ЯҢАЛЫКЛАР
Бүген Эшкуар йортында 2023 ел йомгаклары буенча кече һәм урта эшкуарлык субъектлары арасында «Кече һәм урта эшкуарлык» илкүләм проекты кысаларында уздырыла торган «Ел экспортеры» республика конкурсына йомгак ясалды. Быел җиңүчеләрне 13 номинациядә билгеләделәр. Конкурс Татарстан Республикасы Икътисад министрлыгы һәм Татарстан Республикасы Сәүдә-сәнәгать палатасы ярдәме белән Эшкуарлыкка ярдәм фондының Экспортка ярдәм итү үзәге тарафыннан оештырылды.
Татарстан Республикасы Премьер-министры урынбасары — Татарстан Республикасы икътисад министры Мидхәт Шаһиәхмәтов бүген республика муниципаль берәмлекләре башлыклары өчен кече һәм урта эшкуарлык субъектларының сату базарларын киңәйтү мөмкинлекләренә багышланган вебинар үткәрде.
Татарстан Республикасы Икътисад министрлыгы эшчәнлекне бәяләү һәм Министрлык турында мәгълүматның ачык булуына кагылышлы ике социологик сораштыру үткәрү турында хәбәр итә. Әйтик, ведомство эшчәнлеге турында рәсми сайтта, Министрлыкның «ВКонтакте» социаль челтәрендәге рәсми төркемендә, Министрлыкның Телеграм-каналында бирелгән мәгълүматның ачыклыгын, тулылыгын бәяләргә, шулай ук Министрлык хезмәткәрләре белән үзара хезмәттәшлекне бәяләргә тәкъдим ителә.
Татарстан Республикасы икътисад министры урынбасары Гөлназ Исмәгыйлова Бизнес-ФМ радиостанциясе эфирында эшкуарларга җайга салу йогынтысын бәяләү кысаларында үткәрелә торган ачык консультацияләрдә катнашу юлы белән дәүләт кабул иткән карарларга йогынты ясау мөмкинлеге турында хәбәр итте.
Татарстан Республикасы икътисад министры урынбасары Бизнес-ФМ радиостанциясе эфирында бизнеска административ басымны киметү өчен төбәктә алып барылган эш һәм кораллар турында сөйләде.
Республика эшкуарларын 20 июньдә 13.30 сәгатьтә «Кече һәм урта эшкуарлык» илкүләм проекты кысаларында узачак тышкы базарларга чыгу үзенчәлекләре турында бушлай семинарга чакыралар. Семинар кысаларында катнашучылар компаниянең Иран белән халыкара базарга чыкканда очраткан төп проблемаларын һәм мәсьәләләрен хәл итәчәкләр.
2024 елның 18 июнендә «Опора России» гомумроссия кече һәм урта эшкуарлык иҗтимагый оешмасының Татарстан Республикасы бүлеге мәйданчыгында эшкуарлар берләшмәсе белән «Дәүләт кабул иткән карарларга йогынты ясау ысулы буларак җайга салу йогынтысын бәяләү» темасына очрашу узды.
«Минем бизнес» үзәге Икътисад министрлыгы ярдәме белән эшкуарлар, франчайзерлар һәм башкалар өчен «Бизнесны масштаблаштыруның 5 стратегиясе» дигән бушлай мастер-класс үткәрәчәк.
«Кече һәм урта эшкуарлык» илкүләм проектын тормышка ашыру кысаларында кече һәм урта эшкуарлар һәм үзмәшгульләр өчен эре федераль компанияләрне сатып алуда катнашуга багышланган семинар үткәрделәр. Чарага Татарстан эшлекле җәмәгатьчелегенең 100гә якын вәкиле кушылды.
20 июньдә 15:00 сәгатьтә «Кече һәм урта эшкуарлык» илкүләм проекты чаралары кысаларында ел саен үткәрелә торган «Ел экспортеры» региональ конкурсында җиңүчеләрне бүләкләү тантанасы узачак.