Мәктәп укучыларын Дисциплинарара күп профильле "Технологик эшкуарлык" олимпиадасында катнашырга чакырабыз

Дисциплинарара күп профильле "Технологик эшкуарлык" олимпиадасы старт алды, ул Россиянең Инновация төбәкләре ассоциациясе (АИРР), КУЭ корпорациясе ярдәмендә илдәге университетлар белән бергә үткәрелә.

Олимпиада биш профильне үз эченә ала: Яңа технологияләр, Кулланма биотехнологияләр, Мәгълүмат технологияләре, Авиатехнологияләр һәм Ресурссаклау технологияләре.

Олимпиадада катнашу өчен барча ил буйлап мәктәпләрнең, лицейларның һәм гимназияләрнең 8-11 сыйныфларында укучылар, шулай ук инженерия иҗаты белән мавыгучы һәм алга таба зур инновация проектларын булдырырга омтылучы чит ил гражданнары һәм гражданлыгы булмаган затлар чакырыла.

Олимпиада ике этаптан тора. Беренчесе – "читтән торып" яисә сайлап алу этабы, биредә мәктәп укучылары биремнәрне дистанцион рәвештә үти һәм бер үк вакытта берничә юнәлеш буенча катнаша ала, соңыннан исә интернет аша җавапларны шәхси кабинетка алырга мөмкин.

Олимпиаданың "читтән торып катнашу" этабы 2017 елның 13 ноябреннән 17 декабренә кадәр узачак.

Бу этапта җиңүчеләр һәм призерлар "көндезге" этапка килү һәм аны үтәү өчен теләсә нинди шәһәрне/төбәкне сайлап ала алачак. Йомгаклар буенча бердәм рейтинг төзеләчәк, аның нәтиҗәсендә яхшылар арасыннан иң яхшысы сайлап алыначак.

Тулырак мәгълүматлар белән танышуны һәм Олимпиадада катнашу өчен теркәлүне 2017 елның 17 декабренә кадәр https://olimp.tech/ сайтында гамәлгә ашырырга мөмкин.