ЯҢАЛЫКЛАР

Татарстан Республикасы Экспортка ярдәм итү үзәге тарафыннан кече һәм урта эшкуарлык субъектларына Мәскәүдә 2014 елның 21-24 сентябре көннәрендә узачак «Химия-2014» 18нче Халыкара химия сәнәгате һәм фәне күргәзмәсендә бушлай катнашу буенча уникаль мөмкинлек бирелә. Экспортка ярдәм итү үзәге теркәү җыемнары һәм күргәзмә мәйданы өчен түләүне үз өстенә алырга әзер. Кече һәм урта бизнес субъектына бары тик күргәзмә урынына бару һәм яшәү чыгымнарын гына күтәрергә кирәк булачак.

Татарстан Республикасы Икътисад министрлыгы Россия Федерациясе Икътисадый үсеш министрлыгының Җайлау йогынтысын бәяләү департаменты мөрәҗәгатенә ярашлы рәвештә 1972 елның 2 апрелендә 962-72 номеры астында СССРның Баш дәүләт санитар табибы тарафыннан расланган «Җиләк-җимеш һәм яшелчә консервлары, киптерелгән җиләк-җимешләр, яшелчәләр һәм бәрәңге, тозлы кәбестә һәм тозлы яшелчәләр җитештерүче предприятиеләр өчен санитар кагыйдәләр» норматив хокукый актына экспертиза үткәрү максатында ачык консультацияләр оештыра.
Бизнес-берләшмә вәкилләрен тәкъдим ителгән норматив хокукый акт белән Татарстан Республикасы Икътисад министрлыгы сайтының «Җайлау йогынтысын бәяләү» бүлегендә танышырга чакырабыз.

Татарстан Республикасы Икътисад министрлыгына Россия Федерациясе Икътисадый үсеш министрлыгының Җайлау йогынтысын бәяләү департаментыннан «Урманнарны саклау һәм яклау буенча авиация эшләрен оештыру һәм башкару тәртибен раслау турында» Россия Федерациясе Табигать ресурслары һәм экология министрлыгы боерыгы проектына ачык консультацияләр үткәрү турында мөрәҗәгать килде.
Бизнес-берләшмә вәкилләрен тәкъдим ителгән норматив хокукый акт белән Татарстан Республикасы Икътисад министрлыгы сайтының «Җайлау йогынтысын бәяләү» бүлегендә танышырга чакырабыз.

2014 елның 17 сентябрендә Татарстан Республикасы Икътисад министрлыгында икътисад министры урынбасары Марат Шәрифуллин җитәкчелегендә Татарстан Республикасы Министрлар Кабинеты һәм Татарстан Республикасы муниципаль районнары (шәһәр округлары) арасында Өстәмә килешүләр күрсәткечләре зурлыгын тикшерү мәсьәләләре буенча эшче киңәшмә уздырылды.
Фикер алышу нәтиҗәләре буенча, Яшел Үзән муниципаль районы Өстәмә килешүендә «1 кешегә исәпләгәндә төп капиталга (бюджет средстволарыннан тыш) инвестицияләр күләме» күрсәткече зурлыгына һәм Спас муниципаль районы Өстәмә килешүендә «Уртача бер кешегә туры килә торган торак бинаның гомуми мәйданы – барлыгы, елына бер кешегә кв. метр» күрсәткеченең зурлыгына төгәллек кертү турында карар кабул ителде.

2014 елның 17-19 сентябре көннәрендә Россия Федерациясе Икътисадый үсеш министрлыгының финанс ярдәме белән «Кама инновацияле территориаль-җитештерү кластеры» Коммерциячел булмаган партнерлыгы һәм «Россия венчур компаниясе» ААҖ халыкара инвестиция тренингын һәм LOGA Group & Seed Forum International Foundation мастер-классын үткәрүне оештыра. Уздыру урыны: Яр Чаллы шәһәре ИТ-паркы.

2014 елның 22 ноябрендә «Директорларның «Директориум» һөнәри җәмәгатьчелеге» Коммерциячел булмаган партнерлыгы («Директориум» КБП) Казан шәһәрендә Татарстан Республикасы җитәкчеләре һәм белгечләре өчен «Корпоратив идарә үсеше аша предприятиеләрнең инвестицион җәлеп итүчәнлеген күтәрү» темасы буенча белем бирү чарасы уздыра. Семинар Россия Саклык Банкының «Эшлекле мохит» бүлегендә түбәндәге адрес буенча үтәчәк: Казан шәһ., Чуйков ур., 2, В корпусы

Әгәр Сезнең компаниягез тышкы икътисадый эшчәнлек белән шөгыльләнә һәм Сез БДБ илләренә үз товарларыгызны чыгарасыз икән, Татарстан Республикасы Экспортка ярдәм итү үзәге Белоруссия, Әрмәнстан, Казахстан һәм Үзбәкстан кебек илләргә экспортлау үзенчәлекләрен аңларга, әлеге илләр белән сату-алулар вакытында гамәлләрне оптимальләштерергә һәм ихтимал булган куркынычларны киметергә ярдәм итә ала. Экспортка ярдәм итү үзәге Сезгә һәм хезмәткәрләрегезгә «Белоруссия, Әрмәнстан, Казахстан һәм Үзбәкстанга экспортлау үзенчәлекләре» дип аталган бушлай семинарда катнашырга тәкъдим итә. Семинар 18 сентябрьдә сәгать 10нан 17гә кадәр түбәндәге адрес буенча оештырыла: Казан шәһ., Пушкин ур., 18, Татарстан Республикасы Сәүдә-сәнәгать палатасы.

2014 елның 13 сентябрендә Татарстан Республикасы Экспортка ярдәм итү үзәге тарафыннан «Сөйләшүләрдә лидерлык. Экспортер компанияләр өчен махсуслаштырылган тренинг» темасы буенча тренинг үткәрелде. Тренинг Татарстан Республикасының экспорт юнәлешле кече һәм урта эшкуарлык субъектларына ярдәм итү программасы кысаларында оештырылды. Укытучы сыйфатында бизнес-коучларны әзерләү методикасы авторы һәм Идарә коучингы халыкара мәктәбе җитәкчесе Станислав Гринберг чыгыш ясады.

Лицензиатның дистанцион мәктәбендә ундүртенче дәрес урнаштырылды: Лицензия таләпләре: җиһазлар (2нче өлеш).

2014 елның 17 сентябрендә Татарстан Республикасы икътисад министры Мидхәт Шаһиәхмәтов Татарстан Республикасы Премьер-министры Илдар Халиков җитәкчелегендәге «Чистай» Индустриаль паркын үстерү советының беренче утырышында катнашты.
Совет утырышында паркны үстерү һәм резидентларны җәлеп итү буенча эш барышы турында хисап тикшерелде, шулай ук «Чистай» ИП белән идарә итүне оештыру схемасы һәм Советның алдагы чорга эш планы расланды. Утырыш барышында парк үсешенә кагылышлы проблемалар һәм аларны хәл итү юллары да каралды.