ЯҢАЛЫКЛАР
«Алабуга» махсу икътисадый зонасында үз проектларын гамәлгә ашыручы инвесторлар Татарстанның инвестицияләр җәлеп итүчәнлеген арттыруга зур өлеш кертәләр. Бүген бу хакта Татарстан Республикасы Президенты Рөстәм Миңнеханов Петербург халыкара икътисадый форумында «Алабуга» МИЗ партнерлары белән эшлекле төшке аш барышында хәбәр итте.
2015 елдан Татарстан Республикасында 2015 елның 5 сентябрендә Россия Федерациясе Хөкүмәтенең 1738-р күрсәтмәсе белән расланган конкуренция үсеше Стандартын кертү кысасында товарлар, эшләр һәм хезмәтләр базарында конкурентлык тирәлеге торышы һәм үсешенә ел саен мониторинг уздырыла. Сезнең игътибарга Татарстан Республикасында 2016 елда медицина хезмәтләре базарында (түләүле хезмәтләр) конкурентлык тирәлеге торышы һәм үсешенә мониторинг нәтиҗәләрен тәкъдим итәбез.
Россия Федерациясе Хөкүмәтенең 2017 елның 23 маендагы 999-р ярашлы карары белән Россия Федерациясе Хөкүмәтенең 2016 елның 17 маенда 934-р карары белән расланган контроль-күзәтчелек эшчәнлегенең нәтиҗәлелеген бәяләү күрсәткечләрен билгеләү база моделенә үзгәрешләр кертелде
2017 елның 29 маеннан 2 июненә кадәр Россия Федерациясенең халык хуҗалыгы оешмалары өчен идарәлек кадрларын әзерләү буенча Дәүләт планын тормышка ашыру кысаларында Татарстан Республикасында Томск өлкәсе эшкуарлары булып китте. Татарстан Республикасының Икътисад министрлыгы белән Татарстан Республикасының Идарәлек кадрларын әзерләүдә Президент программасы чыгарылышлары ассоциациясе визит оештыруны үз өстенә алды.
Бүген Петербург халыкара икътисадый форумы кысаларында Татарстан Республикасы белән «Росатом» атом энергиясе дәүләт корпорациясе арасында хезмәттәшлек турында килешү имзаланды. Документка Татарстан Республикасы Президенты Рөстәм Миңнеханов һәм «Росатом» атом энергиясе дәүләт корпорациясе генераль директоры Алексей Лихачев кул куйды.
Татарстан Республикасы өченче ел рәттән эшкуарлык һәм инвестиция эшчәнлеген алып бару өчен иң уңай шартлар тудыручы лидер төбәк буларак игълан ителде.
1 июньдә Татарстан Республикасының Туристлык буенча дәүләт комитеты тарафыннан оештырылган FIFA 2017 Конфедерацияләр кубогына әзерлек буенча экскурсия үткәрүчеләр өчен семинар булды.
2017 елның 1 июненнән 2сенә кадәр Казан шәһәрендә Халыкара директорлар клубының 68 нче утырышы уза. Чараны үткәрүнең оештыручысы булып Казан федераль университетының Иң югары бизнес мәктәбе тора. Төп темасы: "Икътисадны тотрыклы үстерү шартлары – вәзгыять, көтүләр, тәҗрибә".
Бүген Петербургтагы халыкара икътисад форумы кысаларында Татарстан Республикасы белән Стратегик инициативалар агентлыгы (СИА) арасында Хезмәттәшлек итү турында килешүгә кул куелды. Документка Татарстан Республикасы Президенты Рөстәм Миңнеханов һәм Стратегик инициативалар агентлыгы генераль директоры Светлана Чупшева кул куйды.
Бүген Балаларны яклау көнендә Татарстан Республикасының Икътисад министрлыгы хезмәткәрләренең тырышлыгы белән үсешендә үзенчәлекләре булган, Дәрвишләр бистәсендәге балалар интернат-йортында тәрбияләнүчеләр өчен бәйрәм оештырылды. Чакыртылган аниматор балаларга онытылмаслык тәэсирләр бүләк итте. Сабын куыклары белән ясалган фокуслар һәм зур булмаган, кул белән тотып карый торган зоопарк балалар күңеленә аеруча хуш килде. Балалар йортына акыл үсешенә йогынты ясый торган уенчыклар, балалар азыгы тапшырылды.