырылган эшлекле иртәнге аш булды.
Бүген Татарстан Республикасы Президенты Рөстәм Миңнеханов Сочида Халыкара инвестицион форумның пленар утырышында катнашты.
Пленар утырыш «Дәүләт идарәсенең яңа сыйфаты: үсеш өчен проектлар, тормыш өчен проектлар» темасына багышланды. Утырышта катнашучылар алдында Россия Федерациясе Хөкүмәте Рәисе Дмитрий Медведев чыгыш ясады.
Бүген Сочидагы Халыкара инвестицион форумда Татарстан Республикасы Президенты Рөстәм Миңнеханов барысын да 200 һәм 2000 сумлык номиналлы яңа купюраларга эләгү хокукына Россия Банкы игълан иткән конкурста Казан өчен тавыш бирергә өндәде.
Массакүләм мәгълүмат чаралары вәкилләре сорауларына җавап биреп, Рөстәм Миңнеханов барысын да Казанга чакырды.
Россиянең «ТАСС» Мәгълүмат агентлыгы, «КУЭ Корпорациясе» АҖ белән берлектә, 2016 елның 30 сентябрендә, бизнес-коммуникацияләрнең «ТАСС-Бизнес» дип аталган яңа заманча онлайн-мәйданчыгын кулланып, КУЭ субъектлары өчен кайбер бушлай сервисларны эшләтеп җибәрде.
«Энерджинет» (EnergyNet) «акыллы» энергия челтәрләрен төзү буенча Милли технологик инициатива (МТИ) «юл картасы» Икътисадны модернизацияләү һәм инновацияле үстерү буенча Россия Федерациясе Президенты каршындагы Совет президиумы утырышында хупланды. Әлеге чара 28 сентябрь көнне Мәскәү янындагы Горкида узды.