ЯҢАЛЫКЛАР

2014 елның 15 февралендә Яр Чаллы шәһәрендә «2030 елга кадәр Татарстан Республикасы социаль-икътисадый үсеше стратегиясе» проектын эшләү кысаларында «2030 елга кадәрге Татарстан Республикасы Стратегиясендә Яр Чаллы агломерациясе: кешеләр, икътисад, пространство» эзләнү конференциясе уза.
Конференциядә катнашу өчен республика министрлыклары һәм ведомстволары, Яр Чаллы шәһәре, Тукай, Алабуга, Түбән Кама, Зәй, Менделеевск, Минзәлә районнары җирле үзидарә органнары һәм предприятиеләре вәкилләре чакырыла.
Экспертлар сыйфатында Стратегияне эшләүчеләр - «Леонтьев үзәге» Халыкара социаль-икътисадый тикшеренүләр үзәге» ЯАҖ каршындагы Стратегик планлаштыру буенча ресурс үзәге директоры, проектның фәнни җитәкчесе Борис Жихаревич, «Шәһәр төзүчеләренең милли гильдиясе» коммерциячел булмаган партнерлык президенты, «Шәһәр планлаштыру лабораториясе» ҖЧҖ генераль директоры Михаил Петрович, «AV Group» идарәче партнеры,идарә рәисе (СЕО) Алексей Крыловский һәм башкалар катнашачак.

2014 елның 11-19 феврале көннәрендә Татарстан Республикасы Икътисад министрлыгында дәүләт һәм муниципаль хезмәткәрләр өчен «Татарстан Республикасы социаль-икътисадый үсеше» мәгълүмат-аналитика системасының фаразлау подсистемасы белән эшләү буенча уку программалары уза.
Укыту программасы социаль-икътисадый үсеш фаразларын эшләүдә катнашучы Татарстан Республикасы дәүләт хакимияте органнары һәм җирле үзидарә органнары белгечләренә исәпләнгән.
Уку процессында белгечләр күрсәткечләр һәм формулалар белән эшли, модельләр өсти, үзгәртә, юкка чыгара ала, шулай ук аларга төрле сценарийлар белән танышу мөмкинлеге дә тудырылган.

ТР Премьер-министры вазыйфаларын башкаручы Алексей Песошин республиканың Алексеев районында булды. Ул берничә объектны карады һәм район Советы утырышында катнашты.

Район үзәгендә А. Песошин хәрби-интернационалистларның сугышчан дан музеенда булды. Экскурсияне музейның җитәкчесе һәм оештыручысы Николай Гордеев уздырды.
А. Песошин шулай ук дәүләт һәм муниципаль хезмәтләр күрсәтү буенча күп функцияле үзәктә булды һәм аның клиентлары белән аралашты.

Аннан соң Алексей Песошин Алексеев муниципаль районы Советы сессиясендә катнашты. Районның социаль-икътисади үсеш нәтиҗәләре турында район башлыгы Владимир Козонков доклад ясады. Аның әйтүенчә, Алексеев районы өчен 2013 ел уңышлы узган. Тулай төбәк продукты 5 млрд 651 млн сум тәшкил иткән. Иң күп эшләр төзелеш тармагы тарафыннан башкарылган һәм 3,4 млрд. сум тәшкил иткән, хезмәт хаклары 23%ка арткан.

Татарстан Республикасы Президенты Рөстәм Миңнеханов бүген Аксубайга эш сәфәре кысаларында Дәүләт һәм муниципаль хезмәт күрсәтүче күпфункцияле үзәктә һәм үзәк район хастаханәсендә бала татыру бүлегендә булды.
Күпфункцияле үзәк Аксубайда 2013 елның мартында ачылды. Ике катлы бинаның гомуми мәйданы - 691,7 кв.м, биредә ТР буенча Росреестр идарәсе, кадастр палатасы, муниципаль берәмлекнең Мөлкәт һәм җир мөнәсәбәтләре палатасы, ТИБ (БТИ) хезмәткәрләренең, кадастр инженерының кабинетлары урнашкан. КФҮтә дәүләт һәм муниципаль хезмәт "бер тәрәзә" рәвешендә күрсәтелә, бу гражданнарга хезмәт күрсәтүнең вакытын кыскарта.

2014 елның 11 февралендә Татарстан Республикасы икътисад министры Мидхәт Шаһиәхмәтов дәүләт һәм муниципаль хезмәтләр күрсәтүнең күпфункцияле үзәкләре (КФҮ) эше мәсьәләләре буенча республиканың барлык муниципаль районнары һәм шәһәр округлары катнашында видеоконференция үткәрде.
Очрашу башында Мидхәт Шаһиәхмәтов катнашучыларга Татарстан Республикасында КФҮ булдыру буенча үткәрелә торган эш турында сөйләде, шулай ук 2014 елга куелган бурычлар белән таныштырды. Икътисад министры урынбасары Айрат Шәмсиев КФҮ тарафыннан күрсәтелгән хезмәтләр һәм консультацияләрнең атналык торышы турында хәбәр итте.
Киңәшмә барышында шулай ук КФҮ күрсәтергә тиешле хезмәтләр исемлеген киңәйтү һәм КФҮ биналарында башка төр хезмәтләр күрсәтә торган (әйтик, «Техник инвентаризация бюросы» РДУП һәм башкалар) оешмаларны урнаштыру мәсьәләләре дә каралды.

2014 елның 12-13 феврале көннәрендә Татарстан Республикасына эш сәфәре белән Квебек провинциясе (Канада) делегациясе килде. Делегация составына Канаданың Россиядәге илчелегенең икенче секретаре Коринн Петрисор, Мәскәү шәһәрендә Квебек провинциясе вәкиллеге директоры Николя Фрэн Һәм Россиянең Канададагы илчелегенең икътисадый мәсьәләләр буенча вәкиле Ирина Тарасенко керә.
Сәфәрнең беренче көнендә делегация «Химград» технополисында булды, әлеге чара кысаларында алар мәйданчыкта урнашкан әйдәп баручы предприятиеләрнең эшчәнлеге һәм инфраструктур мөмкинлекләре белән танышты.

Агымдагы елның 11 февралендә Татарстан Республикасы Юстиция министрлыгы тарафыннан республика башкарма хакимият органнары вәкилләре өчен «Татарстан Республикасының чаралар күрү актлары җыелма реестры» Татарстан Республикасы Дәүләт мәгълүмат системасында эшләү буенча укулар оештырылды.

Укуларда Татарстан Республикасы Икътисад министрлыгының лицензияләү бүлеге хезмәткәрләре дә катнашты.

2014 елның 12 февралендә Татарстан Республикасы Икътисад министрлыгында инвестицияле салым кредиты формасында дәүләт ярдәме күрсәткәндә ведомствоара хезмәттәшлек сорауларына багышланган киңәшмә уздырылды.
Киңәшмәдә Татарстан Республикасы буенча Россия Федераль салым хезмәте Идарәсе вәкилләре катнашында билгеләнүе хакимиятнең федераль органнары карамагында булган инвестицияле салым кредитлары биргәндә салым түләмнәрен тәэмин итү тәртибенә караган мәсьәләләр тикшерелде.

2014 елның 11 февралендә Татарстан Республикасы Икътисад министрлыгында Татарстан Республикасы буенча Дәүләт статистикасы федераль хезмәтенең Территориаль органы җитәкчесе урынбасары Ольга Краснова белән киңәшмә узды.
Киңәшмәдә Татарстан Республикасы буенча Дәүләт статистикасы федераль хезмәтенең Территориаль органы җитәкчесе - Татарстан Республикасының социаль-икътисадый мониторинг комитеты рәисе Валерий Кандиловның агымдагы елда Татарстан Республикасы социаль-икътисадый үсешенең төп күрсәткечләрен үтәү динамикасы турындагы чыгышын Татарстан Республикасы Министрлар Кабинеты каршындагы Икътисадый Советның чираттагы утырышы көн тәртибенә кертү сораулары каралды.

Теләче районының 2013 елда социаль-икътисади үсеше нәтиҗәләре һәм 2014 елга бурыч-максатлары турындагы доклад белән муниципалитет башлыгы Илдус Зарипов чыгыш ясады.

Районда авыл хуҗалыгы төп тармак булып тора, узган ел уңайсыз килгән һава шартлары эш нәтиҗәләренә йогынты ясады. Гомумән, район буенча социаль-икътисади хәл яхшыртылды. Район, 2013 ел нәтиҗәләре буенча, ТР муниципаль берәмлекләренең социаль-икътисади үсеш рейтингында 10 нчы урынны били. Бер елда муниципалитет рейтингта 8 позициягә күтәрелде. Аерым алганда, 2013 елда уртача хезмәт хакы 27 процентка арткан һәм 22,7 мең сум тәшкил иткән. Шул ук вакытта аграр секторда хезмәт хакы – уртача 11 мең сум.