Дәүләт ярдәме нәтиҗәсендә Татарстан эшмәкәрләре 2026 елның беренче кварталына якынча 1,8 млрд сум заем акчалары җәлеп итә алды

Агымдагы елның өч аенда республиканың 70кә якын эшмәкәре 330 млн сумнан артык гарантияле ярдәмнән файдаланды.
Бу аларга 1,8 млрд сум заем акчаларын җәлеп итәргә мөмкинлек бирде. 

Татарстан эшмәкәрләренә “Нәтиҗәле һәм конкурентлы икътисад” милли проектын гамәлгә ашыру кысаларында Татарстан Республикасы Икътисад министрлыгы һәм аңа буйсынган Татарстан Республикасы Гарантия фонды ярдәм күрсәтте.

Иң күп гарантияле ярдәмне хезмәт күрсәтүләр өлкәсеннән (медицина хезмәтләре, машина һәм җайланмаларны ремонтлау хезмәтләре, җәмәгать туклануы һәм башкалар), икътисадның җитештерү секторы эшмәкәрләре һәм авыл хуҗалыгы җитештерүчеләре алды. 

Исегезгә төшерәбез, Татарстан Республикасы Гарантия фонды заем финанславын (кредит, заем, лизинг, банк гарантиясе) рәсмиләштергәндә залог белән җитәрлек тәэмин ителмәгән эшмәкәрләргә бер заемчыга 100 млн сумга кадәр һәм инвестиция максатларына һәм әйләнештән тыш акчаларга кертемнәргә бәйле компанияләр төркеменә 120 млн сумга кадәр, башка максатларга 70 млн сумга кадәр поручительлек бирә. 

Шул ук вакытта икътисадның өстенлекле тармакларында эшчәнлек алып баручы эшмәкәрләр өчен поручительлек өчен түләү поручительлек суммасыннан еллык 1%, ә башка заемщиклар өчен еллык 1,5% тәшкил итә.

Татарстан бизнесына ярдәм итү чаралары турында Бердәм контакт-үзәкнең 8 (843) 524-90-90 номеры буенча белергә була.