Икътисадый үсеше алдан баручы "Яр Чаллы" территориясендә инвестиция проектын тормышка ашыру буенча "Чишмә" ҖЧҖ заявкасы хупланды
Бүген Татарстан Республикасы Премьер-министры Алексей Песошин рәислегендә социаль-икътисадый үсеше алдан баручы "Яр Чаллы" территориясендә эшчәнлек башкару турында килешү төзүгә заявкалар карау буенча республика комиссиясенең утырышы булды. Утырышта Татарстан Республикасы икътисад министры Артем Здунов һәм Татарстан Республикасы икътисад министры урынбасары Наталья Таркаева катнашты.
Комиссия утырышында "Импортлаштырылган уылдык, балык һәм кош эшкәртүдән алынган продуктлар җитештерүне оештыру" инвестиция проектын тормышка ашыру буенча "Чишмә" ҖЧҖ заявкасы хупланды.
Якын киләчәктә Татарстан Республикасы Икътисад министрлыгы, Яр Чаллы шәһәренең Башкарма комитеты һәм "Чишмә" компаниясе арасында социаль-икътисадый үсеше алдан баручы "Яр Чаллы" территориясендә эшчәнлек башкару турында Килешү төзеләчәк. Килешү төзелгәннән соң Татарстан Республикасының Икътисад министрлыгы, "Чишмә" ҖЧҖен Россиянең социаль-икътисадый үсеше алдан баручы территорияләре резидентлары реестрына кертү өчен, Россия Икътисадый үсеш министрлыгына мәгълүмат юллаячак.