ЯҢАЛЫКЛАР
Бүген Татарстан Республикасы Президенты Рөстәм Миңнеханов Дагыстанга эш сәфәре кысаларында Дербент шәһәренең тарихи урыннарында булды. Дагыстан Башлыгы вазыйфаларын вакытлыча башкаручы Владимир Васильев белән бергә ул борынгы Нарын-кала кальгәсен карады. Фарсы мәмләкәтенә Каспий капкаларын ябарга тиешле Доараб цитаделе Каспий диңгезе белән ике катлы дивар белән тоташтырылган. Объект ЮНЕСКО Бөтендөнья мирасы исемлегенә кертелгән.
Кальгә эчендә мунчалар, керамик торбалардан эшләнгән су белән тәэмин итү системасы, шахлар сарае хәрабәләре сакланып калган. Аерым алганда, Татарстан Республикасы Президенты гауптвахтаны, җир асты төрмәләрен, су резервуарларын һәм башка биналар хәрабәләрен карап чыкты.
Рөстәм Миңнеханов төбәкләр арасында тарихи ядкярләрне саклап калу буенча хезмәттәшлекнең мөһимлеген билгеләп үтте. Ул музей комплексы вәкилләрен борынгы Болгар шәһәре мисалында һәйкәлләрне торгызу буенча Татарстан тәҗрибәсе белән танышырга чакырды.
Шулай ук бүген Рөстәм Миңнеханов Кавказдагы иң борынгы урыннарның берсе – Кырхляр урта гасыр зиратында булды, монда Мөхәммәт пәйгамбәрнең 40 тарафдары җирләнгән. Тагын Татарстан Республикасы Президенты Россиядәге иң борынгы мәчеттә – Дербент Җәмыгъ мәчетендә булды.
Бүген Махачкалада Татарстан Республикасы белән Дагыстан Республикасы арасында Сәүдә-икътисадый, фәнни-техник һәм мәдәни хезмәттәшлек турында килешү һәм аны гамәлгә ашыру Планы имзаланды.
Татарстан Республикасы Президенты Рөстәм Миңнеханов һәм Дагыстан Республикасы башлыгы вазифаларын вакытлыча башкаручы Владимир Васильев документка кулларын куйды.
Килешү берничә юнәлеш буенча алып барылачак, дип ассызыклады ТР Президенты. "Ике төбәк арасында товар әйләнеше күләме хәзерге вакытта миллиард сум тирәсе. Без әлеге күрсәткечне биш кат арттыру максатын куярга тиеш, дип саныйм, Татарстан һәм Дагыстан - ике зур күләмле базар. Без бирегә автомобильләр, шиналар, нефть химиясе продукциясен, азык-төлек продукциясен китерәбез, шул ук вакытта безгә сыйфатлы вино, коньяк, сарык ите, йөзем һәм башка продукция килә", - диде Рөстәм Миңнеханов.
Ул искәрткәнчә, Татарстан белән Дагыстан арасындагы мөнәсәбәтләрнең хезмәттәшлеккә мөмкинлекләре зур, шул исәптән дәүләт хезмәте күрсәтү, сәнәгать мәйданчыкларын үстерү, инвестицияләр җәлеп итү, дәүләт сатып алулары системасы, мәгариф, спорт һәм туризм өлкәләрендә.
Владимир Васильев билгеләгәнчә, Татарстан - алдынгы регион. "Минем фикеремчә, алды баручылардан өйрәнергә кирәк. Мин Татарстан Президенты һәм аның хезмәттәшләренә безнең тәкъдимне хуплауларына һәм хезмәттәшлек итүгә рәхмәтле, - диде Дагыстан башлыгы вазифаларын вакытлыча башкаручы. - Татарстан үз бюджетын тикшереп тора, безгә шуңа өйрәнергә кирәк. Алар йөзгә якын күрсәткечне кертеп, реаль вакытта күзәтеп торалар. Безгә шул җитми".
Шулай ук чарада Татарстан һәм Дагыстанның Сәнәгать һәм сәүдә министрлыклары, Авыл хуҗалыгы һәм азык-телек министрлыклары, Татарстан Республикасы Дәүләт заказы агентлыгы һәм Дагыстан Республикасы эшкуарлык һәм инвестицияләр агентлыгы арасында хезмәттәшлек итү турында килешүләр имзаланды.
Кичә Татарстан Республикасы Президенты Рөстәм Миңнеханов Дагыстанга эш сәфәре кысаларында Кумторкалы районында урнашкан «Түбә» индустриаль паркында булды.
Парк 2015 елда булдырылган. Гомуми мәйданы –194 га. Инфраструктурасына кирәкле инженер челтәрләре һәм алга киткән логистика системасы керә. Потенциаль инвесторларга ташламалы салым шартлары тәкъдим итәләр.
Бүген «Түбә» территориясендә 10 резидент эшли. Рөстәм Миңнеханов ике төп предприятие – Каспий табаклы пыяла заводы һәм «Мараби» керамик плитка заводы эше белән танышты
Каспий табаклы пыяла заводы – «Түбә» индустриаль паркының төп резиденты. Үз сегментында Россиянең көньягындагы иң эре предприятие буларак, тәүлегенә 600 тонна югары маркалы табаклы пыяла чыгара.
Компаниянең 2017 елда уртача килере 3,7 млрд. сум тәшкил иткән. Заводта 410 кеше эшли.
«Мараби» предприятесендә Рөстәм Миңнеханов идән плиткасы һәм керамик гранит чыгару буенча җитештерү линиясен карап чыкты, проект куәте елына 2 млн. квадрат метрдан артык. Гомуми хакы 1,8 млрд. сум.
Компания вәкиле хәбәр иткәнчә, 2018 елда «Мараби» продукция күләмнәрнен икенче җитештерү линиясен ачу бәрабәренә арттырырга җыена.
Азакта Рөстәм Миңнехановка чыгарылучы керамик плитканы күрсәттеләр. Татарстан Республикасы Президенты продукциянең югары сыйфатын билгеләп үтте һәм, Татарстанда да аңа ихтыяҗ зур булачак, дип ышандырды.
Сәнәгати, энергетик һәм экологик иминлек өлкәсен тикшереп торуны һәм күзәтчелекне тәэмин итү мәсьәләләре Татарстан өчен һәрвакыт актуаль һәм өстенлекле булып кала, чөнки төбәктә куркыныч объектлар Идел буе федераль округы субъектлары арасында иң күп урнашкан.
Бүген бу хакта Татарстан Республикасы Президенты Рөстәм Миңнеханов Идел буе федераль округының Федераль экологик, технологик һәм атом күзәтчелеге хезмәте күзәтчелегендәге предприятиеләре һәм оешмалары белән киңәйтелгән киңәшмәдә хәбәр итте. Чара Казанда Татарстан Республикасы Хөкүмәте Йортында узды, аны Ростехнадзор җитәкчесе Алексей Алешин алып барды.
Видеоконференцэлемтә режимындагы киңәшмәдә Идел буе федераль округы составына керүче барлык төбәкләр вәкилләре, шулай ук Татарстан Республикасының барлык муниципаль берәмлекләре вәкилләре катнашты.
Киңәшмәдә чыгышында Рөстәм Миңнеханов билгеләп үткәнчә, Татарстан Республикасы – төп капиталга инвестицияләр һәм сәнәгать һәм граждан төзелеше үсешенең еллык күләмнәре зур булган төбәк.
Югары дәрәҗәле кунакларга учреждениеләр буенча экскурсияне төбәк КФҮ җитәкчесе Осман Хасбулатов үткәрде. Танышу барышында КФҮнең республика шәһәрләрендә һәм районнарында урнашкан 57 үзәктән һәм 435 артык читтәге офистан гыйбарәт тармакланган филиаллар челтәре булуы билгеләп үтелде. Шулай итеп, "бер тәрәзә" принцибы буенча хезмәтләр күрсәтүдән 98% халык файдалана ала.
Исегезгә төшерәбез: моннан бер көн элек Дагыстанга төбәк җитәкчесе Рөстәм Миңнеханов һәм ТР икътисад министры Артем Здунов җитәкчелегендәге Татарстан делегациясе килде, эш сәфәре кысаларында алар республиканың кайбер сәнәгать һәм эшкәртү предприятиеләре эше белән танышачаклар, шулай ук сәүдә-икътисад, фән-техника һәм мәдәният өлкәләрендә ике төбәкнең хезмәттәшлеге турында берничә килешү имзаланачак.
"Татарстан Республикасы эшкуарлыгына ярдәм фонды" коммерциягә карамаган оешмасының Татарстан Республикасы экспортына ярдәм үзәге Татарстан Республикасының экспортка эшли торган кече һәм урта эшкуарлык предприятиеләрен 2018 елның 17 апрельдән алып 19 апрельгә кадәр Кыргызстанның Бишкек шәһәрендә узачак «Food Expo Kyrgyzstan» 2 нче Халыкара махсуслаштырылган азык-төлек индустриясе күргәзмәсендә катнашырга чакыра.
Урыннар исәбенең чикле булуын исәпкә алып, катнашырга теләгән эшкуарлардан үзегезнең карарыгыз турында 2018 елның 12 февраленә кадәр, tatexport@yandex.ru электрон почта адресы хат юллап яки +7 987 225 04 58 телефонына шалтыратып, ТР экспортына ярдәм үзәгенә хәбәр итү сорала. Татарстан Республикасы экспортына ярдәм үзәге Татарстан Республикасының экспортка эшли торган кече һәм урта эшкуарлык субъектларының төрле форматтагы халыкара күргәзмәләрдә катнашуын оештыра, эшкуарларга үз продукциясен чит ил базарларына чыгарырга тәкъдим итә һәм потенциаль партнерлар эзләүдә булышлык күрсәтә. Күрсәтелә торган хезмәтләр турында тулырак мәгълүматны http://export-rt.ru сайтыннан алырга мөмкин.
"Дәүләт контролен (күзәтчелеген) һәм муниципаль контрольне гамәлгә ашырганда юридик затларның һәм индивидуаль эшкуарларның хокукларын яклау турында" Федераль законга һәм "Эшчәнлекнең кайбер төрләрен лицензияләү турында" Федераль законның 19 статьясына үзгәрешләр кертү хакында" федераль закон проекты "Тикшерү һәм күзәтү эшчәнлеген үзгәртеп кору" өстенлекле программасы чаралары кысаларында Россия Икътисадый үсеш министрлыгы тарафыннан әзерләнгән һәм дәүләт контролен (күзәтчелеген) һәм муниципаль контрольне гамәлгә ашыру тәртибен камилләштерүне максат итә.
Лицензия контролен хокукый җайга салуны камилләштерү максатларында, проектта лицензия контролен оештыру һәм гамәлгә ашыру тәртибе билгеле бер эшчәнлек төрен лицензияләү турындагы нигезләмәдә карала дип билгеләргә тәкъдим ителә.
План буенча тикшерүләр үткәрелә торган тикшерелергә тиешле субъектларның хокукларына гарантияләр билгеләү өчен контроль чараларының аерым юридик затка, индивидуаль эшкуарга карата үткәрелә алмавын һәм гади тикшерүне алыштырырга тиеш булмавын билгеләү тәкъдим ителә.
3 февральда Татарстан Республикасы Президенты Рөстәм Миңнеханов көннең икенче яртысында Kohler (АКШ) компаниясе вәкилләре белән очрашты.
Очрашу ТР Хөкүмәте Йортында узды, Татарстан ягыннан очрашуда шулай ук ТР Премьер-министры урынбасары - сәнәгать һәм сәүдә министры Альберт Кәримов, ТР Инвестицион үсеш агентлыгы җитәкчесе Талия Миңнуллина, "Алабуга" МИЗ генераль директоры Тимур Шаһивәлиев катнашты.
Искәртик, Kohler компаниясенә 1873 елда нигез салынган һәм дөньяда сантехника җитештерүчеләрнең беренче унлыгына керә. Очрашуда яклар "Алабуга" МИЗ территориясендә ванналар һәм кухнялар өчен сантехника производствосын ачу мөмкинлеге турында сүз барды.
Рөстәм Миңнеханов ассызыклаганча, Татарстан компаниягә проектны гамәлгә ашыруда ярдәм итәргә әзер.
Татарстан Президенты искәрткәнчә, Татарстанның төрле чит ил компанияләре белән уңышлы хезмәттәшлек итү тәҗрибәсе бар.
Без төбәккә АКШ капиталын җәлеп итү яклы һәм үзара файдалы хезмәттәшлеккә шат булабыз, диде Рөстәм Миңнеханов.
Эшкуарлар ташламалы кредитны 15 банкта алырга мөмкин: Банк ВТБ, Сбербанк, "Россельхозбанк", "Банк Акцепт", "Альфа-банк", КБ "Ассоциация", Банк "Левобережный", "Банк Интеза", "Запсибкомбанк", МСП Банк, СКБ Приморья "Примсоцбанк", "РосЕвроБанк", "Банк "Санкт-Петербург", РНКБ Банк, ТКБ Банк.
Федераль бюджеттан аларга бирелә торган субсидияләр өстенлекле тармакларда проектларны гамәлгә ашыруга кече һәм урта эшкуарлык субъектларына ташламалы ставка буенча бирелгән кредитлар буенча алып бетерә алмаган керемнәрне каплауга каралган.
Кредитлар өстенлекле тармакларга караган проектларга биреләчәк.
Проектларын моношәһәрләрдә һәм Ерак Көнчыгыш федераль округы регионнарында гамәлгә ашыручы эшкуарлар программада махсус шартларда катнаша ала.
Россия Федерациясе Дәүләт Думасына күпфатирлы йортларга идарә итү эшчәнлеге башлану турында хәбәр итү процедурасын төгәлләштерү хакында закон проекты кертелгән. Россия Төзелеш министрлыгы тарафыннан әзерләнгән закон проектында каралганча, күрсәтелгән үзгәрешләрне Россия Федерациясе Торак кодексының 20 статьясына кертү тәкъдим ителә.
Закон проектында күпфатирлы йортларга идарә итү эшчәнлеге башлану турында хәбәрнамә тапшырырга тиешле субъектлар исемлегеннән идарәче оешмаларны, аларга карата лицензия контроле үткәрелгәнгә күрә, төшереп калдыру каралган. Шулай итеп, эшчәнлек башлау турында торак милекчеләре ширкәтләре, торак һәм башка махсуслашкан кулланучылар кооперативлары хәбәр итәргә тиеш була.
Закон проектын кабул итү дәүләт торак күзәтчелеген камилләштерү өчен башкарыла.
Закон проекты Россия Федерациясе Хөкүмәтенең 2018 елның 25 гыйнварында узган утырышында каралган һәм хупланган.
Федераль закон проекты тексты белән, сылтама буенча үтеп, Россия Федерациясе Дәүләт Думасы сайтында танышырга мөмкин: http://sozd.parlament.gov.ru/bill/377526-7