ЯҢАЛЫКЛАР
Татарстан Республикасы Икътисад министрлыгы тарафыннан 2017 елның гыйнвар-август айлары өчен Татарстан Республикасы муниципаль районнарының һәм шәһәр округларының социаль-икътисадый үсеше буенча айларга бүленгән рейтинг әзерләнде.
2017 елның октябрь ае уртасында, Татарстан җитештерүчеләренең продукциясен Төркия базарына чыгарырга ярдәм итү максатында, Татарстан Республикасы Экспортка ярдәм үзәге "Татарстан Республикасы Эшкуарлыкка ярдәм фонды" КБО Төркия Республикасының Стамбул шәһәренә бизнес-миссия оештыра һәм республикадагы кече һәм урта эшкуарлык вәкилләрен чарада катнашырга чакыра.
Өлкән гражданнарга аларны кызыксындырган, Министрлык вәкаләтенә караган мәсьәләләр буенча консультацияләү максатларында, 2017 елның 29 сентябрендә "Кайнар линия" телефоннарының эше оештырылачак.
Бүген Казанда Татарстан Республикасы Президенты Рөстәм Миңнеханов җитәкчелегендә "Татнефть" ХАҖ Директорлар советының чираттагы утырышы булып узды.
Бүген Татарстан Республикасы Премьер-министры Алексей Песошин рәислегендә социаль-икътисадый үсеше алдан баручы "Яр Чаллы" территориясендә эшчәнлек башкару турында килешү төзүгә заявкалар карау буенча республика комиссиясенең утырышы булды. Утырышта Татарстан Республикасы икътисад министры Артем Здунов һәм Татарстан Республикасы икътисад министры урынбасары Наталья Таркаева катнашты.
Татарстан җитештерүчеләренең продукциясен Европа базарына чыгарырга ярдәм итү максатында Татарстан Республикасы Экспортка ярдәм үзәге "Татарстан Республикасы Эшкуарлыкка ярдәм фонды" коммерциячел булмаган оешмасы 2017 елның ноябрендә Италиягә, Марке төбәгенең Анкона шәһәренә бизнес-миссия оештыра.
2017 елның 30 сентябрендә алдагы сезоннар рейтингында катнашучы компанияләр өчен ТехУспех-2017 рейтингына заявкалар кабул итү төгәлләнә.
2017 елның 1-2 ноябрендә Россиянең экспорт үзәге Тегеран шәһәрендә (Иран) "Russian Gastro Week" циклыннан чара үткәрәчәк. Татарстан Республикасы Экспортка ярдәм үзәге "Татарстан Республикасы Эшкуарлыкка ярдәм фонды" коммерциячел булмаган оешмасы Татарстан Республикасының экспортка юнәлеш алган кече һәм урта эшкуарлык предприятиеләрен махсуслаштырылган бизнес-миссиядә катнашырга чакыра.
Дисциплинарара күп профильле "Технологик эшкуарлык" олимпиадасы старт алды, ул Россиянең Инновация төбәкләре ассоциациясе (АИРР), КУЭ корпорациясе ярдәмендә илдәге университетлар белән бергә үткәрелә.
Татарстан Республикасының Икътисад министрлыгы "Татарстан Республикасы Дәүләт заказы агентлыгы" АҖ белән берлектә, кече һәм урта эшкуарлык субъектлары өчен киләчәге булган инвестиция уемнарын ачыклау максатында, Татарстан Республикасында ихтыяҗ булган, ТР Территориясендә җитештерелми торган яисә бик аз күләмдә генә җитештерелә торган продукциягә мониторинг ясый.