ЯҢАЛЫКЛАР
Татарстан Республикасы Икътисад министрлыгы тарафыннан «Татарстан Республикасында балаларның сәламәтлегенә, аларның физик, интеллектуаль, психик, рухи һәм әхлакый үсешенә зыян китерүне кисәтү чаралары турында» Татарстан Республикасы Законының 4 статьясына үзгәреш кертү хакында» 498-6 номерлы Татарстан Республикасы законы проекты буенча ачык консультацияләр үткәрелә.
22 ноябрьдә ТР Эшкуарлыкка ярдәм фондының «Минем бизнес» үзәге мәйданчыгында мастермайнд сессиясе узачак. Чара катнашучыларның сорауларына кире элемтә аша бизнес-мәсьәләләрне хәл итүнең төркем технологиясен үз эченә ала. Бизнес-сессия 6-10 кешелек төркемнәрдә узачак, дәвамлылыгы – 1,5-2 сәгать.
2023 ел башыннан Татарстан Гарантия фондына республика эшкуарларыннан «Кече һәм урта эшкуарлык» илкүләм проекты буенча гарантияле ярдәмгә 1000 артык гариза килгән.
2023 елның 13 ноябрендә компания Лаеш районындагы «Иннополис» МИЗда электрон басма платаларны өстән монтажлау һәм исәпләү техникасы җитештерү буенча Россиянең иң эре заводларының берсен эшләтеп җибәрде. Завод ачылышы ТР Рәисе Рөстәм Миңнеханов катнашында узды. Чарада шулай ук ТР вице-премьеры – икътисад министры Мидхәт Шаһиәхмәтов катнашты.
«Иң яхшы муниципаль практика» Бөтенроссия конкурсында җиңүчеләр билгеләнде, иң яхшылар арасында – Татарстаннан дүрт җирле үзидарә органы. Казан, Иннополис, Менделеевск районының Татар Чаллысы авыл җирлеге һәм Биектау үз проектларын үстерүгә финанслар алачак. Быел конкурста катнашу өчен Россиянең 78 төбәгеннән 1300 гариза җибәрелгән, 50 призлы урын бүленгән.
Татарстан Республикасы Икътисад министрлыгы ярдәме белән, Казандагы «Минем бизнес» үзәгендә гамәлдәге хатын-кыз эшкуарлар өчен ике көнлек бушлай интенсив узачак, аның кысаларында катнашучылар Россия һәм халыкара базарларда уңышлы эшләү өчен үз компетенцияләре дәрәҗәсен күтәрә алачак.
Хөрмәтле хезмәттәшләр, икътисадчылар, ветераннар!
Сезне һөнәри бәйрәмегез белән тәбрик итәм!
Сезнең хезмәтегез ярдәмендә республикада икътисадый потенциалны үстерү, эшлекле мохитне яхшырту, гражданнарның тормыш дәрәҗәсен һәм сыйфатын үстерү өчен шартлар тудырылды.
13 ноябрьдә «PRO Маркетплейс» сериясеннән соңгы укыту форум-марафоны старт ала, аны ТР Икътисад министрлыгы ярдәме белән ТР Эшкуарлыкка ярдәм фондының «Минем бизнес» үзәге оештыра. Чара «Кече һәм урта эшкуарлык һәм шәхси эшкуарлык инициативасына ярдәм» илкүләм проекты кысаларында үткәрелә.
23 ноябрьдә «Кече һәм урта эшкуарлык» илкүләм проектын тормышка ашыру кысаларында «Минем бизнес» үзәге ярдәме белән Казанда «Хезмәткәрнең нәтиҗәлелеген цифрлаштыру. Нәтиҗә өчен эшләүче команданы ничек оештырырга» темасына түләүсез лекция узачак.
2023 елның 17 ноябрендә 14:00 сәгатьтә Казан шәһәре, Петербург ур., 28 адресы буенча урнашкан Эшкуар йортында контроль органнары белән хезмәттәшлек итүнең цифрлы платформасы - «Сыналган бизнес» интернет-ресурсының яңартылган версиясе презентациясе узачак (provbiz.ru).