ЯҢАЛЫКЛАР

Социаль-икътисадый үсешнең максатчан күрсәткечләренә ирешүне мониторинглау буенча Россия Федерациясе Президенты каршындагы комиссия утырышы узды

2014 елның 7 февралендә Азнакай муниципаль районының Азнакай шәһәрендә «Ел эшкуары» бәйгесенә йомгак ясалды һәм җиңүчеләрне бүләкләү оештырылды. Район эшкуарлары 2013 елга нәтиҗәләр ясадылар һәм түбәндәге номинацияләр буенча җиңүчеләрне котладылар:
- «2013 ел эшкуары»;
- «2013 ел бизнес-хатын-кызы»;
- «2013 елның яшь эшкуары».

Татарстанда 6 индустриаль парк, 9 технопарк һәм 5 бизнес-инкубатор булдырылган. Республикабызда «КИП «Мастер», «Химград» технополисы, «IT-парк» кебек зур мәйданчыклар уңышлы гына эшләп килә. Әмма барыннан да бигрәк сәнәгать үсеше өчен мөмкинлекләрне муниципаль берәмлекләрдә булдыру мөһим.

Республикабызда кече һәм урта бизнесны үстерү өчен төрле уңайлыклар тудырырга тырышалар. Әмма әлегә эшмәкәрләр, нигездә, сату-алу өлкәсен сайлый. Икътисадның реаль секторында исә нибары 17-18 процент малтабар көч куя. Төп максат исә товар җитештерүне икътисади яктан отышлы итү, бу юнәлештә хезмәт куючыларга логистик, транспорт инфраструктурасы булдыру. Индустриаль парклар, технопарклар һәм бизнес-инкубаторлар шушы бурычларны гамәлгә ашырырга ярдәм итә дә.

Татарстан Республикасы Икътисад министрлыгында 2014 елда Франциядә стажировка үтүгә сайлап алу чараларында катнашу өчен Идарәче кадрлар әзерләүнең Президент программасында катнашучылар һәм аны тәмамлаучылардан гаризалар кабул итү башланып китте.
Быел Франциягә түбәндәге темалар буенча 2 эш сәфәре оештыру көтелә:
- сәламәтлек саклау (медицина җиһазлары, фармацевтика, косметика (ахыргы продукция), спорт инфраструктурасы);
- азык-төлек һәм авыл хуҗалыгы сәнәгате (җиһаз, ахыргы продукция).
Кандидат анкетасы белән түбәндәге сылтама буенча таныша аласыз: http://www.pprog.ru/probation/foreign/index.php?ELEMENT_ID=2605.

2014 елның 10 февралендә Россия Икътисадый үсеш министрлыгының Кече һәм урта эшкуарлыкны һәм көндәшлекне үстерү департаменты директоры Наталья Ларионова һәм Татарстан Республикасы икътисад министры урынбасары – Эшкуарлыкны үстерү департаменты башлыгы Рөстәм Сибгатуллин катнашында «Томск инжиниринг үзәге, «КАИ-Лазер» Татарстан Республикасы төбәк инжиниринг үзәге, Алтай композит материаллар кластеры бизнес-планнарын пилот яклау» темасы буенча видеоконференция үтте.
Конференциядә Россия Сәнәгать һәм сәүдә министрлыгы, Россия Мәгариф министрлыгы, «Эшлекле Россия» ҖЧҖ, Фәнни-техник өлкәдә предприятиеләрнең кече формалары үсешенә ярдәм итү фонды, Россиянең инновацияле төбәкләре ассоциациясе вәкилләре, экспертлар катнашты.

Татарстан Республикасы Министрлар Кабинетының «2014 – 2020 елларга Татарстан Республикасында физик культура, спорт, туризмны үстерү һәм яшьләр сәясәтен гамәлгә ашыруның нәтиҗәлелеген арттыру» дәүләт программасын раслау турында» 2014 елның 7 февралендәге Карары белән «2014 – 2020 елларга Татарстан Республикасында физик культура, спорт, туризмны үстерү һәм яшьләр сәясәтен гамәлгә ашыруның нәтиҗәлелеген арттыру» дәүләт программасы расланды.
Программаның максаты – Татарстан Республикасында физик культура, спорт, туризмны үстерү буенча дәүләт сәясәтен тормышка ашыру һәм яшьләр сәясәтен гамәлгә ашыруның нәтиҗәлелеген арттыру.

2014 елның 29 гыйнварында Административ реформа уздыру буенча Хөкүмәт комиссиясе каршындагы подкомиссиянең Россия Федерациясе Президентының 2012 елның 7 маендагы 601нче Указында күрсәтелгән максатчан күрсәткечләргә ирешүне тәэмин итә торган еллык индикаторларны үз эченә алган чараларның этаплы планнарын тормышка ашыруны мониторинглау һәм дәүләт хезмәте күрсәтүнең сыйфатын күтәрү сорауларына багышлангын утырышы үтте.
Утырыш барышында Россия Федерациясендә 2011-2013 елларда административ каршылыкларны киметү, дәүләт һәм муниципаль хезмәтләр алуны арттыру концепциясен гамәлгә ашыруның көнүзәк мәсьәләләре каралды, Россия Федерациясе субъектларының дәүләт хакимияте органнары тарафыннан «бер тәрәзә» принцибы буенча дәүләт һәм муниципаль хезмәтләр күрсәтүне оештыру план-графикларын үтәү барышы һәм административ реформаны тормышка ашыруның башка сораулары тикшерелде.

Берләшкән Гарәп Әмирлекләрендә (БГӘ) бизнес алып бару мөмкинлекләре, иң кызыклы секторлар, ихтыяҗ зур булган продукцияләр һәм хезмәтләр, сертификатлаштыру таләпләре, лицензияләр турында мәгълүмат җиткерү максатларында Татарстан Республикасы Икътисад министрлыгына караган Экспортка ярдәм итү үзәге белем бирү семинары оештырачак. Кызыксынган эшкуарлар БГӘ һәм Персия култыгы илләре базарында эшли башлау өчен кирәк булган барлык мәгълүматны ала алачак.

2014 елның 20-21 феврале көннәрендә «Мираж» кунакханәсендә (Казан шәһ., Мәскәү ур., 5) «Яңа проектларны алга этәрү буенча стратегик инициативалар агентлыгы» АКБО тарафыннан оештырылган «Идел буе федераль округы төбәкләре өчен төбәк инвестиция стандартлары мәктәбе» дип аталган семинар үтәчәк.
Чараның программасы http://leader-id.ru/event/246/ сайтында урнаштырылган.
Теркәлү өчен: http://leader-id.ru.

2014 елның 7 февралендә Татарстан Республикасы Икътисад министрлыгы «Дәүләт һәм муниципаль хезмәтләр күрсәтүнең күпфункцияле үзәге» ДБУ белән берлектә Алабуга шәһәрендә 2013 елның 27 декабрендә ачылган Дәүләт һәм муниципаль хезмәтләр күрсәтүнең күпфункцияле үзәгендә (КФҮ) дәүләт һәм муниципаль хезмәтләр күрсәтү белән шөгыльләнә торган учреждениеләр өчен белем бирү семинары үткәрде.